[᭕᭑ 51B]
᭕᭑
ᬯᬕ᭄᭞ᬳᭂᬤᬦᬭᬶᬂᬳᬦᬓ᭄ᬲᬸᬕᬶᬄ᭞ᬫᬓᬤᬶᬭᬶᬂᬚᬦ᭄ᬫᬲᬶᬕᬸᬕ᭄᭞ᬲᬂᬫᭂᬫ᭄ᬩᭂᬓ᭄ᬘᭀᬭᬄᬲᬢᬸᬯᬸᬓ᭄᭞ᬤᬶᬢᬸᬧᬶᬢᭂᬢᬂᬳᬶᬤᬦ᭞ᬬᬤᬶᬦᬫ᭄ᬧᬶᬤᬦ
ᬦ᭄ᬳᬶᬧᬸᬦ᭄᭞ᬢᭀᬲᬶᬂᬧᬶᬲᬦ᭄ᬓᬯ᭄ᬯᬗᬂ᭞ᬦᬫ᭄ᬧᬶᬳᬢᬸᬭᬦ᭄ᬳᬶᬘᭀᬭᬄ᭞᭛ᬬᬦ᭄ᬳᬤᬕᬦ᭄ᬤᭀᬂᬮᬶᬯᬢ᭄ᬮᬘᬸᬃ᭞ᬗᬶᬤᬶᬄᬫᬳᬶᬍᬳᬦ᭄᭞ᬮᬦ᭄ᬢᬲ᭄ᬫᬫᬗ᭄ᬕᬶᬄᬲᬂ
ᬲᬸᬕᬶᬄ᭞ᬳᬶᬲᬸᬕᬶᬄᬫᬲᬯᬸᬢ᭄ᬚᬦ᭄ᬢᬸᬃ᭞ᬢ᭄ᬬᬂᬳ᭄ᬦᬸᬓᬸᬭᬂᬮᬶᬬᬸ᭞ᬓᭀᬦ᭄ᬤᬾᬦ᭄ᬜᬦ᭄ᬤᬂᬫᬓᬶᬤ᭄ᬬᬂ᭞ᬳᬶᬕᬾᬦᬵᬤᭀᬂᬫᬲᬶᬄᬲᬶᬕᬸᬕ᭄᭞ᬚ᭄ᬭᭀᬲᬸᬕᬶᬄᬤ᭄ᬫᬶᬢ᭄ᬧᬶᬲᬦ᭄᭞
ᬯ᭄ᬯᬂᬲᭂᬗ᭄ᬓᬮᬫᬤ᭄ᬯ᭛ᬳᬤᬳᬦᬓ᭄ᬮᬶᬬᬸᬗ᭄ᬮᬄᬢᬸᬢᬸᬃ᭞ᬩᬭᬾᬲ᭄ᬭᬯᭀᬲ᭄ᬜᬦᬾ᭞ᬦᬸᬦ᭄ᬤᬾᬦᬂᬫᬤᬦᬲᬳᬶ᭞ᬬᬦ᭄ᬳ᭄ᬬᬗᭂᬮᬄᬩ᭄ᬭᬡᬮᬶᬬᬸ᭞ᬤ᭄ᬫᬶᬢ᭄ᬜ
[᭕᭑ 52A]
ᬦᬾᬢ᭄ᬯᬄᬧᬸᬧᬸᬢ᭄᭞ᬤ᭄ᬫᭂᬦ᭄ᬗᭂᬦᭀᬢ᭄ᬕᭂᬮᬄᬢᬶᬫ᭄ᬧᬮ᭄᭞ᬢᬦᬸᬭᬸᬂᬧᬧᬓᬢᭂᬧᬸᬓ᭄᭞ᬳᭂᬦ᭄ᬢᭀᬳ᭄ᬥᬵᬘ᭄ᬦᬶᬂᬦᬸᬮᬤ᭄᭞ᬢ᭄ᬯᬭᬗᭂᬮᬄᬳᬭᬶᬫ᭄ᬪᬯ᭛ᬤᬶᬦᬸᬚᬸ
ᬘ᭄ᬦᬶᬂᬫᬢᬢᬫ᭄ᬬᬸ᭞ᬳᭂᬥᬵᬋᬓᭂᬢ᭄ᬳᬶᬭᬶᬳᬢᬶ᭞ᬓᬲ᭄ᬓᬬᬦᬾᬳᬗ᭄ᬕᭀᬦᬫ᭄ᬬᬸ᭞ᬦᬾᬦᬾᬧᭂᬲᬸᬳᬸᬮᬶᬢᬸᬬᬸᬄ᭞ᬲᬓᬶᬂᬫᬧᬦᬲ᭄ᬫᬳᬸᬚᬦ᭄᭞ᬲᭀᬮᬄᬮᬶ
ᬬᬸᬫᬸᬜᬶᬳᬬᬸ᭞ᬳᭂᬦ᭄ᬢᭀᬫᬤᬦ᭄ᬘᭂᬦᬶᬂᬧ᭄ᬭᬚ᭄ᬜᬦ᭄᭞ᬫᬤᬲᬃᬩᬦ᭄ᬫᬦᬄᬕᬮᬂ᭛ᬓᬾᬦᬾᬢ᭄ᬯᬄᬤᬦᬦᬾᬲᬦᬾ ᬳᬬᬸ᭞ᬬᬦᬶᬂᬳᬦᬓ᭄ᬬᬧ᭄᭞ᬢᬶ
ᬓᭂᬄᬳᬗ᭄ᬕᭀᬦ᭄ᬫᬤᬦᬳᬶᬦ᭄ᬬᬦᬶᬂᬢ᭄ᬓᬾᬦᬵᬳᬦᬓ᭄ᬲᭂᬥᬸᬓ᭄᭞ᬳᬚᭂᬗᬦᬾᬢ᭄ᬯᬄᬓᬧᬢᬸᬢ᭄ᬬᬦᬶᬂᬢ᭄ᬓᬾᬦ᭄ᬳᬦᬓ᭄ᬲᬸᬗ᭄ᬓᬦ᭄᭞ᬢᬫ᭄ᬩᬳᬗ᭄ᬕᭀ
Kaca:Bali-lontar-gaguritan-putra-sasana-01-350ppi.pdf/52
Kaca puniki sampun kauji-wacén
