[᭔᭑ 41 B]
᭔᭑
ᬲ᭄᭟ᬤᬕᬸᬂᬕ᭄ᬥᬾᬦᬄᬳᬶᬤᬧᬥᬫᬶᬦᭂᬳᬂ᭞ᬲᬫᬗ᭄ᬤᬲᬶᬮᬶᬩ᭄ᬲᬶᬫ᭄ᬧᬶᬃ᭞ᬫᬍᬲ᭄ᬓᬧᬶᬢᬺᬱ᭄ᬡᬦ᭄᭞ᬭᬾᬄᬓᬤᬸᬂᬳᬶᬧᬸᬦᭀᬮᬲ᭄᭞ᬚᬗ᭄ᬓᬫᬢᬶᬗ᭄ᬕᬮ᭄ᬦᬕᬭᬶ᭞ᬗᬸᬢᬂᬓᬕᬸᬗᬦ᭄᭞
ᬫᬳᬶᬜ᭄ᬭᬳᬂᬳᬸᬭᬶᬧ᭄᭟ᬬᬦ᭄ᬓᬧᬢᬹᬢ᭄ᬓᭂᬦᭂᬄᬢ᭄ᬬᬂᬫᬜᬮᬶᬦᬂ᭞ᬫ᭄ᬩᬳᬂᬳᬶᬧᬸᬦ᭄ᬧᬦᬫ᭄ᬧᬶᬄ᭞ᬦᬾᬧ᭄ᬢᬂᬦᬕᬭ᭞ᬳᭂᬦ᭄ᬢᭀᬧᬘᬂᬚᬮᬦᬂ᭞ᬧᬲᬶᬃᬕᭂᬡ᭄ᬥᬶᬲ᭄ᬤᬦᬸᬯᬢᬶ᭞ᬲᬕ᭠
ᬭᬳᬦᬓ᭄᭞ᬲᬕᬭᬫᬥᬸᬤᬾᬦᬶᬂ᭞ᬢᬸᬲᬶᬂᬧᬶᬲᬦ᭄ᬢᬳᬾᬦ᭄ᬫᬳᬶᬗᭂᬦᬄ᭞ᬳᬭᬶᬦ᭄ᬤᬫᬵᬢᬸᬃᬯ᭄ᬬᬓ᭄ᬢᬶ᭞ᬜᬦ᭄ᬤᬂᬩ᭄ᬘᬶᬓ᭄ᬧᬶᬲᬦ᭄᭞ᬧᬢᬸᬢ᭄ᬧᬶᬲᬮᬶᬢ᭄ᬮᬸᬗ᭄ᬳᬵ᭞ᬫᬗ᭄ᬤᬳᬶᬧᬸᬦ᭄ᬳᬸᬦᬶᬂᬲᬶ
ᬲᬶᬧ᭄᭞ᬳᬶᬤᬾᬯᬕᬸᬂᬧᬸᬢ᭄ᬭ᭞ᬓ᭄ᬜᭂᬫ᭄ᬗᬦ᭄ᬤᬶᬓᬫᬮᬶᬄ᭟ᬚᬮᬦ᭄ᬧᬋᬂᬚᬦᬶᬗᬢᬸᬭᬂ᭠ᬳᬸᬦᬶᬗ᭄ᬳᬵ᭞ᬲ᭄ᬬᬮ᭄ᬮᬾᬗ᭄ᬕᬮ᭄ᬫᬢ᭄ᬮᬶᬓ᭄᭞ᬳᬚᬶᬅ᭄ᬳᬶᬤᬵᬤᬶᬚ᭞ᬳᬶᬓᭂᬘ᭄ᬬᬮ᭄ᬫᬜᬸ
[᭔᭒ 42 A]
ᬫ᭄ᬩᬄ᭞ᬫᬚᬮᬦ᭄ᬕᬗ᭄ᬲᬃᬓᬧᬸᬭᬶ᭞ᬚᬮ᭄ᬫᬵᬧ᭄ᬭᬢᬫ᭞ᬚᬸᬭᬸᬫᬢ᭄ᬮᬶᬓ᭄ᬱᬳᬶ᭟ᬳᬶᬤᬾᬯᬕᬸᬂᬳᬚᬶᬩᬸᬫᬭᬫᬦ᭄ᬢᬸᬓᬦ᭄᭞ᬳᬧᬦᬶᬂᬲᬸᬩᬵᬯ᭄ᬗᬶ᭞ᬳᬶᬗᬦ᭄ᬧᬸᬓᬸᬮ᭄ᬢᬶᬕ᭞
ᬳᬶᬓᭂᬃᬘ᭄ᬬᬮ᭄ᬫᬢᬸᬮᬓ᭄᭞ᬗᬢᬸᬭᬂᬫᬶᬤᬃᬢ᭄ᬣᬕ᭄ᬮᬶᬲ᭄᭞ᬳᬶᬤᬾᬯᬕᬸᬂᬧᬸᬢ᭄ᬭ᭞ᬫᬫᬃᬕ᭄ᬕᬶᬲᬋᬂᬓᬮᬶᬄ᭟ᬢ᭄ᬯᬭᬳᬤᬧᬗᬶᬭᬶᬂᬫᬸᬂᬳᬶᬓᭂᬘ᭄ᬬᬮ᭄᭞ᬭᬶᬂᬧᬲᬭᬾᬦ᭄ᬕᬸᬂᬧ᭄ᬭᬧ᭄ᬢᬶ᭞ᬤᬶᬦ
ᬢᬳᬾᬗᬫ᭄ᬩ᭄ᬬᬃ᭞ᬧᬗᬬᬄᬗᬮᬂᬩᬸᬮᬦ᭄᭞ᬫᬘᬦ᭄ᬤᬲᬮᬶᬂᬕᭀᬜ᭄ᬚᬓᬶᬦ᭄᭞ᬫᬗᬚᬓ᭄ᬢᬶᬫ᭄ᬧᬮ᭄᭞ᬲᭀᬢᬦᬶᬂᬧᬥᬳᬲᬶᬄ᭟ᬤᬤᬶᬕ᭄ᬮᬶᬩᬸᬗᭂᬦᭀᬢ᭄ᬳᬶᬤᬾ
ᬯᬕᬸᬂᬧᬸᬢ᭄ᬭ᭞ᬫᭂᬧᭂᬲ᭄ᬗᬤᭂᬧᬾᬂᬲᬶᬢᬶ᭞ᬳᬶᬤᬾᬯᬕᬸᬂᬗᬦ᭄ᬤᬶᬓ᭞ᬩᬶᬄᬓ᭄ᬫᬗᬸᬦᬶᬗᬬᬂ᭞ᬓᬳᬶᬧᬧ᭄ᬕᬓ᭄ᬦᬾᬦᬾᬚᬦᬶ᭞ᬳᬶᬘᬦ᭄ᬤᬢ᭄ᬜᬸᬫ᭄ᬩᬄ᭞ᬓᬧᬫᬺᬫᬦ᭄ᬫᬗ᭄ᬭᬚ᭄ᬜᬶᬂ᭟ᬮ
Kaca:Bali-lontar-gaguritan-ratmaja-300ppi.pdf/42
Kaca puniki sampun kauji-wacén
