[ ᭑᭘᭕ 185B]
᭑᭘᭕᭞
ᬣᬶ᭞ᬧᬸᬧᬸᬢ᭄ᬳᬯᭀᬃᬭᬶᬂᬧᬢᬸᬭᭀᬦ᭄᭟᭑᭘᭟ᬫᬗᬸᬮᬸᬭᬶᬦ᭄ᬲᭀᬮᬄᬤᬦᬾᬫᬓᬸᬮᬗᬸᬦ᭄᭞ᬦᬭᬶᬂᬢᬫᬦ᭄ᬮᬶᬦ᭄ᬢᬂᬳᬲ᭄ᬭᬷ᭞ᬢᭂᬕᬮ᭄ᬚᬵᬢᬶᬭᭀᬓᬾᬄᬕᬸᬦᬸᬂ᭞ᬢᭂᬢᭂᬲ᭄ᬤᬦᬾᬮᬦᬂᬳᬶᬲ᭄ᬢ᭄ᬭᬷ᭞
ᬮ᭄ᬯᬶᬃᬧᬡ᭄ᬥᬶᬢᬳᬮᬮᬓᭀᬦ᭄᭟᭜᭟᭑᭙᭟ᬲᬫᬶᬳᬲᬸᬂᬧᬢᬧᬦᬾ᭞ᬧᬤᬤᬶᬢᬸ᭞ᬫᬗᬸᬜᬳᬶᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬩᬥᬸᬗᬂᬯᬾᬥᬧᬗᬯ᭄ᬭᬸᬄ᭞ᬬᬚᬸᬃᬯᬾᬥᬓᬮᬶᬄᬰ᭄ᬭᬸᬢᬶ᭞ᬭᬳᬸᬯᬸᬄ
ᬜᬦᬶᬫ᭄ᬩᬂᬩᬩᬯᭀᬲ᭄᭟᭜᭟᭒᭐᭟ᬢᬦ᭄ᬧᬸᬢᬸᬲᬦ᭄ᬭᬯᬸᬄᬜᬦᬾᬧᬥᬗᬮᬸᬗ᭄ᬲᬸᬃᬋᬕ᭄ᬯᬾᬥᬲᬫᬫᬮᬶᬄ᭞ᬚᬧᬫᬦ᭄ᬢ᭄ᬭᬮ᭄ᬯᬶᬄᬳᬶᬧᬸᬦ᭄᭞ᬤᬕᬶᬂᬓᬦ᭄ᬥᬥᬃᬫᬚᬵᬢᬶ᭞ᬓᬜ᭄ᬘ
ᬦ᭄ᬢᬸᬢᬸᬃᬮᬦᬾᬓᬯᭀᬢ᭄᭟᭜᭟ᬧᬸᬧᬸᬄᬳᬤ᭄ᬭᬶ᭟᭜᭟᭑᭟ᬯᬾᬦ᭄ᬢᭂᬦᬺᬱᬶᬭᬯᬸᬄᬲᬋᬘᬢᬸᬃ᭞ᬰᬭᬩᬗ᭄ᬕᬳᬭᬦᬾ᭞ᬫᬶᬯᬄᬋᬱᬶᬫᬦᭀᬳᬕᬶ᭞ᬩᬂᬏᬭᬸᬯᬱᬓᬧᬶᬂᬢᭂᬮᬸ᭟
[ ᭑᭘᭖ 186A]
ᬦ᭄ᬦ᭄ᬥᬶᬰ᭄ᬯᬭᬓᬧᬶᬂᬘᬢᬸᬃ᭞ᬧ᭄ᬭᬧ᭄ᬢᬲᬳᬯᬾᬥᬵᬤᬶᬓ᭞ᬲᬂᬪᬷᬓ᭄ᬱᬸᬦᬶᬳᬕᬾᬜᬸᬕᬸᬄ᭞ᬮᬦᬂᬯᬥᬸᬫᬓᬭᭀᬦᬦ᭄᭞ᬲᬳᬯᬾᬥᬧᬜᬫ᭄ᬩ᭄ᬭᬫ᭟᭜᭟ᬍᬂᬧᬸᬧᬸᬢ᭄ᬲᬫᬶᬓᬵᬢᬭ
ᬦ᭄ᬫᬮᬸᬗ᭄ᬕᬸᬄ᭞ᬰᬭᬩᬗ᭄ᬕᬉᬚᬭᬾ᭞ᬅᬓ᭄ᬱᬫᬲᬗ᭄ᬳᬸᬮᬸᬦ᭄ᬧ᭄ᬭᬧ᭄ᬢᬶ᭞ᬳᬦᬸᬳᬸᬯᬶᬲᬶᬓᬶᬳ᭄ᬦ᭄ᬳᬸᬂ᭞ᬲ᭄ᬯᬾᬘᬳᬸᬕᬶᬲᬗ᭄ᬳᬸᬮᬸᬦ᭄᭞ᬫᬦᬢ᭄ᬯᬬᬂᬓᬵᬤᬶᬳᬃᬱ᭞ᬲᬂᬪᬷᬓ᭄ᬱᬸᬦᬶᬳᬮᭀᬦ᭄ᬫᬸᬯᬸᬲ᭄᭞᭠
ᬲᬶᬗ᭄ᬕᬶᬄᬤᬾᬯᬘᬢᬸᬃᬅᬲ᭄ᬭᬫ᭞ᬅᬓ᭄ᬱᬫᬳᬸᬮᬸᬦ᭄ᬫᬶᬥᬃᬣ᭟᭜᭟᭓᭟ᬳᬭᬶᬫ᭄ᬪᬯᬤᬾᬯᬲᬋᬂᬫᬶᬸᬂᬢᬸᬃ᭞ᬬᭀᬕ᭄ᬬᬵᬫ᭄ᬯᬂᬳᬶᬯᬗᬾ᭞ᬓᬾᬯᬮᬳᬢᬸᬃᬲᬲᬶᬫ᭄ᬩᬶᬂ᭞ᬇᬦ᭄ᬥᬶᬓ᭄ᬚᬵᬢᬶᬦᭀᬭᬧᬗ᭄ᬕᬸᬄ᭞ᬦᭀ
ᬭᬓᭂᬦᬋᬗᬵᭂᬦ᭄ᬤᬸᬮᬸ᭞ᬮ᭄ᬯᬶᬃᬢᬫ᭄ᬧᬓ᭄ᬓᬸᬦ᭄ᬢᬸᬮ᭄ᬳᬗ᭄ᬮᬬᬂ᭞ᬮᬶᬦ᭄ᬢᬂᬲᭂᬗ᭄ᬓᬫᬮᬶᬄᬘᭂᬮᬸᬢ᭄᭞ᬧᬘᬂᬕᬫᭂᬮ᭄ᬫᬶᬯᬄᬢᬃᬓ᭞ᬗᬶᬭᬶᬂᬢᬶᬫ᭄ᬩᬂᬭᬶᬂᬧᬰ᭄ᬭᬫᬦ᭄᭟᭜᭟᭕᭟ᬦᭀᬭᬳᬦᬫᬓᬮᬶᬗ᭄ᬕᬦᬶᬧᬸᬦ᭄
Kaca:Bali-lontar-gaguritan-puyung-sugih-250ppi.pdf/187
Kaca puniki sampun kauji-wacén
