[᭑᭕᭐150B]
᭑᭕᭐
ᬧᬤᬾᬯᬕᬫ᭄ᬫᬬᬦ᭄ᬧᬸᬦᬶᬓ᭞ᬫᬮᬶᬄᬭᬶᬂᬧᬦᬢᬭᬦ᭄ᬲᬓ᭄ᬯᬢᬶ᭞ᬲᬧᬸᬦᬶᬓᬧᬶᬲᬦ᭄᭞ᬫᬓ᭄ᬭᬡᬚᬕᬢᬾᬮᬦ᭄ᬢᬃ᭞ᬳᬸᬢᬸᬲᬦ᭄ᬢᬦ᭄ᬧ᭄ᬕᬢ᭄ᬲᬳᬶ᭞ᬯ᭄ᬬᬓ᭄ᬢᬶᬭᬯᬾᬬᬦ᭄᭞ᬘᬶᬳ᭄ᬦᬦᬶᬂᬲᬵᬫ᭄ᬧᬸᬦ᭄ᬲᬲᬶᬓᬶ᭟ᬫᬮᬶᬄᬳᬦᬓᬾᬳᬕᬸᬂᬗᬢᭂ᭠
ᬧᬂᬩᬳᭀᬲ᭄᭞ᬓᬭᬗ᭄ᬳᬵᬲᭂᬫ᭄ᬩ᭄ᬘᬶᬓ᭄ᬩᭂᬘᬶᬓ᭄᭞ᬫᬓᬵᬤᬶᬓᬲ᭄ᬮᬕ᭄᭞ᬭᬶᬗ᭄ᬳᬶᬕᬸᬲ᭄ᬢᬶᬦ᭄ᬗᬄᬲᬶᬩ᭄ᬢᬦ᭄᭞ᬗᬾᬮᬶᬗᬶᬦ᭄ᬲᬓᬤᬶᬭᬶᬳᬶᬦ᭄᭞ᬩ᭄ᬯᬢ᭄ᬧᬲᬯᬶᬢ᭄ᬭᬵᬦ᭄᭞ᬯ᭄ᬬᬓ᭄ᬢᬶᬗᬫᬗ᭄ᬕᭂᬳᬂᬲᬫᬶ᭟ᬓᬲᭂᬧᭂᬃᬭᬶᬂᬯᬺᬢ᭄ᬢᬓᬵᬢᬹᬃᬭᬶᬂᬤᬍᬫ᭄
ᬩᬧᬶᬮᬸᬦᬶᬓ᭞ᬫᬶᬯᬄᬭᬶᬂᬲᬂᬭᬢᬸᬩᬗ᭄ᬮᬶ᭞ᬢᬶᬗ᭄ᬓᬳᬾᬭᬶᬂᬕ᭄ᬬᬜᬃ᭞ᬤᬍᬫ᭄ᬭᬗ᭄ᬓᬸᬂᬲᬸᬗ᭄ᬓᬯ᭞ᬳᬧᬦ᭄ᬳᬶᬯᬕ᭄ᬫ᭠ᬓᬲᬫᬶ᭞ᬕ᭄ᬬᬜᬃᬫᬲᬶᬄᬩᬗ᭄ᬮᬶᬦᬾᬲᬮᬄᬢᬫ᭄ᬧᬶ᭟ᬧᬶᬲᬦ᭄ᬫᭂᬦᭂᬂᬬᬦ᭄ᬧᬓ᭄ᬱᬧᬘᬂᬗ᭄ᬭᭀᬤᬳᬂ᭞ᬜᬾᬦ᭄ᬳᬚᬓ᭄ᬫᬦᬦ᭄ᬤᬶ
ᬗᬶᬦ᭄᭞ᬦᬄᬤᭂᬧᬂᬲᬸᬩᬳᬂ᭞ᬧᬦ᭄ᬲᬸᬩᬓᬤᬸᬂᬓᬘᬮ᭄ᬯᬕ᭄᭞ᬚᬦᬶᬚᬸᬫᬸᬦᬶᬦ᭄ᬫᬓᬾᬃᬢ᭄ᬢᬶ᭞ᬦᬵᬗ᭄ᬳᬶᬂᬢ᭄ᬮᬦᬂ᭞ᬤᬲᬸᬳᬸᬤ᭄ᬫᬗᭂᬦᭂᬳᬶᬦ᭄᭟ᬳᬧᬶᬢ᭄ᬯᬳᬤᬧ᭄ᬭᬪᬵᬯᬩᬸᬓᬦᬾᬲᬸᬩ᭞ᬯᬸᬲ᭄ᬭᬸᬲᬓ᭄ᬕ᭄ᬬᬜᬭᬾᬭᬶᬳᬶᬦ᭄᭞ᬕᭂᬦᬶ
[᭑᭕᭑151A]
ᬫᬦ᭄ᬢᬭ᭞ᬗᭂᬲᭂᬂᬵᬧᬸᬭᬮᬸᬗ᭄ᬕᬃᬲᬦ᭞ᬧᬸᬦᬶᬓᬜᬦ᭄ᬤᬂᬓᬾᬃᬢ᭄ᬢᬶᬦᬶᬦ᭄᭞ᬫᬓᬧᬜᬸᬤ᭄ᬥ᭞ᬳᬗ᭄ᬕᬾᬦ᭄ᬫᬫᬬᬸᬄᬕᬸᬫᬶ᭟ᬭᬶᬯ᭄ᬓᬲ᭄ᬲᬶᬂᬜᬳᬤᬲ᭄ᬯᬾᬘ᭄ᬙᬦ᭄ᬤᬾᬯ᭞ᬪᬝᬵᬭᬶᬭᬶᬂᬢᭀᬮᬗ᭄ᬓᬶᬃ᭞ᬲᬶᬤ᭄ᬥᬩᬦ᭄ᬫᬸᬦ᭄ᬤᭂᬭᬂ᭞ᬲᬧᬸᬦ᭄ᬧᬸᬦᬶᬂᬩᬮᬶᬭᬵ᭠
ᬚ᭄ᬬ᭞ᬳᬓᬾᬢᭀᬳᬦ᭄ᬢᬸᬓ᭄ᬫᬗᬾᬲ᭄ᬢᬶ᭞ᬓᬾᬄᬬᬦ᭄ᬢᬸᬢᬸᬭᬂ᭞ᬭᬶᬂᬕ᭄ᬬᬜᬃᬘᬭᬶᬢᬫᬮᬶᬄ᭟ᬓᬲ᭄ᬯᬾᬦ᭄ᬯᬾᬦ᭄ᬢᭂᬦ᭄ᬯᬢᬭᬰᬰᬶᬳᬦ᭄᭞ᬯᬺᬱ᭄ᬧᬢᬶᬧᭀᬦ᭄ᬓ᭄ᬭᬸᬮᬸᬢ᭄ᬭᬶᬂᬗᬹᬦᬶ᭞ᬫᬦᬫ᭄ᬧᬶᬓᬲᬗ᭞ᬢᬗ᭄ᬕᬮ᭄ᬧᬶᬢᬸᬭᬄᬮᬶᬫ᭞ᬢᭂᬗ᭄ᬕᭂ᭠
ᬓᬾᬓᬵᬭᬶᬳᬲᬶᬓᬶ᭞ᬇᬰᬓᬵᬯᬃᬱ᭞ᬲ᭄ᬬᬩᬗ᭄ᬲᬶᬢ᭄ᬮᬶᬫᭀᬮᬲ᭄ᬲᬶᬓᬶ᭟ᬤᬸᬓ᭄ᬧᬸᬦᬶᬓᬗᬦ᭄ᬓᬢᬶᬦ᭄ᬧᬾᬚᬾᬂᬧ᭄ᬭᬤᬾᬰ᭞ᬳᬸᬩᬸᬤ᭄ᬫᬓᬵᬤᬶᬲᬭᬢᬶ᭞ᬫᬸᬗ᭄ᬕᬄᬲᬓᬶᬂᬓ᭄ᬮᭀᬤ᭄᭞ᬲᬓᬶᬂᬓᬳᬸᬄᬧᬮ᭄ᬬᬢᬦ᭄᭞ᬕ᭄ᬬᬜᬃᬃᬫᬸᬗ᭄ᬕᬄᬲ᭠
ᬓᬶᬂᬓᬗᬶᬦ᭄᭞ᬲᬶᬓᭂᬧ᭄ᬢᭂᬕᬮ᭄ᬮᬮᬂ᭞ᬫᬜᬵᬦ᭄ᬤᬶᬂᬢᬫ᭄ᬧᬓ᭄ᬱᬶᬭᬶᬂ᭟ᬲᬓᬾᬂᬓᬮᬾᬃᬦ᭄ᬳᭂᬃᬫᬦᭀᬤᭀᬲ᭄ᬗᭂᬮᭀᬤᬂ᭞ᬫᬜ᭄ᬘᬯᬃᬡ᭄ᬦᬩ᭄ᬮᬸᬲᬂᬲᬦ᭄ᬤᬶᬂ᭞ᬲᬫᬶᬲᬵᬫ᭄ᬧᬸᬦ᭄ᬓᬮᬄ᭞ᬭᬫ᭄ᬬᬗᬤᬓᬂᬬᬸᬤ᭄ᬥ᭞ᬮ᭄ᬯᬶᬃᬕ᭄ᬮᬧ᭄ᬲ᭄ᬯᬭᬦᬶᬂᬩ᭄ᬥᬶᬮ᭄᭞ᬫ᭄ᬯᬂᬢᬢᬩᬸ
Kaca:Bali-lontar-gaguritan-rereg-gianyar-300ppi.pdf/151
Kaca puniki sampun kauji-wacén
