[᭒᭑ 21 B]
᭒᭑
ᬳᭂᬓᬂ᭟ᬦᭀᬗᭀᬲ᭄ᬦᭀᬗᭀᬲ᭄ᬳᬶᬩᬚᬸᬫᬄ᭞ᬳᬶᬚᭂᬗᬶᬦ᭄ᬳᬸᬫᬳᬾᬤᬶᬦᬶ᭞ᬳᬦᬓ᭄ᬓᬳᬶᬗᭂᬦ᭄ᬢ᭄ᬬᬂᬮ᭄ᬯᬲ᭄᭞ᬢᬕᬶᬳᬂᬯᬓᬾᬂᬧᬶᬧᬶᬲ᭄᭞ᬳᬶᬕᬭᬾᬂᬫᬗᬗ᭄ᬕᬸᬢᬶᬦ᭄᭞ᬓᭀᬭᬢᬸ
ᬮᬾᬤᬗᬾᬧᬸᬧᬸᬢ᭄᭞ᬗᭂᬦ᭄ᬤᬶᬓᬵᬓ᭄ᬫᬳᬾᬗ᭄ᬕᬮᬂ᭞ᬦᬓᬕᬸᬂᬗᬸᬭᬄᬳᬢᬸᬭᬶᬦ᭄᭞ᬮᬸᬢ᭄ᬫᬮᬳᬶᬩ᭄᭞ᬳᬶᬕᬭᬶᬢ᭄ᬲ᭄ᬫᬭᬮᬬᬵ᭟ᬢᬸᬗᬸᬭᬄᬲᬸᬩᬵᬲᬸᬳᬸᬤ᭄ᬫᬳ᭄ᬬᬸᬲ᭄᭞ᬳᭂᬩᭀ
ᬦᬾᬫᬶᬬᬶᬓ᭄ᬗᬾᬤᬦᬶᬦ᭄᭞ᬦᬾᬤᬤ᭄ᬯᬢ᭄ᬯᬭᬤᬧᬲᬄ᭞ᬫᬮᬶᬗ᭄ᬕᬶᬄᬤᬶᬳᬫ᭄ᬩᬾᬦ᭄ᬮᭀᬚᬶ᭞ᬗᬶᬮᭀᬧᬥᬵᬫᬘ᭄ᬭᬫᬶ᭞ᬢᬦ᭄ᬲᬄᬫᬳᬸᬢᬂᬘᬘᬸᬡ᭄ᬥᬸᬓ᭄᭞ᬦᬧ᭄ᬢᬧ᭄ᬫᬶᬫ᭄ᬩ
ᬫᬩ᭄ᬗᬤ᭄᭞ᬢᬚᭂᬧ᭄ᬗᬲᭀᬭᬂᬲᬺᬯᬶᬢᬶ᭞ᬳᬗ᭄ᬤᬦᬶᬓᬸᬂ᭞ᬲᬲᭀᬮᬄᬳᬲᬸᬂᬧ᭄ᬭᬧᬜ᭄ᬘᬵ᭟ᬳᬶᬕᬭᬶᬢ᭄ᬢ᭄ᬓᬫᬭᬾᬗᬂᬢᬸᬗᬸᬭᬄᬓ᭄ᬜᭂᬫ᭄ᬗᬮᬧᬶᬦ᭄᭞ᬳᬶᬕᬭᬶᬢ᭄ᬜᬕ᭄ᬚᬕ᭄ᬦ᭄ᬤᭂᬲᭂᬓᬵᬂ᭞
[᭒᭒ 22 A]
ᬳᬶᬘᬧᬵᬓ᭄ᬜᭂᬫ᭄ᬦᬓᭀᬦᬶᬦ᭄᭞ᬳᬧᬵᬲᬶᬄᬳᬤᬕᬭᬶᬢ᭄᭞ᬳᭂᬗ᭄ᬲᭂᬓ᭄ᬓᬶᬧᬓᬶᬧᭂᬓ᭄ᬫᬢᬸᬃ᭞ᬓᬾᬦᬾᬓᭀᬭᬢᬸᬩᬸᬲᬦ᭄᭞ᬓ᭄ᬫᬦᬓᬕᬸᬂᬳᬢᬸᬭᬶᬦ᭄᭞ᬳᬾᬗ᭄ᬕᬮᬾᬗ᭄ᬕᬮ᭄᭞
ᬳᬶᬧᬲᭂᬓ᭄ᬓ᭄ᬥᬾᬓ᭄ᬦᬓᭀᬦᬂ᭟ᬩᬶᬄᬓᭀᬭᬢᬸᬳᬶᬤᬤᬶᬚ᭞ᬜᬾᬦ᭄ᬤᬶᬢᬸᬳᬤᬫᬗᬶᬭᬶᬂ᭞ᬳᬶᬕᬭᬶᬢ᭄ᬫᬲᬯᬸᬢ᭄ᬢᬯᬄ᭞ᬓ᭄ᬮᬾᬳᭀᬓᬤ᭄ᬭᬶᬓᬩ᭄ᬮᬶᬂ᭞ᬓ᭄ᬮᬾᬳᬦᭀᬫ᭄ᬫᬗ᭄ᬮᬶᬂ᭞
ᬢᬸᬗᬸᬭᬄᬗᬦ᭄ᬤᬶᬓᬵᬳᬕᬸᬄ᭞ᬩᬶᬸᬗ᭄ᬭᬯᭀᬲᬳᬚᬓ᭄ᬩᬩᬾᬤᬦ᭄᭞ᬚᬮᬦ᭄ᬧᬥᬓᬩᬢᬯᬶ᭞ᬮᬸᬢ᭄ᬫᬫᬃᬕ᭄ᬕᬶ᭞ᬲᬸᬩᬭᬯᬸᬄᬤᬶᬧᬬᬸᬦᬦ᭄᭟ᬧᬢᬶᬄᬭᬱᬢ᭄ᬩᬂᬗᬫ᭄ᬩ᭄ᬬᬵᬃ᭞ᬲ᭄ᬩᭂ
ᬗᬾᬩᬶᬗᬃᬢᬦ᭄ᬲᬶᬧᬶ᭞ᬦᬾᬤᬤ᭄ᬯᬬᬗᬸᬦ᭄ᬢᬸᬓ᭄ᬲ᭄ᬫᬂ᭞ᬫᬢᬩᬮᬸᬢ᭄ᬳᬫᬦ᭄ᬢᭂᬲᬶ᭞ᬦᬗ᭄ᬳᬶᬂᬫᬧᬬᬲ᭄ᬫᬲᬶᬄ᭞ᬓᭀᬭᬢᬸᬜᭂᬜᭂᬃᬫᬦ᭄ᬤᬶᬮᬸ᭞ᬭᬯᬸᬄᬦᬓᬕᬸᬂᬗᬸᬭᬄ᭞ᬫᬫᬶᬢᬂ
Kaca:Bali-lontar-gaguritan-ratmaja-300ppi.pdf/22
Kaca puniki sampun kauji-wacén
