[᭔᭒ 42B]
᭔᭒
ᬤᬾᬯ᭞ᬪᬬᬪ᭄ᬬᬵᬰ᭄ᬢ᭄ᬭᬦᬾᬳᬗ᭄ᬓᬸᬲ᭄᭞ᬯᬃᬡ᭄ᬦᬕᬥᬂᬮᬸᬫ᭄ᬮᬸᬫ᭄᭞ᬤᬾᬯᬣᬦᬾᬰᬂᬓᬭᬵᬥᬶ᭞ᬘᬓ᭄ᬭᬦᬶᬂᬉᬢᬭ᭞ᬫᬇᬋᬂᬤᬾᬯᬳ᭄ᬬᬂᬯᬶᬱ᭄ᬡᬸ᭞ᬐᬃᬰᬦ᭄ᬬᬢ᭄ᬭᬶᬰᬹᬮ᭞ᬳ᭄ᬬᬂᬰᬫ᭄ᬩᬸᬩᬶᬭᬸᬫᬯᬃᬡ᭄ᬦᬶ᭞ᬫᬥ᭄ᬬᬧᬥ᭄ᬫᬵᬫᬜ᭄ᬘᬯᬃᬡ᭄ᬦ᭞ᬢᬦ᭄ᬮ᭄ᬬᬦ᭄ᬳᬶ
ᬤᬳ᭄ᬬᬂᬰᬶᬯᬫᬸᬗ᭄ᬕᬸᬄ᭟ᬧᬲᬹᬓ᭄ᬱ᭄ᬫᬦ᭄ᬧᬩᬗ᭄ᬓᬶᬢ᭄ᬧᬯᬮᬶᬓ᭄ᬭᬫ᭞ᬫᬭᬸᬦ᭄ᬢᬸᬢᬦᬶᬂᬲᬫ᭄ᬩᬬᬸᬢ᭄᭞ᬲᬧᬚᭂᬕᬦ᭄ᬘᬸᬓᬸᬧ᭄᭞ᬘᬭᬹᬲᭀᬃᬫᬜ᭄ᬘᬲᬝᬦᬶ᭞ᬧᬸᬢᬶᬄᬫᬸᬮᬸᬲ᭄ᬯᬾᬢᬦ᭄᭞ᬩᬶᬳᬶᬂᬩᬭᬓ᭄ᬮᭀᬤ᭄ᬫᬸᬗ᭄ᬕᬸᬄ᭞ᬧᬸᬢᬶᬄᬓᬸᬦᬶᬂ
ᬓᬸᬮ᭄ᬯᬦ᭄᭞ᬲᬼᬫᬸᬮᬸᬲ᭄ᬳᬸᬢᬭᬶ᭞ᬩ᭄ᬭᬸᬦ᭄ᬩᬸᬦ᭄ᬓᬸᬦᬶᬗᬾᬤᬶᬢ᭄ᬗᬄ᭞ᬕ᭄ᬮᬃᬲᬗ᭄ᬳᭃᬰ᭄ᬕᭂᬳᬦ᭄ᬢᬸᬫᬹᬢ᭄᭟ᬲᬫ᭄ᬧᬹᬦ᭄ᬫᬱᬓᬵᬮᬫ᭄ᬩᬸᬓ᭄ᬢᬶᬓᬘᬭᬸᬩᬂ᭞ᬘᬭᬹᬦᬾᬫᬩᬕᬶᬓᬸᬢᬸᬲ᭄᭞ᬓᬧᬶᬓᬮᬶᬄᬳᬶᬧᬸᬦ᭄᭞ᬩᬕᬶᬮᬶᬫᬢ᭄ᬯᬶᬢᬹᬫᬸᬮᬶᬄ᭞
ᬓᬢ᭄ᬭᬶᬩᬕᬶᬢᬶᬕ᭞ᬓᬧᬢ᭄ᬩᬕᬶᬓᬮᬶᬄᬧᬸᬧᬸᬢ᭄᭞ᬢ᭄ᬯᬶᬭᬭᬶᬲ᭄ᬳᬤᭀᬦᬂᬘᬭᬸᬩ᭄ᬓᬶᬗᬶᬦ᭄ᬳᬲᬶᬓᬶ᭞ᬮᬚᬸᬭᬭᬶᬲ᭄ᬓᬪᬹᬓ᭄ᬢ᭄ᬬᬂ᭞ᬧᬶᬦᬹᬚᬵᬲ᭄ᬢᬸᬤᬾᬭᬲᬂᬯᬶᬓᬹ᭟ᬬᬦ᭄ᬳᬸᬲ᭄ᬧᬸᬧᬸᬢ᭄ᬕᬶᬦᬯᬫᬭᬶᬂᬕᭂᬂᬳᬯᬦ᭄᭞ᬲᭀᬩᬕ᭄ᬬᬭᬶ᭠
[᭔᭓ 43A]
ᬧᬃᬧ᭄ᬧᬢ᭄ᬳᬕᬸᬂ᭞ᬕ᭄ᬦᬄᬗᬸᬢᬂᬘᬭᬸ᭞ᬫ᭄ᬩᬸᬓ᭄ᬢᬶᬦᬶᬦ᭄ᬓᬵᬮᬪᬹᬝᬦᬶ᭞ᬓᬮᬶᬄᬲᬫ᭄ᬧᬹᬦ᭄ᬧᬶᬲᬦ᭄᭞ᬗ᭄ᬮᬮ᭄ᬬᬂᬦᬾᬫᬯᬶ᭠ᬢ᭄ᬱ᭄ᬭᬮᬸ᭞ᬧᬾᬜ᭄ᬚᭀᬃᬫᬭᬶᬂᬤ᭄ᬯᬭ᭞ᬧᬫᬧᬕ᭄ᬳ᭄ᬬᬂᬖᬡᬋᬱᬶ᭞ᬘᬦᬂᬰᬭ᭄ᬬᬢᬹᬃᬫᬲᭀᬮᬄ᭞ᬧ᭄ᬭᬦᬫ᭄ᬬᬦᬶᬗᬢᬹᬃᬓ᭠
ᬤᬸᬮᬸ᭟ᬓᬹᬘᬧ᭄ᬫᬮᬶᬄᬧᬫᬃᬕ᭄ᬕᬶᬲᬓᬶᬂᬕᭂᬂᬳᬯᬦ᭄᭞ᬓᭂᬫ᭄ᬩᬃᬳᬶᬗᬧᬶᬢ᭄ᬧᬬᬸᬂ᭞ᬳᬕᬸᬂᬧ᭄ᬢᬓ᭄ᬫᬸᬮᬸᬲ᭄᭞ᬓᬂᬗᬯᬫᬤᬲ᭄ᬢᬃᬧᬸᬢᬶᬄ᭞ᬘᬶᬳ᭄ᬦᬦᬶᬂᬲᬸᬘᬶᬢ᭄ᬣ᭞ᬅᬢ᭄ᬯᬗᬾᬂᬯᬶᬥᬷᬳᬦᬸᬮᬸᬲ᭄᭞ᬲᬸᬘ᭄ᬬᬵᬢᬶᬦᬶᬃᬫ᭄ᬫᬮ᭞ᬲᬶᬦᬦ᭄ᬤᬶᬂᬮᬮᭀᬦ᭄ᬢᬾ
ᬓ᭄ᬧᬸᬢᬶᬄ᭞ᬢᬸᬗ᭄ᬕᬸᬮ᭄ᬭᬓ᭄ᬢᬧᭀᬮᬾᬂᬚ᭄ᬦᬃ᭞ᬢ᭄ᬯᬶᬧᬓᬶᬩᬶᬃᬳᬰ᭄ᬭᬶᬓᬬᬸᬦᬳ᭄ᬬᬸᬦ᭄᭟ᬫᬮᭀᬦ᭄ᬮᭀᬦᬦ᭄ᬧᬫᬃᬕ᭄ᬕᬶᬦᬾᬫᬗᬯᬸᬳᬂ᭞ᬳᬶᬂᬲ᭄ᬫᬵᬰᬡᬓᬚᬸᬚᬸᬃ᭞ᬦᬸᬚᬸᬤᬍᬫ᭄ᬘᬗ᭄ᬓᬸᬩ᭄᭞ᬧᬸᬭᬤᬍᬫ᭄ᬧ᭄ᬭᬚ᭄ᬚᬧᬢᬶ᭞ᬰᬯᬵᬱ᭄ᬝᬧ᭄ᬭᬦᬯᬵ᭠
ᬋᬱ᭄ᬫᬶᬲᬶᬦᬸᬗᬦ᭄ᬚᬸᬚᬸᬮᬸᬓ᭄᭞ᬫᬗ᭄ᬓᬶᬦ᭄ᬬᬦ᭄ᬧᬃᬡ᭄ᬦᬬᬂ᭞ᬯᬮᬸᬬᬉᬥ᭄ᬬᬡᬰ᭄ᬯᬃᬕ᭄ᬕᬶ᭞ᬓᬗᬭᬦᬵᬦ᭄ᬤᬦᬯᬦ᭞ᬢᬫᬦ᭄ᬳᬶᬤᬳ᭄ᬬᬂᬲᬝᬓᬺᬝᬸ᭟ᬕ᭄ᬦᬄᬤᬾᬯᬣᬤᬾᬯᬣᬶᬫᬘᬂᬓ᭄ᬭᬫ᭞ᬯᬶᬥ᭄ᬬᬥᬭᬶᬫᬓᬸᬫ᭄ᬧᬹᬮ᭄᭞ᬕᬦ᭄ᬤᬭ᭄ᬯ᭠
Kaca:Bali-lontar-gaguritan-pura-dalem-abyantubuh-300ppi.pdf/43
Kaca puniki sampun kauji-wacén
