[᭑᭐᭗107B]
᭑᭐᭗
ᬗᬭᬕ᭞ᬓᬲᬼᬓ᭄ᬧᬘᬂᬫᬢᬗ᭄ᬓᬶᬲ᭄᭞ᬦᬾᬫᬦᬶᬲ᭄ᬫᭂᬗᬦ᭄᭞ᬳᬾᬗ᭄ᬕᬮᬦ᭄ᬲᬍᬗᬕᬦ᭄᭞ᬧᬫ᭄ᬮ᭄ᬬᬸᬩᬓᬮ᭄ᬳᬋᬧᬶᬦ᭄᭞ᬫᬵᬢᬶᬫᬗᬯᬂ᭞ᬫᬲᬶᬄᬤᬤᬶᬳᬸᬘᬧ᭄ᬕᬸᬫᬶ᭟ᬦᬄᬤᭂᬧᬂᬧᬶᬲᬦ᭄ᬚᬦᬶᬲᬲᬶᬤ᭄ᬥᬲᬶᬤ᭄ᬥᬳᬦ᭄᭞ᬯ᭄ᬬᬓ᭄ᬢᬶᬲ᭄ᬲ᭄ᬫᬸᬲ᭄ᬫᬸᬢᬗᬶᬲ᭄᭞ᬢᬸᬫᬸᬮᬶᬗᬦ᭄ᬤᬶ
ᬓ᭞ᬫᬦᬶᬓᬦ᭄ᬦᬄᬢᬸᬢᬸᬕ᭞ᬢᬺᬱ᭄ᬡᬦ᭄ᬘᬳᬶᬦᬾᬫᬕᬸᬲ᭄ᬢᬶ᭞ᬚᬦᬶᬧᬶᬲᬦᬂ᭞ᬤᬶᬦᬶᬚᬮᬦ᭄ᬩᬋᬂᬫᬵᬢᬶ᭟ᬧᬳᬸᬦ᭄ᬫᬦᬶᬓᬦ᭄ᬗᭂᬮᬸᬢ᭄ᬘᭀᬓᭀᬃᬜᭂᬫ᭄ᬩᬄ᭞ᬳᬢᬸᬭᬾᬲᬭᭀᬭᭀᬯᬦᬾᬮᬶᬂ᭞ᬳᬶᬗ᭄ᬕᬶᬄᬲᬸᬲᬸᬳᬸᬦᬦ᭄᭞ᬤᭀᬄᬢᬶᬢ᭄ᬬᬂᬧᬘᬂᬧᬲᬄ
᭞ᬫᬓᬵᬤᬶᬧᬶᬦ᭄ᬢᭂᬮ᭄ᬲᬸᬪᬓ᭄ᬢᬶ᭞ᬤᬸᬫᬤᬓ᭄ᬲᬶᬤ᭄ᬥ᭞ᬢᬶᬢ᭄ᬬᬂᬗᭂᬢᭀᬳᬂᬳᬸᬭᬶᬧ᭄᭟ᬤᬸᬭᬸᬂᬧ᭄ᬕᬢ᭄ᬳᬢᬸᬭᬾᬧᬸᬦ᭄ᬫᬦᬶᬓᬦ᭄᭞ᬓᬕᬾᬢ᭄ᬭᬳᬸᬄᬲᬓᬶᬂᬓᬗᬶᬦ᭄᭞ᬫᬯᬵᬱ᭄ᬝᬳᬶᬕ᭄ᬭᬾᬩᬕ᭄᭞ᬫᬢᬸᬢᬸᬢᬦ᭄ᬲᬶᬓᭂᬧ᭄ᬤᭀᬫᬲ᭄᭞ᬧᬸᬦᬶᬓᬧᬘᬂᬧᬢᬶᬦ᭄ᬤᬶᬄ᭞ᬧᬶ
ᬲᬸᬦᬵᬦ᭄ᬳᬶᬤ᭞ᬲᬂᬓᬲᬸᬂᬲᬸᬗᬾᬂᬩᬮᬶ᭟ᬳᬢᬹᬃᬧᬸᬦ᭄ᬕ᭄ᬭᬾᬩᬕ᭄ᬤᬾᬯᬕᬸᬂᬳᬶᬤᬳᬶᬳᬦᬓ᭄᭞ᬭᬶᬂᬕᬾᬮ᭄ᬕᬾᬮ᭄ᬓ᭠ᬭᬶᬭᬶᬂᬯᬸᬭᬶ᭞ᬫᬭᬃᬵᬬ᭄ᬬᬦ᭄ᬭᬶᬂᬓᬸᬭᬫᬲ᭄᭞ᬳᬶᬓᬵᬭᬶᬫᬮᬗ᭄ᬲᬶᬗᬦ᭄᭞ᬦᬾᬫᬗ᭄ᬓᬶᬦ᭄ᬘᭀᬓᭀᬃᬤᬮᬶᬗ᭄ᬲᬶᬭ᭄᭞ᬲᬫᬢ᭄ᬭᬓᭂᬜ᭄ᬘᬄ
[᭑᭐᭘108A]
᭞ᬦᬄᬚᬮᬦ᭄ᬚᬦᬶᬢᬦ᭄ᬤᬶᬗᬶᬦ᭄᭟ᬤᬸᬭᬸᬂᬧᬸᬧᬸᬢ᭄ᬧᬳᬸᬍᬄᬩᬳᭀᬲ᭄ᬧᬸᬦᬶᬓ᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬕᬮᬂᬓᬗᬶᬦ᭄᭞ᬲᬹᬃᬬ᭄ᬬᬓ᭄ᬫᬳᬶᬤᭂᬳᬦ᭄᭞ᬇᬭᬶᬓᬵᬳᬶᬤᬘᭀᬓᭀᬃᬤ᭞ᬦ᭄ᬳᭂᬃᬫᬗ᭄ᬭᬭᬶᬲᬸᬫᬶᬚᬶᬮ᭄᭞ᬲᬵᬫ᭄ᬧᬸᬦ᭄ᬲᬬᬕ᭞ᬧᬚᭂᬦᭂᬗᬦᬾᬓᬲᬸᬂᬓ᭄ᬮᬶ
ᬢ᭄᭟ᬦᭀᬮᬾᬓ᭄ᬧᬜ᭄ᬚᬓ᭄ᬘᬳᬶᬘᬳᬶᬧᬤᬫᬓ᭄ᬚᬂ᭞ᬤᬩ᭄ᬤᬩᬂᬧᬥᬦᬾᬚᬦᬶ᭞ᬲᬂᬓᬶᬘ᭄ᬙᬾᬦ᭄ᬯᬘᬦ᭞ᬭᬦ᭄ᬢᬩᬦ᭄ᬫᬲᬶᬗ᭄ᬲᭂᬢᬦ᭄᭞ᬦ᭄ᬳᭂᬃᬢᬸᬫᬸᬮᬶᬫᬫᬃᬵᬕ᭄ᬕᬶ᭞ᬫᬕᬕᬶᬭᬲᬦ᭄᭞ᬫᬢᬹᬃᬬ᭄ᬬᬓ᭄ᬫᬗ᭄ᬓᬶᬦ᭄ᬕᬸᬫᬶᬭᬶᬄ᭞ᬢᬹᬃᬳᬶᬗᬸᬗ᭄ᬲᭂᬂᬓᬳᬫᬹᬓ᭄ᬦᬾᬗ᭄ᬮᭀ
ᬤ᭄ᬓᬳᬸᬳᬂ᭞ᬫᬸᬲᬸᬳᬾᬫᬢᬓᭂᬄᬚ᭄ᬭᬶᬄ᭞ᬫ᭄ᬮᬳᬶᬩ᭄ᬫᬸᬮᬶᬳᬸᬮᬶᬳᬦ᭄᭞ᬳᬶᬲᭂᬂᬦᬕ᭄ᬮᬂᬧᬭᬲ᭄᭞ᬮᬾᬦ᭄ᬫ᭄ᬮᬳᬶᬩ᭄ᬲᬫ᭄ᬩᬶᬮ᭄ᬦᬸᬗ᭄ᬕᬶᬂ᭞ᬫᭂᬫ᭄ᬩᭂᬗᬶᬦ᭄ᬫᬢ᭞ᬮᬾᬦ᭄ᬳᬤᬫᬫᬾᬗᭀᬭᬶᬦ᭄᭟ᬤᬂᬓ᭄ᬮᬂᬤᬾᬂᬓ᭄ᬮᬾᬂᬲᬓᬤᬶᬗ᭄ᬭᬾᬳᬂᬭᬗ᭄ᬤ᭞ᬫᬮᬕᬾᬦ᭄ᬤᬄᬫᬫᭂᬜᭂ
ᬮᬶᬦ᭄᭞ᬳᬫᬹᬓ᭄ᬦᬾᬗᬯᬦᬂ᭞ᬦᬾᬓᬗᬶᬦ᭄ᬗᬫᬭᬬᬂ᭞ᬧᬶᬦᬄᬓ᭄ᬬᭂᬮ᭄ᬗᬢᬸᬢ᭄ᬩᬸᬭᬶ᭞ᬢ᭄ᬯᬭᬳᬤᬗᬮᬯᬦ᭄᭞ᬕᬕᬶᬭᬗᬦᬾᬧᬓ᭄ᬮᬶᬢ᭄᭟ᬩᭀᬬᬗᬶᬯᬗᬂᬧᬫᬃᬵᬕ᭄ᬕᬶᬦ᭄ᬕᬕᬶᬭᬶᬗᬦ᭄ᬧᬸᬦᬶᬓ᭞ᬳᬧᬦ᭄ᬕᬸᬲ᭄ᬢᬶᬦ᭄ᬜᬗ᭄ᬭᬯᬸᬳᬶᬦ᭄᭞ᬲᬓᬤᬶᬧᬸᬦᬶᬓ᭠
Kaca:Bali-lontar-gaguritan-rereg-gianyar-300ppi.pdf/108
Kaca puniki sampun kauji-wacén
