[᭑᭑ 11 B]
᭑᭑
ᬓ᭄᭞ᬩ᭄ᬯᬶᬦ᭄ᬗ᭄ᬕᬳᬾᬤᬸᬳ᭄ᬓᬶᬢ᭞ᬩᬲ᭄ᬓᬍᬩᬶᬄᬢ᭄ᬯᬭᬦᬯᬂᬳᬦᬓ᭄ᬮᬘᬸᬃ᭞ᬢᬦᬶᬦᬯᬂᬭᬫᬭᬾᬡ᭞ᬜᬫᬩ᭄ᬮᬲ᭄ᬳᬮᬶᬂᬘ᭄ᬭᬶᬓ᭄᭟ᬢᬸᬗᬸᬭᬄᬫᬜᭂᬮ᭄ᬱᭂᬮ᭄ᬳᬯᬓ᭄᭞ᬧ᭄ᬕᬢ᭄ᬧ᭄ᬕᬢ᭄ᬯᬱ᭄ᬧᬵ
ᬭᬯᬬᬦ᭄ᬫᬶᬚᬶᬮ᭄᭞ᬳᬧᬩᬬᬲᬗ᭄ᬓᬦ᭄ᬦ᭄ᬫᬸ᭞ᬲᬢᬢᬓᬲᬗ᭄ᬲᬭᬦ᭄᭞ᬓᬸᬤᬸᬳᬶᬤᬸᬧ᭄ᬤᬸᬳ᭄ᬓᬶᬢᬫᬯᬸᬯᬸᬄᬯᬸᬯᬸᬄ᭞ᬢ᭄ᬯᬭᬦᬯᬂᬫᬾᬫᬾᬩᬧ᭞ᬩ᭄ᬭᬬᬢᭀᬂᬲᭂᬳᭂᬫ᭄ᬳᬓ᭄ᬯᬶᬦ᭄᭟
ᬓᭀᬭᬢᬸᬫᭂᬦ᭄ᬤᭂᬧ᭄ᬓᬧ᭄ᬕᬦ᭄᭞ᬫᬫᬶᬋᬗᬂᬢᬸᬗᬸᬭᬄᬗᬲᬶᬳᬲᬶᬄ᭞ᬧᭀᬮᬦᬾᬳᬶᬗᬶᬭᬂᬢᬸᬧ᭄ᬢᬸᬧ᭄᭞ᬲᬬᬦ᭄ᬫᭂᬢᭂᬗᬶᬘᬶᬢ᭄ᬢ᭞ᬲᬓᬾᬯᬮᬵᬢᭀᬬᬦᬵᬓ᭄ᬱᬶᬫᭂᬫ᭄ᬩᬄᬫ᭄ᬢᬸ᭞ᬦᭂᬧᬾᬦᬶᬦ᭄ᬧᭀ
ᬢ᭄ᬭᬾᬢᬾᬳᭀᬜ᭞ᬍᬩᬸᬃᬢᭀᬂᬩᬓᬣᬶᬗᭂᬢᬶᬦ᭄᭟ᬲᬬᬦ᭄ᬗ᭄ᬭᬢᬸᬳᬂᬲᬸᬗ᭄ᬓᬯᬵ᭞ᬢ᭄ᬯᬭᬳᬾᬮᬶᬂᬢ᭄ᬓᬾᬦ᭄ᬫᬫᬗ᭄ᬓᭀᬦ᭄ᬢᬸᬮᬶᬲ᭄᭞ᬲᬲᭀᬦ᭄ᬢᭀᬬᬦᬵᬓ᭄ᬱᬶᬭᬸᬫᬯᬸᬄ᭞ᬮ᭄ᬯᬶᬃᬯᬳᬶᬂ᭠
[᭑᭒ 12 A]
ᬫᬖᬵᬫᬰ᭞ᬲᬬᬦ᭄ᬧ᭄ᬢᭂᬂᬤᬤᬶᬳᬢ᭄ᬫᬳᬦ᭄ᬓᬦ᭄ᬢᬸ᭞ᬧᭀᬮᬜᬕ᭄ᬫᬓᬫ᭄ᬩᬗᬦ᭄᭞ᬫᬓ᭄ᬭᬫ᭄ᬩᬦ᭄ᬢᭀᬬᬦᬵᬓ᭄ᬱᬶ᭟᭐᭟ᬧᬸᬧᬸᬄᬓᬸᬫᬫ᭄ᬩᬂ᭟ᬭᬢᬸᬗᬸᬭᬄᬫᬦᬗᬶᬲ᭄ᬦᬕᬶᬄᬢᬸᬮᬸᬗᬶᬦ᭄
᭞ᬗ᭄ᬮᬸᬢ᭄ᬲᬫ᭄ᬩᬶᬮ᭄ᬗᭀᬕᬄ᭞ᬧᬢᬶᬄᬭᬱᬗ᭄ᬮᬸᬲᬫᬶ᭞ᬫ᭄ᬦᬾᬓᬦ᭄ᬧᬥᬭᬦ᭄ᬢᬩᬦ᭄᭟ᬕᬸᬫ᭄ᬮᬸᬢ᭄ᬕᬸᬲ᭄ᬢᬶᬦᬾᬗ᭄ᬮᬮᬾᬧᬾᬕᬥᬶᬂ᭞ᬜ᭄ᬭᬶᬢ᭄ᬫᬢᭀᬮᭀᬭᬦ᭄᭞ᬩᬾᬕᬾᬃᬯᭀᬗᬶᬂᬫᬬᬵᬰ᭄ᬭᬗ᭄ᬕᬶ᭞ᬢᬸ
ᬗᬸᬭᬄᬦᬶᬩᬵᬓᬦ᭄ᬢᬓᬵ᭟ᬢᬸᬤᬾᬳᭀᬓᬢᬸᬤᬾᬭᬳᬶᬲᬕᬾᬢ᭄ᬧ᭄ᬭᬧ᭄ᬢᬶ᭞ᬗᬫᭂᬃᬲᬂᬓᬦ᭄ᬢᬓᬵ᭞ᬫᬲᬶᬄᬢ᭄ᬯᬭᬓᬵᬦᬦᬾᬮᬶᬂ᭞ᬧᬢᬶᬄᬭᬣᬫᬩ᭄ᬬᬬ᭄ᬯᬦ᭄᭟ᬧᬥᬢ᭄ᬯᬭᬦ
ᬯᬂᬓᬡ᭄ᬥᬵᬦᬗᬩᭂᬲᬶᬓ᭄᭞ᬲᭀᬓ᭄ᬫᬩᬳᬦ᭄ᬤᬦᬮ᭄᭞ᬦᬕᬶᬄᬫᬢᬶᬧᬘᬂᬗᬶᬭᬶᬂ᭞ᬧ᭄ᬭᬬᬦ᭄ᬬᬫᬫᬸᬓᬫᬸᬓᬦ᭄᭟ᬧ᭄ᬭᬦ᭄ᬢᬾᬬᬦ᭄ᬘᭂᬧᭂᬢ᭄ᬧᬥᬫᬗᬫ᭄ᬩᬗᬶᬦ᭄᭞ᬳᬤᬓ
Kaca:Bali-lontar-gaguritan-ratmaja-300ppi.pdf/12
Kaca puniki sampun kauji-wacén
