Kaca:Bali-lontar-gaguritan-puyung-sugih-250ppi.pdf/179

Kaca puniki sampun kauji-wacén

[ ᭑᭗᭗ 177B]
᭑᭗᭗᭞
ᬩᬜᬸᬯᬾᬥᬂ᭞ᬧᬗᬤᬂᬳᬤᬗᬾᬫᬮᬶᬄ᭞ᬲᬂᬲᬸᬭᬵᬢ᭄ᬫᬫᬓᬗᬭᬦ᭄᭞ᬘᬶᬓ᭄ᬭᬩᬮᬦ᭄ᬜᬦᬾᬫᬮᬶᬄ᭞ᬯᬢᭂᬓ᭄ᬧᬶᬰᬘᬧᬶᬰᬘᬷ᭞ᬲᬸᬮᬲᬷᬄᬥᬥᬭᬷᬦᬶᬧᬸᬦ᭄᭞ᬯᬶᬓᬸᬦ᭄ᬬᬪᬕ
ᬯᬦ᭄ᬓᬦ᭄ᬯ᭞ᬫᬳᬤᬾᬯᬳ᭄ᬬᬂᬤᬾᬯᬢᬶ᭞ᬢᬷᬃᬣᬦᬶᬧᬸᬦ᭄᭞ᬓᬸᬦ᭄ᬥᬮᬶᬦᬷᬓᬂᬅᬫᬺᬣ᭟᭜᭟᭗᭟ᬕᭀᬂᬢ᭄ᬭᭀᬫ᭄ᬧᭀᬂᬯᬯᬮᬾᬦ᭄ᬬ᭞ᬧᬫᬸᬧᬸᬢ᭄ᬭᬶᬂᬰᬢ᭄ᬭᬲᬫᬶ᭞ᬲᬦᬾᬄᬳᬂᬭᬦ᭄ᬬᬉᬘᬧᬂ᭞ᬲᬳᬶ᭠
ᬦ᭄ᬥᬶᬓᬾᬗᬸᬱᬧᬾᬢ᭄ᬭᬷ᭞ᬧᬶᬢ᭄ᬭᬬᬚ᭄ᬜᬓᬯᬱ᭄ᬝᬦᬶᬦ᭄᭞ᬓᬢ᭄ᬭᬗᬦᬾᬫᬧᬮᬓᬸ᭞ᬢᬍᬃᬯᬦ᭄ᬢᬄᬗᬗ᭄ᬕᭀᬦ᭄ᬯᬥᬄ᭞ᬥᬳᬩᬦ᭄ᬢᭂᬦ᭄ᬗᬩᬾᬦ᭄ᬲᬫᬶ᭞ᬥᬫᬃᬓᬸᬭᬸᬂ᭞ᬦᭀᬭᬗᬗ᭄ᬕᭀᬦ᭄ᬢᬸᬮᬗᬦ᭄
᭟᭜᭟ᬫᬧᬗᬯᬓ᭄ᬳᬦ᭄ᬢᬸᬓ᭄ᬢᬷᬃᬣ᭞ᬇᬗ᭄ᬕᬶᬄᬧᬸᬧᬸᬢ᭄ᬲᬧᬸᬦᬶᬓᬶ᭞ᬭᬶᬂᬩᬮᬾᬲᬮᬸᬂᬮᬸᬂᬗᬭᬦ᭄᭞ᬭᬶᬂᬉᬢ᭄ᬢᬭᬲ᭄ᬯᬃᬕᬦᬶᬓᬶ᭞ᬩᭂᬕᭂᬤᭂᬩᬄᬓᬯᬄᬚᬵᬢᬶ᭞ᬧᬗᬥᬂᬜᬦᬾᬧᬸᬦᬶᬓᬸ᭞ᬲᬂᬅ
[ ᭑᭗᭘ 178A]
ᬤᬶᬓᬵᬮᬫᬗᬭᬦ᭄᭞ᬓᬶᬗ᭄ᬓᬭᬓᬵᬮᬗᬤᬦᬶᬦ᭄᭞ᬢᬸᬜ᭄ᬚᬸᬂᬪᬶᬭᬸ᭞ᬯᬶᬥ᭄ᬬᬥᬭᬶᬦ᭄ᬜᬦᬾᬗᭂᬫ᭄ᬩᬦ᭄᭟᭜᭟᭙᭟ᬯᬶᬓᬸᬪᬕᬯᬦ᭄ᬚᬦᬓ᭞ᬯᬯᬮᬾᬦ᭄ᬬᬲᬭᭀᬦ᭄ᬢᬦ᭄ᬥᬶᬂ᭞ᬢᬷᬃᬣᬦ᭄ᬬᬵ᭞᭠
ᬫ᭄ᬭᬣᬧᬯᬶᬢ᭄ᬭ᭞ᬦᬭᬶᬂᬰᬾᬢ᭄ᬭᬧᬸᬧᬸᬢ᭄ᬲᬫᬶ᭞ᬳᬫᬥᬧᬸᬦᬶᬓᬘᭂᬦᬶᬂ᭞ᬲᭀᬮᬄᬚᬩᬲᬦᬾᬧᬢᬹᬢ᭄᭞ᬦᬶᬱ᭄ᬝᬦᬾᬫᬗ᭄ᬓᬶᬦᬸᬘᬧᬂ᭞ᬳᬦᬭᬶᬂᬲᭀᬃᬓᬬᬳᬷᬓᬶ᭞ᬲᬓᬶᬂᬲᬵᬫ᭄ᬧᬸᬦ᭄᭞ᬇ
ᬦ᭄ᬤᬶᬓ᭄ᬳᬦᬓ᭄ᬗᭂᬲᭂᬂᬯᬢᬂ᭟᭜᭟᭑᭐᭟ᬬᬦᬶᬂᬭᬶᬂᬲᭀᬮᬄᬜᬯᬱ᭄ᬝ᭞ᬗᬯᬓ᭄ᬩᬂᬩᬂᬓ᭄ᬭᬫ᭠ᬦᬾᬓᬶ᭞ᬧᬸᬧᬸᬢ᭄ᬯᬦ᭄ᬢᬄᬦᬭᬶᬂᬰᬾᬢ᭄ᬭ᭞ᬦᬭᬶᬂᬩᬩᭂᬢᬾᬦ᭄ᬧᬗᬘᬶ᭞ᬧᬢᬸᬮᬗᬦ᭄ᬯᬥᬄᬫᬮᬶᬄ᭞᭠
ᬦᭀᬭᬫᬸᬗ᭄ᬕᬄᬥᬫᬃᬓᬸᬭᬸᬂ᭞ᬓᬾᬯᬮᬲᬚᬶᬉᬧᬓᬵᬭ᭞ᬲᬢᬗ᭄ᬓᭂᬧ᭄ᬢᬸᬯᬄᬳᬗ᭄ᬓᭂᬩ᭄ᬦᬲᬶ᭞ᬫᬶᬯᬄᬘᬭᬸ᭞ᬲ᭄ᬯᬂᬕᬦ᭄ᬜᬦᬾᬫᬭᬶᬂᬯᬾᬢᬦ᭄᭟᭜᭟᭑᭑᭟ᬳᬦ᭄ᬤᬸᬲ᭄ᬓᬯᬄᬦᬶᬓᬗᬭᬦ᭄