[᭕᭑ 51 B]
᭕᭑
ᬭᬳᬶᬫᬦᬦ᭄ᬤᬦ᭄᭞ᬗᬶᬦᭂᬧᬶᬦ᭄ᬤᬶᬢᬫᬦ᭄ᬲᬭᬶ᭞ᬳᬲᬶᬄᬢ᭄ᬓᬾᬢ᭄ᬯᬲ᭄᭞ᬲᭀᬢᬦᬶᬂᬚᬬᬾᬂᬭᬰ᭄ᬫᬶᬦ᭄᭟ᬳ᭄ᬦᭂᬗᬓ᭄ᬦᬵᬧᭀᬮᬳᬾᬳᬦᬾᬂᬫᬥᬸᬭ᭞ᬤᬶᬕᬶᬮᬶᬫᬲ᭄ᬩᬮᬶᬓᬶᬦ᭄᭞
ᬤᬲ᭄ᬢᬕᬫᬫᬃᬕ᭄ᬕ᭞ᬭᬳᬤᬾᬦ᭄ᬲᬸᬃᬬ᭄ᬬᬤᬶᬦᬵᬣ᭞ᬭᬶᬂᬩᬜ᭄ᬘᬶᬗᬄᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬲ᭄ᬭᬕᭂᬧ᭄ᬲᬬᬕ᭞ᬧ᭄ᬭᬭᬢᬸᬤᬶᬢᬸᬲᬫᬶ᭟ᬲᭂᬲᭂᬓ᭄ᬚᭂᬚᭂᬮ᭄ᬓᬂᬩᬮᬢᬦ᭄ᬧᬮᬶᬕᬭᬦ᭄
᭞ᬓᬢᭂᬓᬾᬂᬧᬲᬶᬃᬧᬲᬶᬃ᭞ᬫ᭄ᬯᬗᬦᬾᬂᬩᬮᬾᬩᬂ᭞ᬳᬤᭂᬦ᭄ᬤᭂᬦ᭄ᬓᭂᬭᬶᬂᬫᬃᬕ᭄ᬕ᭞ᬲᬳᬲᬜ᭄ᬚᬢᬳᬍᬧᬰ᭄ᬭᬶ᭞ᬢᬸᬗ᭄ᬕᬮ᭄ᬫ᭄ᬯᬂᬤ᭄ᬯᬚ᭞ᬩᭂᬡ᭄ᬥᬾᬢᬫ᭄ᬩᬸᬃᬦ᭄ᬤᬮᬶᬤᬶ᭟ᬲᭀᬧᬘᬭᬳᬓ
ᬦ᭄ᬤᬓᬦ᭄ᬤᬳᬲᬶᬦᬂ᭞ᬫᬶᬚᬶᬮ᭄ᬲᬂᬯᬶᬭᬓᬮᬶᬄ᭞ᬮ᭄ᬯᬶᬃᬪᬱ᭄ᬓᬭᬓᭂᬫ᭄ᬩᬃ᭞ᬳᬶᬦᬶᬭᬶᬗᬶᬂᬳᬧ᭄ᬲᬭ᭞ᬧ᭄ᬭᬭᬢᬸᬳᬦ᭄ᬭᬫ᭄ᬫᬗᬶᬭᬶᬂ᭞ᬓᬩ᭄ᬯᬢᬦ᭄ᬭᬭᬲ᭄᭞ᬯ᭄ᬬᬓ᭄ᬢᬶᬲᬲᬭᬦ᭄ᬍᬯᬶᬄ᭟
[᭕᭒ 52 A]
ᬭᬤᬾᬦ᭄ᬲᬸᬃᬬ᭄ᬬᬤᬶᬦᬵᬣᬫᬲ᭄ᬭᭀᬤ᭄ᬢᭂᬥᬸᬦᬦ᭄᭞ᬢᬗ᭄ᬓᬶᬮ᭄ᬩᬩᬃᬲᬫᬶ᭞ᬓᭀᬭᬢᬸᬗᬦ᭄ᬤᬶᬓ᭞ᬩᬧᬵᬦᬸᬦᬲ᭄ᬫᬫᬃᬕ᭄ᬕ᭞ᬫᬸᬂᬧᬸᬂᬓᬭᬶᬤᬯᬸᬄᬓᬶᬤᬶᬓ᭄᭞ᬧᬥᬫᬍᬓ
ᬲ᭄᭞ᬫᬓ᭄ᬢᭂᬩ᭄ᬲᬮᬶᬂᬢᭀᬮᬶᬄ᭟ᬳᬲᬓ᭄ᬱᬡᬫᬩᬸᬃᬕ᭄ᬮᬶᬲ᭄ᬗᬯᬂᬳᬯᬂ᭞ᬗᬮᬶᬯᬢᬶᬦ᭄ᬩ᭄ᬬᭀᬫᬦ᭄ᬢᬭᬶ᭞ᬤᭂᬤᭂᬢ᭄ᬭᬶᬂᬅᬓᬰ᭞ᬮ᭄ᬯᬶᬃᬳᬫ᭄ᬩᬸᬩᬸᬲᬸᬫᬳᬩ᭄᭞ᬭᬶᬓᬮᬦᬶᬂᬫᬕ
ᬫᬰᬶ᭞ᬦ᭄ᬤᬤ᭄ᬬᬓᭂᬦ᭄ᬳᬸᬤᬦ᭄᭞ᬦᬶᬭᬫᬶᬰ᭄ᬭᬗ᭄ᬕᬧᬸᬭᬶ᭟ᬧᬸᬦᬂᬩᬮᬧᬗᬜ᭄ᬚᬸᬃᬲᬸᬩᬫᬗ᭄ᬮᬶᬯᬢ᭄᭞ᬓᬤᬯᬸᬄᬫᬗ᭄ᬭᬶᬳᬶᬦᬦ᭄᭞ᬗ᭄ᬯᬗᬸᬦ᭄ᬧᬲᬗ᭄ᬕ᭄ᬭᬳᬦ᭄᭞ᬢ᭄ᬯᬭᬤᬩ
ᬓᬢ᭄ᬯᬶᬮᬂ᭞ᬬᬦᬓᬸᬤᬂᬓᬸᬤᬂᬓ᭄ᬝᬶ᭞ᬮᬾᬦ᭄ᬗᬫ᭄ᬩᬄᬓᬨᬮ᭄᭞ᬤᭂᬤᭂᬢ᭄ᬗᭂᬩᭂᬓᬶᬦ᭄ᬧᬲᬶᬄ᭟ᬳ᭄ᬦᬶᬗᬓ᭄ᬦᬧᭀᬮᬄᬲᬂᬫᬶᬩᭂᬭᬶᬂᬢᬯᬂ᭞ᬤᬶᬫᬥᬸᬭᬩᬮᬶᬓᬶᬦ᭄᭞ᬩ
Kaca:Bali-lontar-gaguritan-ratmaja-300ppi.pdf/52
Kaca puniki sampun kauji-wacén
