[᭓᭒ 32 B]
᭓᭒
ᬳᬸᬢ᭄᭞ᬳᬶᬓ᭄ᬮᬶᬬᬂᬫᭂᬧᭂᬲ᭄ᬜᬸᬫ᭄ᬩᬄ᭞ᬢᬸᬮᬓ᭄ᬕ᭄ᬯᬶᬦ᭄ᬓᬧᬲᬶᬲᬶ᭟ᬲᬕᬾᬢ᭄ᬮᬸᬫ᭄ᬭᬤᬶᬚ᭄ᬭᭀᬯᬦ᭄᭞ᬬᬦᬸᬢᬸᬲᬦ᭄ᬲᬓᬶᬂᬤᬳᬵᬦᬵᬕᬭᬶ᭞ᬧ᭄ᬭᬧᬸᬢ᭄ᬭᬶᬲᬫᬶᬫᬓᬸᬫ᭄ᬧᬸᬮ᭄᭞ᬳᬾᬕᬃ
ᬓᬢᬭᬾᬂᬲ᭄ᬫᬶᬢ᭞ᬮ᭄ᬯᬶᬃᬳᬫᬗ᭄ᬕᬶᬄᬪᬱ᭄ᬓᬭᬢ᭄ᬗᬳᬶᬤᬮᬸ᭞ᬫᬓᭂᬲᬬ᭄ᬕᬮᬂᬫᬮᬶᬮᬂ᭞ᬳᬫ᭄ᬩᬸᬮ᭄ᬓᬳᬸᬤᬦᬦ᭄ᬫᬡᬶᬓ᭄᭟ᬳᬦᬓᬕᬸᬂᬳᬬᬸᬗᬸᬭᬄ᭞ᬮᬶᬦ᭄ᬢᬂᬋᬱ᭄ᬝᬄᬲ᭄ᬯᬪᬯᬫᬢ᭄ᬭᬸᬕᭂᬡ᭄ᬥᬶ
ᬲ᭄᭞ᬓ᭄ᬜᭂᬫ᭄ᬫᬗᬦ᭄ᬤᬶᬓᬳᬮᬸᬲ᭄᭞ᬜᬾᬦ᭄ᬳᬶᬩᬵᬳᬤᬧᬜ᭄ᬚᬓ᭄᭞ᬧᭂᬲᬸᬫᬸᬮᬶᬄᬳᬦ᭄ᬢ᭄ᬬᬂᬤᬶᬚᬩᬫᬮᬸ᭞ᬓᭀᬘᬧ᭄ᬓᬮ᭄ᬢ᭄ᬓᬳᬸᬢᬸᬲᬦ᭄᭞ᬳᬶᬦ᭄ᬭᬄᬫᬭᬜᬸᬫ᭄ᬩᬄᬕ᭄ᬮᬶᬲ᭄᭟ᬲᬸᬩᬢ᭄ᬓᭂ
ᬤ᭄ᬤᬶᬩᬜ᭄ᬘᬶᬗᬄ᭞ᬦᭂᬕᬓ᭄ᬜᬭᬸᬓᭀᬘᬧ᭄ᬦᬾᬤᬶᬧᬲᬶᬲᬶ᭞ᬕᬗ᭄ᬲᬃᬫᬕᬺᬤᭂᬕᬦ᭄ᬲᬵᬫ᭄ᬧᬸᬦ᭄᭞ᬲᬺᬕᭂᬧ᭄ᬲᬳᬸᬧᬘᬭ᭞ᬫᬸᬭᬸᬩ᭄ᬗᭂᬦ᭄ᬢᬶᬄ᭞ᬫᬫᬲ᭄ᬩᭂᬥᬶᬮ᭄ᬳᬦᬾᬂᬳᬬᬸᬦ᭄᭞ᬩᭂ
[᭓᭓ 33 A]
ᬦ᭄ᬤᬾᬢᬫ᭄ᬩᬃᬓᭂᬦ᭄ᬤᬂᬘᬶᬦ᭞ᬲᬃᬯ᭄ᬯᬧᬾᬮᬕ᭄ᬋᬡᬋᬡᬶ᭟ᬓᬤᬶᬭᬶᬂᬲᬸᬭᬢ᭄ᬧᬗ᭄ᬮᬫᬃ᭞ᬧᬶᬦᬬᬸᬗᬦ᭄ᬓᬺᬢᬲ᭄ᬳᬶᬚᭀᬳᬗ᭄ᬭᬯᬶᬢ᭄᭞ᬫᬸᬗ᭄ᬕ᭄ᬯᬶᬂᬦᬦᬫᬦ᭄ᬫᬵᬲ᭄ᬢᬢᬸᬃ᭞ᬳᬶᬦᬸᬧᬋᬗ᭄ᬕᬭᬢᬸ᭞ᬲᬂ
ᬫᬓᬤᬶᬳ᭄ᬦᬵᬮᬶᬗ᭄ᬕᬘᬶᬢ᭄ᬭᬳᬸᬫᬸᬗ᭄ᬕᬄ᭞ᬳᭀᬬᬾᬂᬓᬦᬓᬵᬪ᭄ᬭᬓᬸᬫ᭄ᬭᬫ᭄᭞ᬢᬶᬦ᭄ᬭᬧᬦ᭄ᬲᬃᬯ᭄ᬯᬭᬢ᭄ᬦᬤᬶ᭟ᬭᬶᬗᬯᬦ᭄ᬦ᭄ᬤᬢᬦ᭄ᬓᬯᬃᬡ᭄ᬦᬵ᭞ᬫᬾᬄᬳᬦᬸᬗ᭄ᬓᬧ᭄ᬚ᭄ᬩᬕ᭄ᬓᭀᬢᬦᬵᬕᬭᬶ᭞ᬭᬶᬂᬕ
ᬗ᭄ᬕᬫᬩᬸᬓᬘᬸᬦ᭄ᬤᬸᬓ᭄᭞ᬓᬾᬦᬵᬧᬢᬶᬄᬫ᭄ᬯᬂᬤ᭄ᬯᬂ᭞ᬫᭂᬧᭂᬲᬗ᭄ᬕᬵᬕ᭄ᬢᬃᬧᬧᭂᬲᭀᬦᬾᬋᬫ᭄ᬧᬸᬄ᭞ᬢᬶᬢ᭄ᬬᬂᬓᬤᬯᬸᬄᬫᬫᭂᬦ᭄ᬤᬓ᭄᭞ᬦᬸᬦᬲ᭄ᬗ᭄ᬭᬭᬶᬲ᭄ᬭᬢᬸᬲᬫᬶ᭟ᬭᬳᬤᬾᬦ᭄ᬤᬢᬵᬲᬫ᭄ᬬᬦ᭄᭞
ᬲᬤᬗᭂᬳᭂᬤ᭄ᬫᬩ᭄ᬭᬶᬬᬸᬓ᭄ᬗᬢ᭄ᬫᬫᬃᬕ᭄ᬕᬶ᭞ᬭᬶᬲᬓ᭄ᬱᬡᬲᬸᬩᬃᬯᬸᬄ᭞ᬩᬢᬦ᭄ᬩᬜ᭄ᬘᬶᬗᬄᬳᬢᬧ᭄᭞ᬧ᭄ᬭᬪᬸᬰ᭄ᬭᬗ᭄ᬕᬵᬦᬵᬕᬭᬶᬭᬶᬂᬳᬮᬸᬦᬵᬮᬸᬦ᭄᭞ᬥᬃᬫ᭄ᬫᬓᬮᬶᬦ᭄ᬢᬂᬧᬮᬧ
Kaca:Bali-lontar-gaguritan-ratmaja-300ppi.pdf/33
Kaca puniki sampun kauji-wacén
