[᭑᭕᭑151B]
᭑᭕᭑
ᬳᬦ᭄᭞ᬲᬹᬃᬬ᭄ᬬᬓ᭄ᬓᬭᬸᬩ᭄ᬯᬶᬮᬗᬶᬢ᭄᭟ᬢᬪᬶᬦᬯᬧᬫᬹᬓ᭄ᬳᬸᬩᬸᬤ᭄ᬲᬓᬶᬂᬓ᭄ᬮᭀᬤ᭄᭞ᬓᬸᬫᬭᬸᬢᬸᬕ᭄ᬲ᭄ᬯᬭᬦᬶᬂᬩ᭄ᬥᬶ᭠ᬮ᭄᭞ᬢ᭄ᬫᭀᬦ᭄ᬓᬤᬸᬗ᭄ᬓᬧ᭄᭞ᬫᬘᭂᬧᬸᬓ᭄ᬲᬋᬂᬕ᭄ᬬᬜᬃ᭞ᬭᬳᬸᬄᬓᬧᬗ᭄ᬮᬳᬦ᭄ᬩᬲ᭄ᬫᬶ᭞ᬭᬫ᭄ᬬᬢᬂᬬᬸᬤ᭄ᬥ᭞ᬳᬤᭂᬤᭂᬲ᭄ᬲᬜ᭄ᬚ
ᬢᬵᬕᬢᬶᬓ᭄᭟ᬯᬗᬸᬦ᭄ᬲᬵᬕᬭᬧᬗ᭄ᬓᬢᬾᬲᬧᬶᬲᬦ᭄᭞ᬧᬢ᭄ᬫᭀᬦᬾᬲᬵᬫ᭄ᬧᬸᬦ᭄ᬓᭂᬦᬶ᭞ᬫᬦᭀᬤᭀᬲ᭄ᬗᬮᬾᬭᬂ᭞ᬩᬶᬮᬂᬤᬗ᭄ᬓᬗᬤᬓ᭄ᬬᬸᬤ᭄ᬥ᭞ᬓ᭄ᬮᬸᬲᬲᬯᬕᬸᬦᬸᬂᬓ᭄ᬦᬶ᭞ᬭᬳᬸᬄᬘᬕᬳᬦ᭄᭞ᬓᬸᬫᬸᬮᬶᬓᬚᬭᬳᬶᬦ᭄᭟ᬲ᭠
ᬓ᭄ᬮᭀᬤ᭄ᬓᬮᬄᬧᬮ᭄ᬬᬢᬦ᭄ᬲᬵᬫ᭄ᬧᬸᬦ᭄ᬫᬬᬸᬤ᭄ᬥ᭞ᬢᬢᬾᬳᬧᬶᬦᬾᬳᬸᬘᬧᬶᬦ᭄᭞ᬳᬶᬤᬘᭀᬓᭀᬃᬤᬲᬸᬤ᭄ᬥ᭞ᬓᬗ᭄ᬳᬾᬮᬦ᭄ᬫ᭄ᬭᬲᬫᬗ᭄ᬮᬯᬦ᭄᭞ᬓᬳᬫᬸᬓ᭄ᬫᬸᬲᬸᬳᬾᬓᬗᬶᬦ᭄᭞ᬓᬳᬸᬄᬗᬫᬭᬬᬂ᭞ᬳᬫᬹᬓ᭄ᬓᬮᬾᬃᬓᭂ
ᬮᭀᬤ᭄ᬫᬗᭂᬢᬹᬢ᭄ᬩᬸᬭᬶ᭟ᬓᬤᬶᬘᬦ᭄ᬤᬾᬦ᭄ᬓᬧᬶᬦᭂᬄᬭᬶᬂᬧᬓᬬᬸᬦᬦ᭄᭞ᬧᬢᬸᬮᬸᬂᬩᬗ᭄ᬮᬶᬕᬢᬶᬦ᭄᭞᭠ᬲᭀᬓ᭄ᬓᬭᬶᬧᭀᬦ᭄ᬤᭀᬓᬦ᭄᭞ᬩᬶᬦ᭄ᬢᬂᬤᬦᬸᬩᬢᬹᬃᬩᬦ᭄ᬢᬂ᭞ᬲ᭄ᬩᭂᬗᬾᬧᬥᬧᬓ᭄ᬮᬶᬤ᭄ᬓᬶᬤ᭄᭞ᬫ᭄ᬭᬲᬓᬸᬘᬶᬯ᭞ᬳᬸᬧᬫ
[᭑᭕᭒152A]
ᬢ᭄ᬗᬳᬶᬂᬤᬸᬗ᭄ᬓᬶ᭟ᬧᬓ᭄ᬭᭀᬲᭀᬓ᭄ᬢ᭄ᬯᬭᬓᬃᬯᬦ᭄ᬚᬮᬗᬦ᭄᭞ᬓ᭄ᬦᭂᬳᬾᬫᬢᬸᬂᬢᬸᬂᬳ᭄ᬭᬶ᭞ᬗ᭄ᬢᭀᬃᬬᬸᬢ᭠ᬦ᭄᭞ᬢᬸᬫ᭄ᬩᬓᬾᬫᬳᭀᬕᬭᬦ᭄᭞ᬫᬫᬸᬜᬶᬓᬩᬶᬮ᭄ᬩᬶᬮ᭄ᬩᬶᬮ᭄ᬩᬶᬮ᭄᭞ᬫ᭄ᬭᬲᬭᬶᬂᬫᬦᬄ᭞ᬲᬶᬩᬸᬳᬸᬗᬦ᭄ᬩᬜᬫᬵᬢᬶ᭟ᬘᭀ
ᬓᭀᬃᬤᬲᬸᬤ᭄ᬥᬧᬧᬶᬦᭂᬳᬾᬳᬫᬗ᭄ᬓᬶᬦ᭄ᬫᬫᬶᬲᬦ᭄᭞ᬦᬭᬶᬲᬂᬓᬵᬭᬶᬪᬓ᭄ᬢᬶ᭞ᬦᬄᬚᬦᬶᬩᬢᭂᬓᬂ᭞ᬳᬫᬹᬓ᭄ᬢᭂᬓᭂ᭠ᬤ᭄ᬓᬕ᭄ᬬᬜᬃ᭞ᬳᬢᬸᬭᬾᬧᬥᬫᬗᬶᬭᬶᬂ᭞ᬭᬭᬶᬲ᭄ᬫᬫᬃᬵᬕ᭄ᬕ᭞ᬧᬫᬹᬓᬾᬢᬦ᭄ᬕᬶᬕᬶᬲᬶᬦ᭄᭟ᬢᬹᬃᬫᬲᬹᬃᬬ᭄ᬬᬓ᭄ᬗ᭄ᬳᬶᬂᬢᭀᬂᬧᭀ᭠
ᬮᬶᬄᬫᬢᬗᬄ᭞ᬧᬗᭂᬦᭂᬫ᭄ᬩ᭄ᬮᬲᬦ᭄ᬳᬸᬩᬸᬤ᭄ᬳᬸᬗ᭄ᬲᬶ᭞ᬫᬶᬫᬶᬲ᭄ᬓᬤᬶᬯᬃᬱ᭞ᬳᬶᬭᬶᬗᬦᬾᬧᬚᬸᬮᬾᬫ᭄ᬧᬂ᭞ᬲᬗ᭄ᬓᬮ᭠ᬧᬸᬧᬸᬦᬾᬓᬦᬶᬦ᭄᭞ᬗ᭄ᬳᬶᬂᬓ᭄ᬦᬶᬲᬸᬗ᭄ᬕ᭞ᬫᬤᬾᬧᬾᬂᬫᬦ᭄ᬢᬸᬓ᭄ᬓᬧᬸᬭᬶ᭟ᬇᬭᬶᬓᬵᬳᬶᬤᬲᬸᬫᬶᬗ᭄ᬓᬶᬦ᭄ᬫ᭄ᬭᬲᬓᬸᬘᬶᬯ᭞ᬯᬾᬢ᭄ᬦᬶᬂᬓᬲᬶ
ᬲᬦ᭄ᬢᬦ᭄ᬤᬶᬂ᭞ᬗᬦ᭄ᬤᬶᬓᬳᬂᬦᬩ᭄ᬤᬩᬂ᭞ᬧᬭᬳᬶᬲ᭄ᬢ᭄ᬭᬶᬦᬾᬓᬧᬸᬭ᭞ᬕ᭄ᬮᬶᬲ᭄ᬗᬢᬸᬭᬶᬦ᭄ᬳᬶᬳᬚᬶ᭞ᬘᭀᬓᭀᬃᬤᬳᬜ᭄ᬘᬕ᭄᭞ᬭᬭᬸᬤ᭄ᬗᬸᬗ᭄ᬲᬶᬓᬩᬗ᭄ᬮᬶ᭟ᬓᬤᬶᬜᭂᬮ᭄ᬲᭂᬮ᭄ᬧᬲᬳᬸᬭᬾᬘᭀᬓᭀᬃᬤᬳᬜ᭄ᬘᬕ᭄᭞ᬕ᭄ᬥᬾᬢ᭄ᬯᬭᬦᬸᬳᬸᬢᬂᬫᬸᬜᬶ᭞᭠
Kaca:Bali-lontar-gaguritan-rereg-gianyar-300ppi.pdf/152
Kaca puniki sampun kauji-wacén