[᭑᭐᭙109B]
᭑᭐᭙
ᬜ᭄ᬚᬓᬂ᭞ᬤᬤᬶᬓᬸᬢᬂᬪᬓ᭄ᬢᬶᬦ᭄ᬢᬶᬢ᭄ᬬᬗᬾᬫᬦ᭄ᬭᬸᬲ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬫᬦᬓᭂᬳᬂ᭞ᬫᬭᬹᬧᬳᬮᬲᬦ᭄ᬳᬢᬶ᭟ᬭᬢᬸ᭠ᬕ᭄ᬮᬶᬲᬂᬫᬫᬃᬵᬕ᭄ᬕ᭞ᬲᬶᬓᭂᬧ᭄ᬩᬢᬸᬄᬲᬳᬲᬫᬗᭂᬢᬹᬢ᭄ᬩᬸᬭᬶ᭞ᬧ᭄ᬭᬬᬗᬾᬩᭀᬕ᭄ᬲᬓᬶᬂᬓᬳᬸᬄ᭞ᬓᬓᬄᬳᬸᬘᬧ᭄ᬢᬦᬶᬓᬭ᭄ᬯᬦ᭄᭞᭠
ᬗᬯᬾᬤᬸᬍᬕ᭄ᬘᭀᬓᭀᬃᬤᬫᬾᬭᬂᬳᬗ᭄ᬭᬸᬗᬸ᭞ᬫ᭄ᬦᭂᬂᬢᭀᬂᬓᬬᬸᬦ᭄ᬗᬦ᭄ᬤᬶᬓ᭞ᬲᬳᬸᬃᬗ᭄ᬮᬶᬲᬂᬫᬫᬃᬕ᭄ᬕᬶ᭟ᬲᬸᬫᬶᬗ᭄ᬓᬶᬦᬗᬶᬭᬶᬗᬸᬭᬾᬢᬓ᭄᭞ᬩᬄᬩᬗᬸᬦ᭄ᬫ᭄ᬮᬳᬶᬩ᭄ᬜᬸᬗ᭄ᬓᭂᬮ᭄ᬫᬜᬸᬗ᭄ᬓᬶᬮᬶᬂ᭞ᬭᬶᬂᬜᬭᬗᬦᬾᬫᬳᭂᬦ᭄ᬤᬸᬢᭂᬦ᭄ᬤᬸᬢ᭄᭞ᬧᬢᬶᬦ᭄ᬢᬸᬫ᭄ᬩᬓ᭄ᬓ
ᬢᬸᬗ᭄ᬓᭂᬤᬂ᭞ᬫᬳᬶᬤ᭄ᬩᭂᬤᬶᬮ᭄᭞ᬓᬗᭂᬦ᭄ᬲᬓ᭄ᬯᬾᬄᬓᬂᬫᬫᬗ᭄ᬕᬸᬄ᭞ᬧᬭᬭᬩᬶᬮᬦ᭄ᬧᬜ᭄ᬚ᭄ᬭᭀᬯᬦ᭄᭞ᬧᬦ᭄ᬢᬫ᭄ᬩᬾᬕ᭠ᬦ᭄ᬢᭂᬂᬫᬫᬃᬵᬕ᭄ᬕᬶ᭟ᬯᬾᬦ᭄ᬢᭂᬦ᭄ᬮᬩᬸᬄᬫᬜᬮᬾᬫ᭄ᬧᭀᬄ᭞ᬓ᭄ᬩᬶᬭᬦ᭄ᬲᬶᬜ᭄ᬚᬂᬲᬸᬫᬃᬕᬦ᭄ᬤᬦ᭄ᬬᬫ᭄ᬭᬶᬓ᭄ᬫᬶᬗᬶᬂ᭞ᬓᬢᭀᬦ᭄ᬧᬸᬧᬸᬦᬾᬳᬮᬸ
ᬭᬸᬲ᭄᭞ᬯ᭄ᬬᬓ᭄ᬢᬶᬗᬯᬾᬭᬶᬂᬫᬂ᭞ᬗᬸᬘᬧ᭄᭞ᬲ᭄ᬩᭂᬗᬾᬘᭀᬗᬄᬳᬩᬮᬸᬢ᭄᭞ᬭᭀᬫᬲᬫᬄᬕ᭠ᬫ᭄ᬩᬳᬦ᭄᭞ᬮᬩᬸᬳᬾᬚᬦ᭄ᬢᭀᬲ᭄ᬓᭂᬤᭂᬢᬶᬦ᭄᭟ᬫᬮᬶᬄᬦᬾᬫ᭄ᬮᬳᬶᬩ᭄ᬕᭂᬲᬄ᭞ᬢᭀᬂᬳᬾᬤᬍᬫ᭄ᬗᭂᬦᬄᬲᬸᬲᬸᬦᬾᬗᬸᬢ᭠
[᭑᭑᭐110A]
ᬮ᭄ᬢᬶᬮ᭄᭞ᬘᭂᬧᭀᬮ᭄ᬳᬦ᭄ᬢᭂᬗᬾᬳᬸᬮᬸᬂ᭞ᬬᬦ᭄ᬋᬱᭂᬧᬂᬤᬶᬫᬦᬄ᭞ᬫᬗᬸᬮᬧᬶᬦ᭄᭞ᬫᬳᬶᬭᬶᬩ᭄ᬓᬢᬸᬮᬸᬂᬢᬸᬮᬸᬂ᭞ᬓᬤᬮᬲ᭄ᬗᬸᬢᬂᬢᬶᬢ᭄ᬬᬂ᭞ᬳᬫ᭄ᬩᬶᬮ᭄ᬢᬶᬢ᭄ᬬᬂᬧᬧᬲᬶᬳᬶᬦ᭄᭟ᬫᬮᬶᬄᬯᬾᬦ᭄ᬢᭂᬦ᭄ᬫᬤ᭄ᬓᭂᬲᬦ᭄᭞ᬚ᭄ᬮᬾᬫ᭄ᬧᬄᬚ᭄ᬮᬾᬫ᭄ᬧᭀᬄ᭞ᬫᬲ᭄ᬫᬸᬲ᭄ᬫᬸᬢ
ᬗᬶᬲ᭄᭞ᬓᬗᭂᬦ᭄ᬭᬶᬂᬭᬕᬦᬾᬮᬘᬸᬭ᭄᭞ᬭᬭᬸᬤ᭄ᬪᬸᬤᬮ᭄ᬳᬸᬮᬄᬩᬜ᭄ᬚᬃ᭞ᬫᬲᭂᬮ᭄ᬲᭂᬮᬦ᭄᭞ᬓᬾᬦᬾᬨᬮᬦᬾ᭠ᬓᬢᭂᬧᬸᬓ᭄᭞ᬢᬦ᭄ᬪᬶᬦᬓᬤᬶᬘᬭᬶᬢ᭞ᬧᬢᬧᬦ᭄ᬳᭀᬭᬾᬦᬾᬗᬹᬦᬶ᭟ᬫᬮᬶᬄᬯᬾᬦ᭄ᬢᭂᬦ᭄ᬲᬓᬶᬢ᭄ᬲᬓᬶᬢᬦ᭄᭞ᬯ᭄ᬢᬸᬳᬶᬩᬸ
ᬓ᭄ᬜᬭᬸᬯᬂᬦᬶᬯᬂᬤᬶᬫᬃᬵᬕ᭄ᬕᬶ᭞ᬓᬢᬄᬋᬓᭀᬬᬦᬶᬦᬸᬘᬧ᭄᭞ᬢᬶᬗ᭄ᬓᬄᬳᬦᬓᬾᬫᬫᬃᬵᬕ᭄ᬕ᭞ᬕᬕ᭄ᬮᬶᬲᬦ᭄᭞ᬓᬘᬭᬶᬢᬲᬵᬫ᭄ᬧᬸᬦ᭄ᬭᬳᬸᬄ᭞ᬫᬭᬃᬵᬬ᭄ᬬᬦ᭄ᬩᬜ᭄ᬘᬶᬗᬄᬓ᭄ᬭᬫᬲ᭄᭞ᬘᭀᬓᭀᬃᬤᬕᬾᬮ᭄ᬕᬾᬮ᭄ᬓᬧᬗ᭄ᬕᬶᬄ᭟ᬕᬸᬲ᭄ᬢᬶᬳᬕᬸᬂᬓ᭄ᬥᭂᬄ
ᬜᬶᬫ᭄ᬧᬗᬦ᭄᭞ᬘᭀᬓᭀᬃᬤᬢᬦᬃᬱᬲᬶᬫ᭄ᬧᬂᬓᬧᬸᬭᬶ᭞ᬭᬶᬂᬯᬦ᭄ᬢᬶᬮᬦᬾᬫᬮᬸᬗ᭄ᬕᬸᬄ᭞ᬭᬯᬸᬳᬶᬂᬲᬧᬭ᭠ᬭᬩ᭄ᬬ᭞ᬮᬦ᭄ᬧᬯᭀᬗᬦ᭄᭞ᬓᬗᭂᬦ᭄ᬲᬢ᭄ᬯᬳᬶᬗᬦ᭄ᬤᬸᬮᬸ᭞ᬯᬤᬦᬲᬂᬯᬯᬸᬧ᭄ᬭᬧ᭄ᬢ᭞ᬳᭀᬋᬫ᭄ᬧᬥᬓ᭄ᬘᬸᬤ᭄ᬓᬸᬦᬶᬂ᭟ᬬᬦ᭄ᬲᬶᬄ
Kaca:Bali-lontar-gaguritan-rereg-gianyar-300ppi.pdf/110
Kaca puniki sampun kauji-wacén
