[ ᭗᭘ 78B]
᭗᭘
ᬦᬶᬂᬭᬫ᭄ᬩᬸᬢᬶᬢᭂᬫ᭄ᬧᬶᬲᬦ᭄᭞ᬦᬶᬓᬚᬦ᭄ᬫᬮᬶᬦ᭄ᬢᬂᬧᬕᭂᬄᬲᬸᬚᬵᬢᬶ᭞ᬕᭂᬍᬲ᭄ᬮᬗᬄᬭᬫ᭄ᬩᬸᬢᬶᬧᬸᬦ᭄᭞ᬦᬶᬓᬯ᭄ᬯᬂᬓᬲᬓᬶᬢᬦ᭄᭞ᬭᬫ᭄ᬩᬸᬢ᭄ᬕᭂᬮ᭄ᬲᭂᬫᬸᬳᬩᬂᬭᬹᬧᬦᬶᬧᬸᬦ᭄᭞ᬦᬶᬓᬚᬦ᭄ᬫᬩᭂᬍᬃ
ᬢᬸᬭᬶᬂᬩᭀᬩᬩ᭄᭞ᬩᭂᬮᭀᬕ᭄ᬬᬦ᭄ᬭᬫ᭄ᬩᬸᬢ᭄ᬓ᭄ᬭᬶᬢᬶᬂᬓᬸᬦᬶᬂ᭟᭐᭟᭔᭟ᬫᬮᬶᬄᬢᭂᬦ᭄ᬤᬲ᭄ᬕᭂᬥᬾᬓᭀᬘᬧ᭄᭞ᬳᬮᬸᬲ᭄ᬩᬸᬤ᭄ᬥᬩᬩᬲᬾᬸᬶᬭᭀᬲ᭄ᬢᬍᬃᬩᭂᬘᬶᬓ᭄᭞ᬬᬾᬦᬶᬂᬲᭂᬥᭂᬂᬢᭂᬦ᭄ᬤᬲᬶᬧᬸᬦ᭄᭞ᬩᭂᬘᬶᬓ᭄ᬯᬦ᭄ᬢᬄᬧᬸᬦᬶᬓ᭞
ᬬᬾᬦᬶᬂᬤᬸᬭᬶᬢᭂᬦ᭄ᬤᬲᬶᬧᬸᬦ᭄᭞ᬯᬲ᭄ᬢᬸᬚᬦ᭄ᬢᬸᬓ᭄᭞ᬚᬦ᭄ᬫᬩᭂᬮᭀᬕᬶᬩᬸᬓᬸᬗᬭᬦ᭄᭞ᬚᬦ᭄ᬢᬸᬓ᭄ᬓᬳᬧ᭄ᬦᬶᬓᬩᭂᬘᬶᬓ᭄᭟᭐᭟᭕᭟ᬢᭂᬦ᭄ᬤᬲ᭄ᬘᭂᬦᬶᬓ᭄ᬢᬸᬦᬳᬓᬮ᭄᭞ᬕᬶᬤᬢ᭄ᬮᬶᬗ᭄ᬕᬄᬭᬶᬭᬶᬄᬫᬯᭀᬲ᭄ᬫᬶᬯᬄᬫᬫ᭄ᬓᬶᬃ᭞
ᬢᬦᬧᬳᬸᬯᬢ᭄ᬕᬶᬤᬢ᭄ᬮᬶᬗ᭄ᬕᬄᬩᭂᬤᭀᬲᬶᬓᬸ᭞ᬗᬯᬾᬳᬶᬬᭂᬕ᭄ᬬᬲᬢᬢ᭞ᬕᬶᬤᬢ᭄ᬘᭂᬦᬶᬓ᭄ᬩᭂᬮᭀᬕ᭄ᬫᬫᬸᬜᬶ᭟᭐᭟᭖᭟ᬕᭂᬮ᭄ᬕᭂᬮ᭄ᬘᬸᬧᭂᬓ᭄ᬦᬭᬶᬂᬕᬶᬤᬢ᭄᭞ᬲᬓᬶᬢ᭄ᬳᬢᬶᬫ᭄ᬯᬂᬲᬶᬕᬸᬕ᭄᭞ᬬ᭞ᬫᬫᬸᬜᬶ
[᭗᭙ 79A]
ᬬᬾᬦᬶᬂᬕᭂᬮ᭄ᬕᭂᬮ᭄ᬳᬸᬯᬢ᭄ᬜᬦᬾᬮ᭄ᬬᬸ᭞ᬯ᭄ᬯᬂᬳᬶᬭᬶᬧᬭᬶᬘᬾᬤ᭞ᬬᬾᬦᬶᬂᬢᭂᬕᭂᬄᬦᬭᬶᬂᬕᬶᬤᬢ᭄ᬳᬶᬧᬸᬦ᭄᭞ᬚᬦ᭄ᬫᬩᭂᬤᭀᬲ᭄ᬢᬜ᭄ᬚᬗ᭄ᬓᬬᬦ᭄᭞ᬳᬮᬶᬲ᭄ᬮᬸᬫ᭄ᬩᬂᬘᭂᬧᭂᬢ᭄ᬗᬃᬢᬶ᭟᭐᭟᭗᭟ᬳᬮᬶᬲ᭄ᬳᬶᬢᭂᬫ᭄ᬳᬲᭂᬥᭂᬗᬦ᭄᭞ᬮᬶ
ᬦ᭄ᬢᬂᬘᬸᬓᬸᬧ᭄ᬢᬦ᭄ᬫᬇᬓᬗᬃᬢᬶ᭞ᬳᬮᬶᬲ᭄ᬮᬦ᭄ᬢᬂᬯᬾᬭᬩᬸᬗᬸᬢ᭄᭞ᬗᬸᬮᬸᬦ᭄ᬳᬮᬶᬲ᭄ᬲᬫᬄᬧᬜ᭄ᬚᬂ᭞ᬦᬗ᭄ᬓᭂᬩ᭄ᬫᬢᬦᬶᬓᬚᬦ᭄ᬫᬮᬶᬦ᭄ᬢᬂᬫᬯᬸᬓ᭄᭞ᬳᬮᬶᬲ᭄ᬮᬦ᭄ᬢᬂᬩᬸᬮᬸᬲᬫᬄ᭞ᬢᬸᬢᬸᬃᬲᬫᬄᬢᬦ᭄ᬧᬤᬕᬶᬂ᭟᭐᭟
᭘᭟ᬳᬮᬶᬲ᭄ᬳᬢᭂᬧ᭄ᬭᬶᬂᬮᬮᬢ᭞ᬓᬺᬂᬫᬶᬲᬸᬦᬢᬸᬭᬶᬂᬢᭂᬫ᭄ᬧᬮ᭄ᬫᬫᬸᬜᬶ᭞ᬳᬮᬶᬲ᭄ᬢᭂᬕᭂᬄᬩᭀᬗ᭄ᬓᭀᬮᬶᬧᬸᬦ᭄᭞ᬳᬚᬸᬫ᭄ᬜᬦᬾᬢᬦ᭄ᬧ᭄ᬭᬄ᭞ᬳᬮᬶᬲ᭄ᬩᬯᬓ᭄ᬧᬭᬶᬲᭂᬮ᭄ᬲᭂᬮ᭄ᬧᬢᬶᬲᬥᬸ᭞ᬧᬜ᭄ᬚᬂᬜᬮᬶᬓᬸᬃ
ᬳᬮᬶᬲ᭄ᬬ᭞ᬚᬦ᭄ᬫᬯᬾᬭᬫᬮᬶᬄᬍᬗᬶᬢ᭄᭟᭐᭟᭙ᬳᬫᬸᬦᬶᬓᬇᬦ᭄ᬥᬶᬓ᭄ᬧᬶᬭᬲᬢ᭄ᬧᬸᬧᬸᬢᬂᬦᬾᬫᬗ᭄ᬓᬶᬦ᭄᭞ᬩᭂᬓᭂᬮ᭄ᬚᬦ᭄ᬫᬳᬮᬳᬬᬸ᭞ᬗᬸᬥᬭᬵᬕᬗᬯᬾᬭᬬᬂ
Kaca:Bali-lontar-gaguritan-puyung-sugih-250ppi.pdf/79
Kaca puniki sampun kauji-wacén
