[᭑᭓᭕135B]
ᬭᬾᬢ᭄ᬯᬭᬲᬶᬦᬄ᭞ᬪᬝᬵᬭᬓᬤᬶᬲᬮᬶᬢ᭄ᬢᬫ᭄ᬧᬶ᭞ᬦᬄᬤᭂᬧᬂᬲᬸᬩᬳᬂ᭞ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬬᬦ᭄ᬓᬩᬤᬸᬂᬗᬮᬶᬄᬧᬦᬫ᭄ᬧᬶᬄ᭞ᬓᬸᬤ᭄ᬬᬂᬗᭂᬦ᭄ᬢᬲᬂ᭞ᬫᬗ᭄ᬮᬢ᭄ᬩᬢᬸᬄᬲᬓ᭄ᬯᬢᬶ᭟ᬯ᭄ᬬᬓ᭄ᬢᬶᬫᬾᬯᭂᬄᬧᬗ᭄ᬭᬳᭀᬲᬾᬤ᭄ᬭᬲᬢ᭄ᬲᬢ᭄ᬗᬢᬕ᭞ᬘᭀ
ᬓᭀᬃᬤᬜᬮ᭄ᬬᬦ᭄ᬓᬢᬭᬶ᭞ᬮᬦ᭄ᬧᬥᬡ᭄ᬥᬢᬸᬲᬦ᭄᭞ᬳᬧᬦ᭄ᬧᬥᬓᬕᬶᬲᬶᬗᬦ᭄᭞ᬳᬢᬸᬭᬾᬧᬥᬫᬗᬶᬭᬶᬂ᭞ᬫᬩ᭄ᬯᬢ᭄ᬲᬧᬶᬲᬦ᭄᭞ᬜᬤ᭄ᬬᬫᬧᬕ᭄ᬓᬧᬦᬶᬦ᭄᭟ᬤᬸᬭᬸᬂᬧᬸᬧᬸᬢ᭄ᬩᬩᬳᭀᬲᬾᬤᬸᬓ᭄ᬧᬸᬦᬶᬓ᭞ᬓᬮᬗᬦ᭄ᬩᭂᬤᬶᬮ᭄ᬫᬸᬦᬶ᭞ᬮ᭄ᬯᬶᬃᬕ᭄ᬮ᭠
ᬕᬄᬢᬶᬦᬸᬦ᭄ᬯᬦ᭄᭞ᬲᬹᬃᬬ᭄ᬬᬓ᭄ᬳᬲᬗ᭄ᬕᬭᬸᬳᬦ᭄᭞ᬢᬢᬩᬸᬳᬦ᭄ᬳᬸᬫᬸᬂᬳᬢ᭄ᬭᬶ᭞ᬭᬶᬂᬩᬸᬓᬶᬢ᭄ᬫᬗᬫ᭄ᬩ᭄ᬬᬃ᭞ᬤᬶᬘᭀᬘᭀᬃᬘᭂᬕᬾᬂᬫᬫᭂᬤᬶᬮ᭄᭟ᬫᬦᬯᬶᬮᬶᬦ᭄ᬢᬂᬫᬶᬫᬶᬲᬾᬭᬶᬂᬓᬺᬢ᭄ᬣᬕᭀᬲ᭞ᬳᬧᬦ᭄ᬲᬢ᭄ᬲᬢ᭄ᬳᬸᬗ᭄ᬓᬸᬮᬶᬦ᭄᭞ᬢᬦ᭄ᬩᬶᬦᬮ᭄ᬯᬶᬃᬳᬸᬚ᭠
ᬦ᭄᭞ᬫᬗ᭄ᬓᬶᬦ᭄ᬘᭀᬓᭀᬃᬤᬜᬮ᭄ᬬᬦ᭄᭞ᬬᬢ᭄ᬦᬳᬗᬦ᭄ᬯᬓᭂᬦ᭄ᬚᬸᬭᬶᬢ᭄᭞ᬫᬦᭀᬮᬾᬓ᭄ᬧᬜ᭄ᬚᬓ᭄᭞ᬢᬶᬗ᭄ᬓᬳᬾᬫᬫ᭄ᬥᬶᬫ᭄ᬥᬶ᭟ᬧᬓᬼᬲ᭄ᬓᭂᬲ᭄ᬜᬶᬮᬶᬩ᭄ᬫᬗᬮᬶᬳᬮᬶᬗᬦ᭄᭞ᬳᬲᬶᬂᬓ᭄ᬦᬶᬓᬩ᭄ᬥᬶᬮ᭄᭞ᬩᬄᬫᬕᭀᬲᭀᬗᬦ᭄᭞ᬓᬤᬶᬫᬢᬶᬢᬶᬲ᭄᭞᭠
[᭑᭓᭖136A]
ᬢᬾᬫ᭄ᬩᭀᬓ᭄᭞ᬢᬦ᭄ᬧᬾᬗᬦ᭄ᬫᬢᬶᬳᬓᬦᬶᬦ᭄᭟ᬯᭀᬂᬅᬫ᭄ᬮᬭᬵᬚ᭞ᬳᬦ᭄ᬢᬸᬓ᭄ᬲᬹᬃᬬ᭄ᬬᬓ᭄ᬮᬯᬦ᭄ᬩᭂᬤᬶᬮ᭄᭟᭠ᬘᬸᬢᭂᬢᬂᬘᬭᬶᬢᬦᬾᬧᬧ᭄ᬭᬂᬧᬸᬦᬶᬓ᭞ᬧᬦ᭄ᬢᬦ᭄ᬳᬦᬓᬯᭀᬦ᭄ᬧᭀᬮᬶᬄ᭞ᬲᬮᬶᬄᬗᭂᬩᬶᬲ᭄ᬤᭀᬱ᭞ᬳᬸᬲᬦ᭄ᬧ᭄ᬭᬂᬧᬥᬩᬸ᭠
ᬤᬮ᭄᭞ᬓᬾᬯᬦ᭄ᬢᭂᬦ᭄ᬢᭂᬕᬮᬾᬓᬗᬶᬦ᭄᭞ᬤᬗᬶᬦ᭄ᬜ᭄ᬚᬸᬂᬲᬫ᭄ᬬᬦ᭄᭞ᬓᬭᬗ᭄ᬳᬵᬲᭂᬫᬾᬗᬸᬓᬸᬳᬶᬦ᭄᭟ᬲᬧᬸᬦᬶᬓᬳᬶᬦ᭄ᬤᬶᬓᬾᬓᭀᬘᬧ᭄ᬭᬶᬂᬓᬸᬦ᭞ᬳᬸᬲᬦ᭄ᬬᬸᬤ᭄ᬥᬧᬸᬦᬶᬓᬶ᭞ᬪᬝᬵᬭᬲᬸᬗ᭄ᬓᬯ᭞ᬫᬩᬳᭀᬲ᭄ᬧᬓᬵᬮᬶᬳᬦ᭄᭞ᬦᬵᬗ᭄ᬳᬶᬂᬩᭀ
ᬬᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬭᬶᬂᬧᬤᬕᬶᬗᬦ᭄᭞ᬯᬶᬭᬾᬄᬫᬭᬹᬧᬲᬶᬗᬶᬤ᭄᭟ᬯ᭄ᬓᬲᬦ᭄ᬳᬶᬤ᭄ᬯᬕᬸᬂᬭᬳᬶᬬᬫᬧᬸᬢᬸᬲᬦ᭄ᬓᬲᬢ᭄ᬭᬶᬬ᭞ᬗᬲᬾᬗᬶᬦ᭄ᬳᬦᬓ᭄ᬳᬕᬸᬂᬓᬵᬮᬶᬄ᭞ᬧ᭄ᬭᬧᬸᬢ᭄ᬭᬕ᭄ᬬᬜᬃ᭞ᬳᬶᬤᬳᬦᬓ᭄ᬳᬕᬸᬂᬗᬸᬭᬄ᭞ᬫᬲᬋᬗᬦ᭄ᬭᬶᬂᬳᬭᬶ᭞ᬦᬓᬕᬸᬂᬕ᭄ᬥᬾᬭ᭠
ᬓ᭞ᬓᬧᬸᬭᬶᬓᬮᬾᬭᬦ᭄ᬢᬗ᭄ᬓᬶᬮ᭄᭟ᬲᬗᬶᬦᬸᬦ᭄ᬤᬂᬕᬶᬧᬶᬄᬢᬸᬫᬸᬮᬶᬫᬫᬃᬵᬕ᭄ᬕ᭞ᬕᬕ᭄ᬮᬶᬲᬦ᭄ᬧᬋᬓ᭄ᬓᬵᬮᬶᬄ᭞ᬲᬭᬯᬸᬳᬾᬭᬶᬂᬚ᭄ᬭᭀ᭞ᬳᬶᬤ᭄ᬯᬕᬸᬂᬓᬤᬶᬲᬸᬗ᭄ᬓᬯ᭞ᬫᬢ᭄ᬭᬓᬢᬭᬭᬶᬗᬓ᭄ᬱᬶ᭞ᬗ᭄ᬳᬶᬂᬬᬦ᭄ᬋᬲᭂᬧᬂ᭞ᬮ᭄ᬯᬶᬃᬲᬶᬦ᭄ᬯᬫ᭄ᬓᬲᭂᬦ᭄ᬯᬾᬂᬭᬯᬶ᭟
Kaca:Bali-lontar-gaguritan-rereg-gianyar-300ppi.pdf/136
Kaca puniki sampun kauji-wacén
