[ ᭑᭒᭘ 128B]
᭑᭒᭘
ᬕ᭄ᬦᭀᬫ᭄ᬧ᭄ᬮᭀᬓ᭄ᬮᬯᬂ᭞ᬫᬾᬦ᭄ᬧᬸᬬᬸᬂᬫᬗ᭄ᬕᬦᬶᬗᬶᬦ᭄᭞ᬧᬥᬕᬶᬲᬸ᭞ᬲᬮᬶᬂᬳᬸᬫᬤ᭄ᬧᬥᬋᬩᬄ᭟᭐᭟᭖᭟ᬫᬕᭂᬩ᭄ᬮᬕ᭄ᬦᭂᬧᬾᬦ᭄ᬮᬯᬗᬦ᭄᭞ᬫᬾᬦ᭄ᬧᬸᬬᬸᬂᬓᭂᬢᭂᬲ᭄ᬜᬸᬗ᭄ᬓᬶᬮᬶᬂ᭞ᬧᬦ᭄ᬦᬶᬧᬸᬬᬸᬂᬫᬕᬫ᭄ᬩᬳ᭠
ᬦ᭄᭞ᬓᬫ᭄ᬩᭂᬦ᭄ᬓᭂᬮᬾᬲ᭄ᬚᬶᬢ᭄ᬫᬍᬕᬶᬂ᭞ᬭᬭᬶᬲ᭄ᬩᬗᬸᬦ᭄ᬧᬢᬶᬓᭂᬩ᭄ᬭᬶᬲ᭄᭞ᬫᬲ᭄ᬭᬾᬯᬾᬤᬦ᭄ᬓᬫ᭄ᬩᭂᬦ᭄ᬲᬧᬸᬢ᭄᭞ᬯᬬᬦ᭄ᬧᬸᬬᬸᬂᬫᬓᬾᬮᬶᬗᬂ᭞ᬦᬸᬶᬩ᭄ᬤᬸᬶᬤᬩ᭄ᬤᬩᬂᬦᬦᬂᬗᬶᬓᬾᬦᬶᬦ᭄᭞ᬳᬦᬓ᭄ᬳᬕᬸᬂ᭞ᬳᬶᬦᬩ᭄ᬫᬥᬶᬓ᭄ᬯ
ᬳᬸᬧ᭄ᬭᬧ᭄ᬢ᭟᭐᭟᭗᭟ᬩᬧᬦ᭄ᬜᬦᬾᬫᬧᬗ᭄ᬲᭂᬕᬦ᭄᭞ᬓᬩᭂᬮ᭄ᬩᭂᬮᬦ᭄ᬩᬬᬸᬦᬶᬢᬶᬃ᭞ᬫᬲᬸᬕᬶᬗᬫ᭄ᬩᬶᬮ᭄ᬘᬭᬢᬦ᭄᭞ᬢᬫ᭄ᬬᬸᬦᬾᬲᬸᬯᬾᬗᬦ᭄ᬢᭀᬲᬶᬦ᭄᭞ᬫᬾᬦ᭄ᬧᬸᬬᬸᬄᬕᬶᬲᬸᬦᬸᬦ᭄ᬤᬸᬗᬶᬦ᭄᭞ᬦᬦᬂᬘᭂ
ᬦᬶᬂᬳᬾᬗ᭄ᬕᬮ᭄ᬧᭂᬲᬸ᭞ᬳᬓᬾᬢᬓᬸᬢ᭄ᬫᬳᬶᬩ᭞ᬧᬦ᭄ᬧᬸᬬᬸᬂᬕᬕᬄᬜᬯᬸᬭᬶᬦ᭄᭞ᬚᬗᬦ᭄ᬢᬓᬸᬢ᭄᭞ᬢ᭄ᬯᬦ᭄ᬭᬸᬫᬄᬧᬸᬜᬓ᭄ᬯᬱ᭟᭐᭟ᬲᬮᬄᬤᬾᬯᬾᬓ᭄ᬢᬶᬤᬓ᭄ᬧᬸᬢᬸᬲᬦ᭄᭞ᬕᭀᬮᬾ
[ ᭑᭒᭙ 129A]
ᬓ᭄ᬲᭂᬦᭂᬂᬳᭀᬭᬫᬶᬓᬶᬃ᭞ᬳᬓᬸᬭᬵᬚᬲᭂᬦ᭄ᬤᬶᬭᬶᬬᬦ᭄᭞ᬲᬫ᭄ᬩᬶᬮ᭄ᬫᭂᬲᬾᬄᬫᬗᬸᬫᬶᬮ᭄ᬫᬶᬮ᭄᭞ᬓ᭄ᬯᬱᬫ᭄ᬭᬾᬦ᭄ᬢᬄᬲᬶᬂᬦᭂᬓᬦᬶᬦ᭄᭞ᬤᭂᬧᬂᬗᬾᬕᬾᬢ᭄ᬜᬦ᭄ᬢᭀᬲ᭄ᬤᬶᬢᬸ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬦᬦ᭄ᬤᬂᬧᬬ
ᬫᬸᬤᭂᬂᬗᬾᬩᬾᬮ᭄ᬘᬭᬭᬶᬭᬶᬄ᭞ᬫᬳᬶᬤ᭄ᬓᬦᬸᬶᬜ᭄ᬘᬢ᭄᭞ᬫᬓᬫ᭄ᬧᬸᬄᬧᭀᬮᬾᬂᬧᬦ᭄ᬤᬮᬦ᭄᭟᭐᭟᭙᭟ᬜᬸᬗ᭄ᬓᭂᬮᬶᬢ᭄ᬓᭂᬭᬶᬲ᭄ᬢᭀᬕᭀᬕ᭄ᬳᭂᬫᬲ᭄᭞ᬩᬚᬸᬧᬾᬕᭀᬦ᭄ᬮᬓᭂᬦ᭄ᬯᬶᬮᬶᬲ᭄᭞ᬫᬲᭂᬓᬃᬧᬸ
ᬘᬸᬓ᭄ᬭᬶᬂᬓᬃᬡ᭞ᬮᬾᬜ᭄ᬘᭀᬂᬜᬦᬾᬓᬧᭂᬤᬲᬶᬦ᭄᭞ᬲᭀᬮᬄᬓᬵᬤᬶᬧ᭄ᬭᬬᬬᬶ᭞ᬫᬜᭀᬘᭀᬓᬂᬧᬸᬓᬸᬮ᭄ᬓᬸᬢᬸᬲ᭄᭞ᬧᬸᬧᬸᬢ᭄ᬚᬫ᭄ᬲᬵᬫ᭄ᬧᬸᬦ᭄ᬳᬳᬶᬬᬲ᭄᭞ᬫᬓᬺᬫ᭄ᬧ᭄ᬬᬂᬗᬫ᭄ᬧᬓᬂᬓᭀᬭᬶ᭞ᬫ
ᬦᬮᬸᬚᬸ᭞ᬢᬶᬦ᭄ᬤᬓ᭄ᬗᬗ᭄ᬓᬩ᭄ᬢᭂᬭᬸᬲ᭄ᬓᬦᬢᬄ᭟᭐᭟᭙᭟ᬫᬗᬋᬧᬂᬦᬸᬦᬲ᭄ᬮᬸᬕ᭄ᬭ᭞ᬲᭀᬮᬄᬮᬫ᭄ᬧ᭄ᬬᬲ᭄ᬲᬫᬸᬧᬗᬶᬤ᭄᭞ᬢᬩᬸᬄᬕᭂᬢᬃᬓᬤᬶᬤᬮᬂ᭞ᬗᬸᬘᬧᬂᬯᬬᬂᬭᬶᬂᬓᭂᬮᬶᬃ᭞ᬤᬸᬄᬧᬸᬓᬸᬮᬸ
Kaca:Bali-lontar-gaguritan-puyung-sugih-250ppi.pdf/129
Kaca puniki sampun kauji-wacén
