[᭑᭗ 17 B]
᭑᭗
ᬓᬭᬶᬭᬶᬂᬫᬬᬰ᭄ᬭᬗ᭄ᬕᬵ᭞ᬳᭀᬋᬕ᭄ᬳᬸᬫ᭄ᬬᬂᬤᬶᬦᬮᬢ᭄ᬭᬶ᭞ᬘᭀᬓᭀᬃᬭᬢᬸ᭞ᬗ᭄ᬮᬾᬤᬗᬶᬦ᭄ᬫᬸᬂᬳᭀᬯᬸᬂᬦᬸᬚᬸᬫᬄ᭟ᬲᬳᬶᬮ᭄ᬯᬲ᭄ᬫᬓᬮ᭄ᬗ᭄ᬯᬦ᭄᭞ᬫᬳᬶᬃᬢᬶᬃᬢ᭄ᬣᬬᬢ᭄ᬭᬫᬓᬵᬤᬶ᭞ᬭᬵᬚᬧᬸᬢ᭄ᬭᬶ᭠
ᬢ᭄ᬯᬭᬳ᭄ᬮᬲ᭄᭞ᬲᬯᬢᬭᬧᬶᬢᬸᬂᬭᬢ᭄ᬭᬶ᭞ᬫᬜ᭄ᬚᬸᬓ᭄ᬳᬶᬤᬾᬯᬵᬕᬸᬂᬲᬫᬶ᭞ᬓᭀᬭᬢᬸᬢᬸᬗᬸᬭᬄᬫᬶᬮᬸ᭞ᬕ᭄ᬦᭂᬗᬂᬜᬭᬶᬢᬬᬂ᭞ᬤᬕᬶᬂᬮᬶᬫᬲ᭄ᬩᬮᬶᬓᬶᬦ᭄᭞ᬫᬧᬋᬫ᭄ᬩᬕ᭄᭞ᬫᬗᬶᬕᬸᬫᬂᬗ᭄ᬕ
ᬯᬾᬉᬧᬬ᭟ᬭᬳᬤᬾᬦ᭄ᬲᬸᬃᬬ᭄ᬬᬵᬤᬶᬦᬵᬣ᭞ᬗᭂᬲᬾᬗᬶᬦ᭄ᬧ᭄ᬭᬭᬢᬸᬚᬶᬫ᭄᭞ᬭᬳᬤᬾᬦ᭄ᬚᬬᬫᬗ᭄ᬕᬮ᭞ᬧᬢᬶᬭᬤᬾᬦ᭄ᬳᬫ᭄ᬩᬭᬳᬕ᭄ᬭᬶᬫ᭄᭞ᬧᬸᬦᬶᬓᬲᬫᬶᬓᬲᬾᬗᬶᬦ᭄᭞ᬭᬳᬤᬾ
ᬦ᭄ᬚᬬᬤᬶᬧ᭄ᬭᬪᬸ᭞ᬭᬤᬾᬦ᭄ᬯᬶᬭᬵᬢ᭄ᬫᬚ᭞ᬭᬤᬾᬦ᭄ᬯᬶᬚᬬᬢᬦ᭄ᬓᬭᬶ᭞ᬓᬧᬶᬳᬚᭂᬂ᭞ᬧ᭄ᬭᬫᬸᬓᬯᬢᭂᬓ᭄ᬚᬶᬫ᭄ᬢᬸᬯ᭟ᬧ᭄ᬭᬯᬶᬭᬕᬕᬄᬧ᭄ᬭᬓᭀᬱ᭞ᬲᬲᬭᬦ᭄ᬕᬦ᭄ᬤᬃᬯ᭄ᬯᬧᬢᬶ᭞ᬓᬢᬸᬤᬸᬄ
[᭑᭘ 18 A]
ᬗ᭄ᬭᬳᬬ᭄ᬯᬵᬂᬚᬕᬢ᭄᭞ᬧᬢ᭄ᬲᬲᬸᬃᬩᬘᬓᬦ᭄ᬲᬫᬶ᭞ᬭᬤᬾᬦ᭄ᬲᬸᬃᬬ᭄ᬬᬵᬤᬶᬧᬢᬶ᭞ᬗᬦ᭄ᬤᬶ᭠ᬓᬫᬃᬤ᭄ᬥᬶᬯᬵᬫᬭᬹᬫ᭄᭞ᬦᬾᬜᬫᬦᬾᬫᬓ᭄ᬚᬂ᭞ᬓ᭄ᬦᭂᬳᬶᬦ᭄ᬳᬮᬶᬭᬂᬚᬦᬶ᭞ᬫᬗ᭄ᬤᬾᬧᬬᬸ᭞
ᬓᭀᬭᬢᬸᬳᬶᬤᬫᬫᬃᬕ᭄ᬕ᭟ᬧᬶᬢ᭄ᬯᬶᬢ᭄ᬓᬵᬧᬗᬶᬦ᭄ᬤᬂ᭞ᬤᬶᬓᬧᬦ᭄ᬳᬶᬤᬫᬗ᭄ᬕᬶᬳᬶᬦ᭄᭞ᬯᬶᬭᬾᬄᬳᬶᬤᬲᬸᬩᬳᬶᬮᬂ᭞ᬢᭀᬬᬥᬓ᭄ᬦᭂᬄᬓ᭄ᬦᭂᬳᬶᬦ᭄᭞ᬲᬫᬗ᭄ᬤᬾᬮᬦ᭄ᬤᬸᬄᬕᬢᬶ᭞ᬢ᭄ᬯᬭᬤ᭄ᬧᬘᬮ
ᬦᬶᬧᬸᬦ᭄᭞ᬜᬶᬤ᭄ᬥᬬᬂᬲᬓᬶᬂᬮᬦ᭄ᬢᬃ᭞ᬲᬂᬧᬸᬢ᭄ᬭᬶᬩᬓᬢᬂᬲᬫᬶ᭞ᬢᭀᬧᬶᬦᭂᬳᬂ᭞ᬳᬚᬓ᭄ᬜᬫᬦᬾ᭟ᬭᬳᬤᬾᬦ᭄ᬯᬶᬡ᭄ᬥᬯᬶᬚᬬ᭞ᬫᬘᭂᬩᬾᬃᬫᬢᬸᬃᬗᭂᬩᭂᬓᬶᬦ᭄᭞ᬬᬦ᭄ᬫᬸᬗ᭄ᬕ᭄ᬯᬶᬂᬧᬫᬵ
ᬦ᭄ᬢᬶᬢ᭄ᬬᬂ᭞ᬲᬂᬧᬜ᭄ᬘᬧᬡ᭄ᬥᬯᬵᬳᬶᬭᬶᬂ᭞ᬚᬕ᭄ᬳᬶᬤᬫᬗ᭄ᬭᬯᬸᬳᬶᬦ᭄᭞ᬜᬶᬤ᭄ᬥᬬᬂᬧᬸᬦᬶᬓᬵᬢᬶᬭᬸ᭞ᬭᬤᬾᬦ᭄ᬳᬫ᭄ᬩᬭᬦᬵᬣ᭞ᬦᬶᬫ᭄ᬩᬮ᭄ᬫᬫᬸᬜᬶᬳᬭᬶᬲ᭄᭞ᬦᬶᬓᬧᬢᬸᬢ᭄᭞ᬗ᭄ᬳᬶᬂᬯᬾᬓ᭄ᬢᭂ
Kaca:Bali-lontar-gaguritan-ratmaja-300ppi.pdf/18
Kaca puniki sampun kauji-wacén
