[ ᭕᭗ 57B]
᭕᭗
ᬦ᭄ᬲᬸᬭᬵᬢ᭄᭞ᬦᬄᬮᬯᬸᬢᬂᬲᬯᬸᬂᬕᬮᬶᬂ᭞ᬫᬗ᭄ᬓᬾᬚᬸᬕᬫᬢ᭄ᬬᬂ᭞ᬤ᭄ᬯᬦᬶᬂᬢᭂᬭᬂᬢᬸᬓᬂᬩᬳᬓ᭄᭞ᬧᬭᬶᬓᭀᬰᬲᬯᬸᬗ᭄ᬕᬮᬶᬂ᭞ᬗᭂᬚᬸᬓ᭄ᬧᬦ᭄ᬩᬦ᭄ᬥᬄ᭞ᬋᬗᬲᬶᬧᬸᬦ᭄ᬧᬢᬶᬓᭂᬮᬶᬤ᭄᭟᭐᭟᭒᭖᭟ᬲᬵᬫ᭄ᬧᬸ
ᬦ᭄ᬓᭀᬭᭀᬲ᭄ᬧᬦ᭄ᬩᬦ᭄ᬥᬄᬓᬚᬓ᭄ᬭᬶᬂᬚᬩ᭞ᬳᭀᬮᬲᬾᬓᬢᭂᬫᬄᬲᬶᬲᬶᬧ᭄᭞ᬲᬵᬫᬧᬸᬦ᭄ᬓᬧᬥᭂᬫᬂ᭞ᬦᬶᬓᬯᭀᬄᬨᬮᬓᬃᬫ᭞ᬦᬾᬦ᭄ᬢᭂᬦ᭄ᬬᭀᬕ᭄ᬬᬢᬸᬮᬓ᭄ᬢᬕᬶᬄ᭞ᬫᬦᬫ᭄ᬧᬶᬤᬸᬫᬦ᭄᭞ᬓᬧᬓ᭄ᬱᬓᬧᬶᬓᬸᬮᬶᬦ᭄᭟᭐᭟
ᬧᬸᬧᬸᬄᬧᬗ᭄ᬓᬸᬃ᭟᭐᭟᭑᭟ᬤᬸᬭᬸᬲ᭄ᬧᬥᭂᬫ᭄ᬩᬧᬩᬦ᭄ᬥᬄ᭞ᬦᭀᬭᬳᬦᬜᬫᬩ᭄ᬭᬯᬫᬚᬶᬜ᭄ᬚᬶᬦ᭄᭞ᬓᭀᬫ᭄ᬧ᭄ᬬᬂᬕᬡᬮ᭄ᬭᬭᬶᬲ᭄ᬫᬦ᭄ᬢᬸᬓ᭄᭞ᬳᬸᬮᬶᬳᬦ᭄ᬭᬭᬧᬦᬾᬫᭂᬮᬄ᭞ᬦᬾᬦ᭄ᬢᭂᬦᬸᬦᬶᬂᬦᬭᬶᬂᬳᬸᬦ᭄ᬢᬸᬓ᭄ᬜᬦᬾᬤᬶᬢᬸ᭞ᬦᬸᬮ᭄ᬬᬤᬦᬾ
ᬭᬶᬭᬶᬲ᭄ᬩᬸᬤᬮ᭄᭞ᬢᬦ᭄ᬓᭀᬘᬧᬦ᭄ᬳᬦᬭᬶᬂᬫᬃᬕᬶ᭟᭐᭟᭒᭟ᬲᬵᬫ᭄ᬧᬸᬦ᭄ᬲᭀᬭᬾᬤᬦᬾᬧ᭄ᬭᬧ᭄ᬢ᭞ᬳᬦᬭᬶᬂ᭞ᬧᭀᬦ᭄ᬤᭀᬓ᭄ᬓᬭᬂᬲᬸᬯᬸᬂᬫᬗ᭄ᬓᬶᬦ᭄᭞ᬳᬕᬾᬤᬦᬾᬯᬬᬦ᭄ᬧᬸᬬᬸᬂ᭞ᬜᬧᬤᬦᬾᬳᬶᬓᭀᬫ᭄ᬧ᭄ᬬᬂ᭞ᬲᭂᬮᬫ
[᭕᭘ 58A]
ᬢ᭄ᬤᬢᬂᬩᭂᬮᬶᬓᭀᬫ᭄ᬧ᭄ᬬᬂᬧᬜ᭄ᬚᬂᬳᬸᬫᬸᬃ᭞ᬫᬲᬮᬫᬦ᭄ᬓᬲᬶᬄᬢᬗᬦ᭄᭞ᬲᬸᬓᬸᬃᬳᬶᬤᬸᬧ᭄ᬦᭀᬭᬫᬢᬶ᭟᭐᭒᭟ᬫᬾᬲᭂᬫ᭄ᬤᬦᬾᬓᭀᬫ᭄ᬧ᭄ᬬᬂᬕᬡᬮ᭄᭞ᬤᬾᬭᬾᬓ᭄ᬲᬸᬕᭂᬂᬳᬗ᭄ᬕᬚᬶᬯᬫᬬᬸᬗᬶᬦ᭄᭞ᬫᬗ᭄ᬲᭂᬕᬦ᭄ᬤᬦᬾᬫᬮᬸᬗ᭄ᬕᬸᬄ᭞ᬲᬦᬾ
ᬮᬸᬄᬳᬾᬧᭀᬢ᭄ᬜᬕ᭄ᬬᬂ᭞ᬦᬸᬮ᭄ᬬᬗᬚᭂᬲᬋᬂᬓᬮᬶᬄᬲᬃᬯᬶᬦᬸᬢᬸᬃ᭞ᬇᬦ᭄ᬤᬶᬓ᭄ᬜᬦᬾᬫᬓ᭄ᬢᬲᬸᬭᬵᬢ᭄᭞ᬯᬬᬦ᭄ᬧᬸᬬᬸᬂᬦᬩ᭄ᬤᬩ᭄ᬳᬭᬶᬲ᭄᭟᭐᭟᭔᭟ᬲᬵᬫ᭄ᬧᬸᬦ᭄ᬩᭂᬮᬶᬫᬗᬘᭂᬧᬂ᭞ᬲᭀᬮᬄᬧᬢᬹᬢ᭄ᬢᬦ᭄ᬳᬤᭀᬄᬦᬾᬜᬩᬸ᭠
ᬢᬶᬦ᭄᭞ᬲᬦᬾᬮᬦᬂᬫᬸᬶᬢᬸᬶᬦᬶᬫ᭄ᬩᬮ᭄ᬫᬵᬢᬸᬃᬥᬸᬄᬤᬾᬯᬓᬤᬶᬩᬸᬮᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬧᬯᭂᬄᬫᬲᭀᬮᬄᬧᬢᬹᬢ᭄᭞ᬲᬦᬾᬳᬷᬲ᭄ᬢ᭄ᬭᬷᬫᬗᬸᬚᬗᬂ᭞ᬧᬶᬋᬂᬩᭂᬮᬶᬳᬧᬂᬧᬲ᭄ᬢᬶ᭟᭐᭟᭕᭟ᬧᬺᬢᬫᬫᬲᭀ᭠
ᬮᬄᬬᬫᬢᭂᬕᭂᬲᬶᬧᬸᬦ᭄ᬓᬸᬓᬸᬄᬇᬥᭂᬧ᭄ᬩᬸᬶᬧ᭄ᬗᬸᬕᭀᬦᬶᬦ᭄᭞ᬓᬧᬶᬂᬤ᭄ᬯᬦᬾᬢᭂᬕᭂᬲᬶᬧᬸᬦ᭄᭞ᬫᬧᬺᬢᬶᬳᬭ᭞ᬗᬭᬦ᭄᭞ᬫᬢᭂᬓ᭄ᬩᬬᬸᬦᬭᬶᬂᬳᬸᬮᬸᬢᭂᬗᬄᬓᬸᬫ᭄ᬧᬸᬮ᭄᭞ᬓᬸᬢᬂᬧᬜ᭄ᬚᬂᬦᬸᬥᬸᬓ᭄ᬩᬯᬓ᭄᭞
Kaca:Bali-lontar-gaguritan-puyung-sugih-250ppi.pdf/58
Kaca puniki sampun kauji-wacén
