Kaca:Bali-lontar-gaguritan-puyung-sugih-250ppi.pdf/166

Kaca puniki sampun kauji-wacén

[ ᭑᭖᭔ 164B]
᭑᭖᭔᭞
ᬯᬳᬸᬗ᭄ᬭᬱᬾᬂᬳᬢᬶ᭞ᬜᬸᬲᬸᬧ᭄ᬲ᭄ᬯᬾᬘᬦ᭄ᬳᬶᬤᬯ᭞ᬫᬥᬦᬬᬂᬮᬸᬯᬸᬦ᭄ᬕᬸᬫᬶ᭟᭜᭟᭘᭟ᬲᬂᬋᬂᬲᬫᬶᬢᬶᬢ᭄ᬬᬂᬳᬤᬸᬗ᭄᭞ᬦᬧᬶᬭᬢᬸᬫᬗᬯᬶᬦᬶᬦ᭄᭞ᬲᬂᬯᬳᬮᬸᬄᬗᬫ᭄ᬩᬶᬮ᭄ᬤᬗᬦ᭄᭞ᬦᬶᬓ᭠
ᬗ᭄ᬯᬧᬳᬶᬘᬳᬶᬦ᭄᭞ᬓᬲᬸᬓᬦᬾᬧᬶᬦᬶᬄᬫᬩ᭄ᬯᬢ᭄᭞ᬤᬗᬦ᭄ᬢᬦ᭄ᬓᭂᬦᬚ᭄ᬯᬂᬫᬮᬶᬂ᭟᭜᭟᭙᭟ᬲᬂᬪᬶᬓ᭄ᬱᬸᬫᬦᬶᬫ᭄ᬩᬮ᭄ᬫᬢᬹᬃ᭞ᬬᬾᬦ᭄ᬧᬸᬦᬶᬓᬦᬾᬩᬯᭀᬲᬶᬦ᭄᭞ᬚᬵᬢᬶᬕᬫ᭄ᬧᬂᬜᬓᬮᬦ᭄ᬢᬂ᭞
ᬩᬩᬓ᭄ᬢᬬᬦ᭄ᬢᬦ᭄ᬓᬦ᭄ᬢᭂᬦᬶᬦ᭄᭞ᬤ᭄ᬯᬦᬶᬂᬤᬰᬃᬤᬰᬰᬷᬮ᭞ᬫᬗᬸᬕᬸᬲᬂᬫᬭᬵᬕᬰᬸᬘᬶ᭟᭜᭟᭑᭐᭟ᬓᬾᬯᬮᬳᬾᬮᬶᬂᬲᬢᬸᬯᬸᬓ᭄᭞ᬤ᭄ᬬᬦᬬᭀᬕᬮᬦ᭄ᬲᬫᬵᬥᬶ᭞ᬬᬦ᭄ᬭᬶᬂᬳᬢᬶᬫᬦᬭᬶᬫ
᭞ᬯᭂᬓᬲ᭄ᬫᬢᭂᬗᬶᬦ᭄ᬲᬫᬤᬶ᭞ᬇᬭᬶᬓᬲᬫᬶᬓᬦ᭄ᬢᭂᬦᬂ᭞ᬤᬕᬶᬂᬚᬕᬢ᭄ᬢᬦ᭄ᬧᬢᭂᬧᬶ᭟᭜᭟᭑᭑᭟ᬲᬂᬪᬶᬓ᭄ᬱᬸᬲᬦᬾᬓᬯᬸᬯᬸᬲ᭄᭞ᬓᬭᬡᬵᬫᬺᬣᬦᬾᬗᭂᬧᬸᬗᬶᬦ᭄᭞ᬲᬢᬢᬓᬧᬥᬦᬬᬂ᭞
[ ᭑᭖᭕ 165A]
ᬓᬲᬸᬓᬦ᭄ᬲᬢᬸᬗ᭄ᬕᬸᬦᬸᬭᬶᬧ᭄᭞ᬢᬦᬦᬳᬶᬤᬫᬗᭀᬮᬄ᭞ᬚᬕ᭄ᬳᬦᬵᬫ᭄ᬭᬣᬦᭂᬓᬦᬶᬦ᭄᭟᭜᭟᭑᭒᭟ᬮ᭄ᬯᬶᬃᬫᬲᬓᬶᬂᬨᬮᬕᬦ᭄ᬢᬸᬂ᭞ᬭᬯᬸᬄᬜᬯᬢᭂᬓ᭄ᬫᬳᬸᬭᬶᬧ᭄᭞ᬫᬓᬫᬶᬯᬄᬲᬃᬯᬧᬗ᭠
ᬦ᭄᭞ᬮᬦ᭄ᬲᬦ᭄ᬤᬗᬦ᭄ᬪᬸᬱᬡᬵᬤᬶ᭞ᬲᬓ᭄ᬱᬢ᭄ᬦᭀᬭᬓᬮᬶᬗ᭄ᬯᬂ᭞ᬲᬫᬶᬩᭀᬮ᭄ᬯᬶᬃᬳᬶᬲ᭄ᬢ᭄ᬭᬷᬚᬮᬶᬃ᭟᭜᭟᭑᭓᭟ᬲᬋᬂᬤᬰᬯᬢᭂᬓ᭄ᬪᬷᬓ᭄ᬱᬸ᭞ᬓᬧᬸᬮᬸᬢ᭄ᬚᬕᬫᬗᬶᬭᬶᬂ᭞ᬫᬦᭂᬍᬩᬂᬓᬉᬢ᭄ᬢᬫᬦ᭄᭞᭠
ᬦᬾᬳᬤᬰᬤᬸᬤᬸᬲᬫᬶ᭞ᬪᬷᬦᬪᬷᬦᬓᬢᬸᬦᬲᬂ᭞ᬯᬶᬰᬾᬱᬦᬾᬓᬢᬶᬦ᭄ᬤᬶᬳᬶᬦ᭄᭟᭜᭟᭑᭔᭟ᬯᬾᬦ᭄ᬢᭂᬦ᭄ᬗᬭᬦ᭄ᬭᬱᬶᬘᬗ᭄ᬓᬸᬢ᭄᭞ᬫᬧᬶᬦᬸᬦᬲ᭄ᬫᬗ᭄ᬤᬳᬸᬦᬶᬂ᭞ᬫᬗᭂᬫᬶᬦ᭄ᬓᬜ᭄ᬘᬦ᭄ᬢᬦ᭄ᬤᬸᬭᬦ᭄᭞
ᬫᬗ᭄ᬤᬾᬦ᭄ᬭᬶᬂᬧᭀᬦ᭄ᬤᭀᬓ᭄ᬧᬸᬍᬲ᭄ᬢᬶᬲ᭄᭞ᬧᬸᬦᬶᬓᬦᬾᬢᬸᬦᬲ᭄ᬢᬶᬢ᭄ᬬᬂ᭞ᬲᬂᬪᬷᬓ᭄ᬱᬸᬦᬶᬫᬶᬢᬸᬢᬸᬭᬶᬦ᭄᭟᭜᭟᭑᭕᭟ᬇᬗ᭄ᬕᬶᬄᬤᬾᬯᬋᬱᬶᬘᬗ᭄ᬓᬸᬢ᭄᭞ᬫᬗ᭄ᬤᬾᬦ᭄ᬤᬾᬯᬲᬶᬤ᭄ᬥᬗᭂᬫᬶᬢ᭄᭞ᬳᬲᬸ