[᭘᭑ 81 B]
᭘᭑
ᬗ᭄ᬕᬮᬯ᭄ᬭᬶᬦ᭄᭞ᬰ᭄ᬭᬶᬤᭀᬡ᭄ᬥᬭᬚ᭞ᬜᬫᭂᬢᬶᬓᬸᬤᬕ᭄ᬮᬶᬲ᭄᭟ᬫᬳᬶᬂᬳᬃᬣᬓᭀᬭᬢᬸᬕᬗ᭄ᬲᬃᬳᬫᬧᬕ᭄᭞ᬰ᭄ᬭᬶᬪᭀᬡ᭄ᬥᬳᬦᬸᬤᬶᬗᬶ᭞ᬓᬶᬢᬯᭀᬂᬫᬫ᭄ᬦᬂ᭞ᬳᬫᬸᬦ᭄ᬤᬸᬭ
ᬤᬾᬦᬾᬗ᭄ᬕᬮ᭄᭞ᬳᬾᬫᬦ᭄ᬭᬸᬧᬫᬸᬳᬧ᭄ᬓᬶᬓ᭄᭞ᬧᬘᬂᬧᬮᬢ᭄ᬭ᭞ᬳᬮᬶᬳᬂᬩᬶᬦ᭄ᬧᬦᬫ᭄ᬧᬶᬄ᭟ᬤᬸᬭᬧᬶᬲᬦ᭄ᬓᬳᬶᬓᬮᬶᬄᬩᬳᬦ᭄ᬳᬶᬩ᭞ᬤᬸᬤᬸᬭᬢᬸᬫᬦ᭄ᬤᬶᬭᬶ᭞ᬳᬦᬾᬂ
ᬪᭀᬡ᭄ᬥᬭᬚ᭞ᬘᭀᬓᭀᬃᬭᬢᬸᬦᬶᬫ᭄ᬩᬮ᭄᭞ᬳᬄᬓᬳᬶᬲᬶᬂᬤᬦᬶᬤᭀᬗᬶᬦ᭄᭞ᬬᬦ᭄ᬢ᭄ᬯᬭᬳᬶᬩ᭞ᬓᭂᬋᬂᬜᬶᬲᬬᬂᬩᬦᬶ᭟ᬢᭀᬤᬶᬓᬧᬦ᭄ᬳᬶᬩᬫᬳᬶᬓᬳᬸᬦ᭄ᬤᬂᬗᬦ᭄᭞
ᬧᬤᬍᬫ᭄ᬓᬳᬶᬕᬢᬶ᭞ᬳᬶᬩᬫᬸᬭᬂᬫᬸᬭᬂ᭞ᬫᬸᬮᬶᬄᬫᬗᬸᬲᬧ᭄ᬮᬶᬫ᭞ᬓᬳᬶᬚᬦᬶᬫᬩᬸᬜ᭄ᬚᬶᬂ᭞ᬲᬓ᭄ᬦᭂᬄᬳᬶᬩ᭞ᬓᬳᬶᬩᬶᬱᬦᬶᬫ᭄ᬧᬮᬶᬦ᭄᭟ᬧ᭄ᬭᬪᬸᬪᭀᬡ᭄ᬥᬭᬵᬚᬕ᭄ᬥᭂᬕᬾ᭠
[᭘᭒ 82 A]
ᬓᬮᬶᬯᬢ᭄᭞ᬗᬶᬤᭂᬭᬶᬦ᭄ᬮᬸᬢ᭄ᬫᬢᬶᬢᬶᬲ᭄᭞ᬧ᭄ᬭᬬᬗᬦ᭄ᬢ᭄ᬬᬂᬦᬸᬫ᭄ᬩᬓ᭄᭞ᬓᭀᬭᬢᬸᬘᭂᬧᭂᬢ᭄ᬜᭂᬫ᭄ᬧᬮ᭄᭞ᬓ᭄ᬢᭂᬲ᭄ᬢᭂᬦ᭄ᬤᬲᬾᬫᭂᬍᬂᬓ᭄ᬢᬶᬓ᭄᭞ᬢᬸᬯᬶᬲᬸᬥᬶᬭ᭞ᬓᬍᬗ᭄ᬕᬓ᭄ᬢᬶᬩᬾᬂᬲᬶᬢᬶ᭟
ᬲᬶᬦᬸᬭᬓᬦ᭄ᬭᬫᬾᬦ᭄ᬤᬢᬦ᭄ᬧᬧᬭᬸᬗ᭄ᬯᬦ᭄᭞ᬓᬂᬯᭀᬂᬰᬾᬱᬦᬶᬂᬫᬢᬶ᭞ᬳᬫᬮᬓ᭄ᬯᬾᬂᬚᬶᬯ᭞ᬦᬾᬮᬮᬶᬫᬵᬦᬩ᭄ᬤᬩᬂ᭞ᬓᭀᬭᬢᬸᬫᬭᬃᬬ᭄ᬬᬦ᭄ᬗ᭄ᬭᬭᬶᬲ᭄᭞ᬲᭀᬭᬶᬂᬯ
ᬡ᭄ᬥᬶᬭ᭞ᬢᬸᬗᬸᬭᬄᬲᬕᬾᬢ᭄ᬧ᭄ᬭᬧ᭄ᬢᬶ᭟ᬳᬶᬦᬶᬭᬶᬗᬶᬂᬧᬭᬧᬸᬢ᭄ᬭᬫ᭄ᬯᬂᬩᬳᬸᬤᬡ᭄ᬥᬵ᭞ᬧ᭄ᬭᬫᬜ᭄ᬘᬩ᭄ᬭᬶᬬᬸᬓ᭄ᬱᬫᬶ᭞ᬳᬗ᭄ᬕᬯᬫᬵᬲ᭄ᬢᬓ᭞ᬧᬢᬶᬄᬭᬣᬦᬾᬩᬶᬗᬃ᭞ᬧᬥᬗᬢᬸᬭᬂ
ᬧᬶᬓᭀᬮᬶᬄ᭞ᬓᭀᬭᬢᬸᬮᬾᬤᬂ᭞ᬓ᭄ᬜᭂᬫ᭄ᬗᬦ᭄ᬤᬶᬓᬳᬭᬶᬲ᭄᭟ᬢᭀᬧᬸᬗ᭄ᬕᬮᬦ᭄ᬧ᭄ᬭᬭᬢᬸᬦᬾᬫᬓᬤᬤ᭄ᬯᬵ᭞ᬢᬸᬦ᭄ᬤᬾᬦ᭄ᬗᬢᬸᬭᬂᬚᬦᬶ᭞ᬢ᭄ᬓᬾᬦᬶᬂᬳᬶᬩᬧ᭞ᬭᬢᬸ
Kaca:Bali-lontar-gaguritan-ratmaja-300ppi.pdf/82
Kaca puniki sampun kauji-wacén
