[᭓᭑ 31 B]
᭓᭑
ᬲᭂᬧᭂᬂᬓᬤᬯᬸᬄᬫᬸᬗ᭄ᬓᬸᬭᬶᬦ᭄᭞ᬳᬸᬢᬸᬲᬦ᭄ᬲᬸᬩᬵᬩᬸᬤᬮ᭄᭟᭐᭟ᬧᬸᬧᬸᬄᬧᬗ᭄ᬓᬸᬃ᭟ᬓᭀᬭᬢᬸᬚᬦᬶᬳᬸᬘᬧᬂ᭞ᬗᬯᬗᬯᬂᬗᬮᬶᬯᬢᬶᬦ᭄ᬩ᭄ᬬᭀᬫᬦ᭄ᬢᬭᬶ᭞ᬧᬓᭂᬩᬸᬭᬾᬦ᭄ᬤᬭᬸᬂᬜᬸᬚᬸᬃ
᭞ᬓᬕᬶᬮᬶᬢ᭄ᬭᬯᬗᬦ᭄ᬫᬲ᭄᭞ᬲᬸᬩᬲᬯᬢ᭄᭞ᬕ᭄ᬦᭂᬗᬂᬫᬸᬮᬓᭀᬭᬢᬸ᭞ᬤᬸᬢᬦᬾᬚᬦᬶᬳᬸᬘᬧᬂ᭞ᬫᬾᬄᬧ᭄ᬭᬧ᭄ᬢᬾᬂᬰ᭄ᬭᬗ᭄ᬕᬵᬦᬵᬕᬭᬶ᭟ᬤᬶᬧᬲᬶᬲᬶᬕ᭄ᬮᬶᬲ᭄ᬢᭂᬤᬓ᭄᭞ᬦᭂᬕᬓ᭄ᬗᬫ᭄ᬩ᭄ᬬᬵᬃᬤᬶ
ᬩ᭄ᬬᬵᬲᬾᬲᬋᬂᬲᬫᬶ᭞ᬫᬭᬾᬭᬾᬦ᭄ᬧᬥᬫᬦᬬᬸᬩ᭄᭞ᬳᬶᬯᭀᬂᬧᬫᬶᬗ᭄ᬕᬶᬃᬕᬾᬯᬃ᭞ᬓᬕᬯᭀᬓᬦ᭄᭞ᬗᬢᬕ᭄ᬢᬶᬫ᭄ᬧᬮ᭄ᬧᬥᬧᭂᬲᬸ᭞ᬫᬩᬮᬶᬄᬳᬶᬧᬸᬦ᭄ᬭᬦ᭄ᬢᬩᬦ᭄᭞ᬕᬯᭀᬓ᭄ᬜᬵ
ᬦᬾᬢᬦ᭄ᬲᬶᬦᬶᬧᬶ᭟ᬳᬶᬓ᭄ᬮᬶᬬᬂᬦᬸᬦ᭄ᬤᬾᬦ᭄ᬤᬾᬦ᭄ᬦᬢᬲ᭄᭞ᬬᬦ᭄ᬲᬶᬄᬳᬧᬵᬲ᭄ᬯᬓᬃᬬ᭄ᬬᬵᬢ᭄ᬓᬫᬳᬶ᭞᭠ᬢᬦ᭄ᬓᭀᬘᬧ᭄ᬬᬢ᭄ᬓᭂᬤ᭄ᬤᬶᬢᬸ᭞ᬩᬮᬚᬶᬫ᭄ᬫᬧᬶᬥᬃᬢ᭄ᬣ᭞ᬓᬮᬶᬄᬦᬕᬶᬄᬯ᭄ᬓᬲᬦ᭄ᬲ
[᭓᭒ 32 A]
ᬫᬗ᭄ᬤᬾᬦ᭄ᬓᬢᬸᬃ᭞ᬳᬸᬢᬸᬲᬦ᭄ᬲᬓᬶᬂᬕᬕ᭄ᬮᬂᬫᬓᬤᬶᬳᬸᬮᬶᬓᬥᬶᬭᬶ᭟ᬳᬶᬓᬶᬳᬶᬤᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬳᬦᬓᬕᬸᬂᬳᬕᬸᬂᬜᬓ᭄ᬭᬪᬸᬫᬶ᭞ᬲᬋᬂᬧᬢᬧᬣᬶᬤᬭᬯᬸᬄ᭞ᬲᬥ᭄ᬬᬵᬗᬢᬸᬭᬂᬲᬸ
ᬭᬢ᭄᭞ᬳᬶᬧᬦᬢᬲ᭄᭞ᬢᬸᬮᬓ᭄ᬫᬫᬶᬤᬃᬢ᭄ᬣᬵᬧᬸᬧᬸᬢ᭄᭞ᬳᬶᬓ᭄ᬮᬶᬬᬂᬕᬕᬗ᭄ᬲᬭᬦ᭄᭞ᬗᬸᬦᬶᬗᬬᬂᬓᬦᬵᬕᬭᬶ᭟ᬲᬸᬮᬶᬗ᭄ᬕᬶᬄᬲᬢᬢᬢᬢ᭞ᬳᬢᬧ᭄ᬢᬶᬢᬶᬩ᭄ᬤᬶᬬᭂᬫ᭄ᬗᬤᭂᬧᬾᬂ᭠
ᬲᬶᬣᬶ᭞ᬚᬕ᭄ᬳᬶᬯ᭄ᬯᬂᬧᬫᬶᬗ᭄ᬕᬶᬃᬭᬯᬸᬄ᭞ᬩᬩᬃᬗ᭄ᬮᬯᬸᬢ᭄ᬫᭂᬦᬾᬓᬦ᭄᭞ᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬗᬢᬸᬭᬂᬳᬸᬢᬸᬲᬦ᭄ᬭᬯᬸᬄ᭞ᬧᬸᬧᬸᬢ᭄ᬳᬶᬧᬸᬦ᭄ᬫᬧᬶᬤᬃᬢ᭄ᬣᬵ᭞ᬲᬂᬧ᭄ᬭᬪᬸᬓᬕ᭄ᬬᬢ᭄ᬢᬦ᭄ᬲᬶᬧᬶ
᭟ᬢᬗ᭄ᬓᬶᬮᬦ᭄ᬧᬲᬮᬶᬂᬢᬶᬫ᭄ᬩᬮ᭄᭞ᬫᬦᬸᬦᬲᬂᬲᬂᬧ᭄ᬭᬪᬸᬫᬜᬳᬸᬭᬶᬦ᭄᭞ᬚᬯᬦᬶᬦ᭄ᬢᬸᬦ᭄ᬤᬾᬦ᭄ᬫᬗ᭄ᬮᬯᬸᬢ᭄᭞ᬜᬦᬦ᭄ᬫᬸᬮᬸᬳᬸᬮᬸᬳᬦ᭄᭞ᬓ᭄ᬫᬵᬳᬶᬩᬵ᭞ᬳᬢᬸᬭᬶᬦ᭄ᬤᬦᬾᬫᬗ᭄ᬮ
Kaca:Bali-lontar-gaguritan-ratmaja-300ppi.pdf/32
Kaca puniki sampun kauji-wacén
