[ ᭕᭘ 58B]
᭕᭘
ᬫᬢᭂᬓ᭄ᬩᬬᬸᬲᬤᬳᬭᬶᬲ᭄᭟᭐᭟᭖᭟ᬩᬸᬥᬶᬆᬚ᭄ᬜᬦᬫᬳᭀᬢ᭄ᬢᬫ᭞ᬢᭂᬕᭂᬲᬶᬧᬸᬦ᭄ᬭᬶᬂᬧᬶᬗ᭄ᬕᬮᬫᬗ᭄ᬭᬜ᭄ᬚᬶᬂ᭞ᬲᭀᬮᬄᬥ᭄ᬬᬦᬢᭂᬕᭂᬲᬶᬧᬸᬦ᭄᭞ᬕᭂᬦᬄᬦᬸᬗ᭄ᬕᬮᬂᬘᬶᬧ᭄ᬢ᭞ᬲᬵᬫ᭄ᬧᬸᬦ᭄ᬢᬶᬕᬓᬧᬶᬂᬳᭂᬫᭀᬯᬢ᭄ᬯᭀᬕᬦᬶ
ᬧᬸᬦ᭄᭞ᬫᭂᬕᭂᬂᬳᬯᬓ᭄ᬦᭀᬭᬕᬶᬗ᭄ᬕᬂ᭞ᬩᬬᬸᬰᬩ᭄ᬤᬇᬥᭂᬧ᭄ᬦᬸᬗ᭄ᬕᬮ᭄᭟᭐᭟᭗᭟ᬓᬧᬶᬂᬮᬶᬫᬦᬾᬉᬘᬧᬂ᭞ᬲᬫᬵᬥᬶᬗᬭᬦ᭄ᬬᬗᬋᬧ᭄ᬭᬶᬂᬯᬶᬥᬶ᭞ᬫᬥᬓ᭄ᬲᬶᬳᬶᬦᬦᬇᬥᭂᬧ᭄ᬳᬮᬸᬲ᭄᭞ᬫᬥᬸᬧᬇᬥᭂᬧ᭄ᬲᬸᬓ᭄ᬮ᭞ᬘᬦᬂ᭠
ᬲᬭᬷᬗᬭᬦᬶᬥᭂᬧ᭄ᬲᬦᬾᬧᬸᬢᬸᬲ᭄᭞ᬫᬶᬯᬄᬲᭀᬮᬄᬫᬗᬬᬩᬂ᭞ᬲᬥᬸᬓ᭄ᬱ᭄ᬯᬭᬷᬮᬶᬦ᭄ᬢᬂᬧᬶᬗᬶᬢ᭄᭟᭐᭟᭘᭟ᬤᬦᬾᬓᭀᬫ᭄ᬧ᭄ᬬᬂᬲᬵᬫ᭄ᬧᬸᬦ᭄ᬦᬭᬶᬫ᭞ᬲᭀᬮᬄᬧᬢᬹᬢ᭄ᬲᬵᬫ᭄ᬧᬸᬦ᭄ᬲᬫᬶᬓᬫᬃᬕᬶᬦᬶᬦ᭄᭞ᬯᬸᬲ᭄ᬓ᭄ᬭᬱ
ᬭᬶᬂᬤᬾᬯᬾᬓᬶᬧᬸᬦ᭄᭞ᬥᬸᬫᬶᬮᬄᬗᬩᬃᬳᬩᬃ᭞ᬪᬯᬳᬕᬸᬂ᭞ᬩᬩᬯᭀᬲᬾᬫᬦᬶᬲ᭄ᬜᬸᬜᬸᬃ᭞ᬉᬥᬸᬄᬳᬤᬶᬤᬾᬯᬦ᭄ᬢᬶᬢ᭄ᬬᬂ᭞ᬮᬾᬤᬂᬳᬤᬶᬢᬶᬢ᭄ᬬᬂᬧᬫᬶᬢ᭄᭟᭐᭟᭙᭟ᬮᬸᬗ᭄ᬳᬢᬶᬢ᭄ᬬᬂᬫᬬᭀᬕᬘᬭ᭞ᬫ
[ ᭕᭙ 59A]
ᬲᭀᬮᬄᬪᬶᬓ᭄ᬲᬸᬜᬫ᭄ᬩᬂᬲᬫᬵᬥᬶ᭞ᬫᬦᬶᬗ᭄ᬕᬮᬂᬳᬮᬍᬢᬸᬄ᭞ᬫᬭᬭᬶᬂᬯᬦᬵᬦ᭄ᬢᬭ᭞ᬧᬜ᭄ᬚᬂᬳᬸᬫᬸᬃᬩᬮᬶᬚ᭄ᬢᬶᬢ᭄ᬬᬂᬫᬦᬶᬮᬶᬄᬧᬗ᭄ᬕᬸᬄ᭞ᬓᬧᭀᬘᭂᬦ᭄ᬥᭂᬓ᭄ᬓᬧᬸᬕᬸᬢᬦ᭄᭞ᬲᬶᬦᬄᬢᬶᬢ᭄ᬬᬂᬢᭂᬭᬸᬲ᭄ᬚᬸᬮᬶᬄ᭟᭐᭟
᭟᭑᭐᭟ᬗᬫᬗ᭄ᬕᭂᬳᬂᬩ᭄ᬭᬢᬰᬸᬓ᭄ᬮ᭞ᬩ᭄ᬭᬵᬳ᭄ᬫᬘᬭᬶᬜᬸᬲᬸᬧ᭄ᬭᬶᬂᬯᬦᬕᬶᬭᬶ᭞ᬤᬦᬾᬯᬬᬦ᭄ᬲᬯᬸᬃᬳᬮᬸᬲ᭄᭞ᬮᬾᬤᬂᬩᭂᬮᬶᬧᬓᬳ᭄ᬬᬸᬦᬦ᭄᭞ᬓ᭄ᬯᬦ᭄ᬢᭂᬦ᭄ᬳᬾᬮᬶᬂ᭞ᬮᬾᬸᬶᬂᬳᬮᬶᬗᬾᬮᬶᬂᬤᬾᬦ᭄ᬧᬶᬢᬸᬢᬸᬃ᭞ᬭᬭᬶᬲ᭄ᬗᬯᬾᬲᬸᬭᬵᬢ᭄ᬧᬫᭂᬕᬢ᭄
᭞ᬧᬫᭂᬕᬢ᭄ᬧᬮᬲ᭄ᬫᬭᬩᬶ᭟᭐᭟᭑᭒᭟ᬦᬫ᭄ᬧᬶᬤᬲᬼᬫᬄᬫᬚᬮᬦ᭄᭞ᬲᬵᬫ᭄ᬧᬸᬦ᭄ᬜᬸᬲᬸᬧ᭄ᬕᬸᬦᬸᬂ᭞ᬓᬸᬤᬂᬯᬶᬓᬸᬓᬧᬗ᭄ᬕᬶᬄ᭞ᬦᬸᬦᬲ᭄ᬳᬚᬭᬦ᭄ᬫᬕᬸᬭᬸ᭞ᬢᬦᬸᬘᬧᬦ᭄ᬭᬶᬂᬳᬮᬲ᭄᭞ᬓᭀᬘᬧ᭄ᬫᬗ᭄ᬓᬶᬦ᭄ᬤᬦᬾᬯᬬᬦ᭄ᬧᬸᬬᬸᬂᬲᬸ
ᬕᬶᬄ᭞ᬲᬋᬂᬢᬭᬸᬡᬳᬚᬓ᭄ᬓᬢᬄ᭞ᬦᬸᬦᬲ᭄ᬢᬸᬢᬸᬃᬗᬫᬮᬶᬳᬶᬦ᭄᭟᭐᭟᭑᭒᭟ᬤᬸᬭᬸᬂᬯᬦᭂᬄᬫᬦᬄᬢᬶᬢ᭄ᬬᬂ᭞ᬯᬶᬦᬮᬸᬬᬓᬢᬶᬩᬦ᭄ᬢᬶᬃᬣᬦᬶᬂ᭞ᬫᭂᬃᬢᬦᬶᬂᬇᬥᭂᬧ᭄ᬲᬢᬸᬯᬸᬓ᭄᭞ᬤᬸᬭᬸᬲ᭄ᬳᬶᬲᭀᬮᬄᬩᬚᬂ᭞
Kaca:Bali-lontar-gaguritan-puyung-sugih-250ppi.pdf/59
Kaca puniki sampun kauji-wacén
