[᭕᭓ 53B]
᭕᭓
᭛ᬓᬓᬮᬶᬄᬫᬸᬭᬸᬲᬦᬾ ᬓᬯᬸᬯᬸᬲ᭄᭞ᬮ᭄ᬯᬶᬃᬜᬦᬾ ᬓᭀᬘᬧ᭄᭞ᬲᬂᬲᬸᬕᬶᬄᬮᬕᬲ᭄ᬲᬸᬚᬢᬶ,ᬫᬓᬶᬤ᭄ᬬᬂᬢ᭄ᬯᬭᬲᬸᬭᬸᬤ᭄᭞ᬳ᭄ᬮᬲ᭄ᬗᬸᬢᬂᬕ᭄ᬮᬄᬮᬶᬬᬸ᭞
ᬓᬘᬧᬸᬭᬸᬱᬤᬦᬯᬦ᭄᭞ᬓᬧᬗ᭄ᬓᬮᬶᬳᬲᬂᬲᬥᬸ᭞ᬫᬗᬶᬭᬶᬂᬳᬸᬘᬧᬶᬂᬰᬲ᭄ᬢ᭄ᬭ᭞ᬫᬤᬦ᭄ᬧᬸᬭᬸᬱᬰᬲ᭄ᬢ᭄ᬭᬯᬦ᭛ᬫᬓᬮᬶᬄᬧᬸᬭᬸᬱᬫᬶᬢᬸᬳᬸ᭞ᬳᭂᬥᬵ
ᬩᬦᬶᬮᬗ᭄ᬕ᭄ᬬ᭞ᬗᬾᬧᬾᬢ᭄ᬫᬫᬦ᭄ᬤᬗᬶᬦ᭄ᬳᬸᬭᬶᬧ᭄᭞ᬬᬦ᭄ᬩᬦᬶᬧᬘᬂᬫᬫᬸᬭᬸᬕ᭄᭞ᬳᬕᬸᬂᬧᬧᬦᬾ ᬓᬢᭂᬧᬸᬓ᭄᭞ᬓᬢᬶᬩᬦ᭄ᬧᬸᬭᬸᬱᬵᬖ᭄ᬦ᭞ᬲᬶᬦᬄᬫᬫᬗ᭄ᬕᬸᬳᬂ
ᬮᬘᬸᬃ᭞ᬲᭂᬗ᭄ᬓᬮᬳᬕᬸᬂᬳᬶᬦᬫ᭞ᬳᬫᬢᬾᬦᬶᬦ᭄ᬢᬦ᭄ᬧᬤᭀᬱ᭛ᬩ᭄ᬯᬶᬦ᭄ᬢᬸᬢᬸᬭᬾᬳᬶᬲᬸᬕᬶᬄᬲᬸᬕᬶᬕ᭄᭞ᬢ᭄ᬯᬭᬫᬜᬮᬦᬂ᭞ᬳᬶᬦ᭄ᬥᬶᬓ᭄ᬓᬥᬃᬫ᭄ᬫᬦᬾ ᬲᬸ
[᭕᭔ 54A]
ᬕᬶᬄ᭞ᬬᬦᬶᬂᬳᬤ᭄ᬳᬦᬓ᭄ᬮᬘᬸᬃ᭞ᬳᬸᬫᬄᬳᬶᬲᬸᬕᬶᬓᬚᬸᬚᬸᬃ᭞ᬳᬶᬲᬸᬕᬶᬄᬬᬓᬾᬯᭂᬄᬧᬶᬲᬦ᭄᭞ᬓ᭄ᬦᭂᬄᬳᬶᬗᬸᬄᬫᭂᬭᬄᬫᭂᬭᬸᬄ᭞ᬓᬾᬯᭂᬄᬧᬘᬂᬓᬳᬶᬤᬶᬳᬶ
ᬦ᭄᭞ᬩᬦ᭄ᬲᬬᬗᬾ ᬢ᭄ᬓᬾᬦᬵᬩ᭄ᬭᬡ᭛ᬳᬶᬢᬶᬯᬲ᭄ᬭᬭᬶᬲ᭄ᬫᬳᬢᬸᬃᬳᬮᬸᬲ᭄᭞ᬢᬶᬗ᭄ᬓᬄᬧᬫ᭄ᬓᭂᬮᬾ᭞ᬭᬯᬸᬄᬢᬶᬢ᭄ᬬᬗᬾ ᬫᬭᬶᬓᬶᬲᬤ᭄ᬬᬦ᭄ᬢᬶᬢ᭄ᬬᬗᬾ ᬗᬮᬸ
ᬗ᭄ᬲᬸᬃ᭞ᬓᬃᬬ᭄ᬬᬲᬦᬾ ᬧᬢᬸᬢ᭄ᬧᬢᬸᬢ᭄᭞ᬢᬶᬢ᭄ᬬᬂᬦᬸᬦᬲ᭄ᬳᬲᬫ᭄ᬩᭂᬓᬦ᭄᭞ᬮᬬᬄᬢᬶᬢ᭄ᬬᬗᬾ ᬫᬫᬸᬧᬸᬢ᭄᭞ᬢ᭄ᬯᬭᬫ᭄ᬩᬳᬦ᭄ᬫᬳᬗ᭄ᬓ᭄ᬯᬦ᭄᭞ᬬᬦ᭄ᬢᬦ᭄ᬧᬫ᭄ᬓᭂ
ᬮᬾᬲ᭄ᬯᬾᬘ᭛ᬳᬶᬲᬸᬕᬶᬄᬫᬲᬯᬸᬢ᭄ᬗᬭᬸᬫᬸᬦ᭄᭞ᬢ᭄ᬯᬭᬫᬩᭂᬲᬶᬓᬦ᭄᭞ᬲ᭄ᬩᭂᬂᬩ᭄ᬭᬸᬗᬸᬲ᭄ᬢᬸᬃᬚᭂᬗᬶᬲ᭄᭞ᬳᬶᬢᬶᬯᬲ᭄ᬩᬸᬤᬮ᭄ᬜᬭᬸᬢ᭄ᬘᬸᬢ᭄᭞ᬫᬦᬳᬦᬂᬩᬲᬂ
Kaca:Bali-lontar-gaguritan-putra-sasana-01-350ppi.pdf/54
Kaca puniki sampun kauji-wacén
