[᭑᭕᭕155B]
᭑᭕᭕
ᬮᬶᬫᬢᭂᬗ᭄ᬕᭂᬓ᭄ᬢᬸᬗ᭄ᬕᬮ᭄᭞ᬧᬤᬾᬯᬰᬦ᭄ᬜᬦᬾᬧᬲ᭄ᬢᬶ᭞ᬇᬰᬓᬵᬯᬃᬱ᭞ᬲ᭄ᬬᬩᬗ᭄ᬲᬶᬢ᭄ᬮᬶᬫᭀᬮᬲᬶᬓᬶ᭟ᬤᬸᬓ᭄ᬧᬸᬦᬶᬓᬧᬩᬮᬶᬓ᭄ᬢᬮᬶᬓᬸᬧ᭄ᬮᬦ᭄ᬲᬶᬤᬦ᭄᭞ᬕ᭄ᬬᬜᬃᬲᭀᬓ᭄ᬘᬶᬳ᭄ᬦᬯ᭄ᬬᬓ᭄ᬢᬶ᭞ᬧᭀᬦ᭄ᬤᭀᬓᬦ᭄ᬩᬗ᭄ᬮᬶᬦᬾᬩᬸᬗ᭄ᬓᬄ᭞ᬩᬸᬦ᭄ᬢᭂᬃᬮᬶᬮᬶᬄ᭠
ᬗᬤᬸᬫ᭄ᬧ᭄ᬮᬂ᭞ᬯᬾᬦ᭄ᬢᭂᬦ᭄ᬗᭂᬘᬕᬂᬓᬸᬮᬫ᭄ᬩᬶ᭞ᬩ᭄ᬓᭂᬮ᭄ᬫᬓᬶᬲ᭞ᬗᬸᬢᬂᬳᭀᬩᬢ᭄ᬢᬸᬫ᭄ᬩᬓ᭄ᬫᬶᬫᬶᬲ᭄᭟ᬢᬦ᭄ᬧᬵᬯᬦ᭄ᬬᬸᬤ᭄ᬥ᭠ᬭᬾᬄᬫᬓᬶᬧᭂᬓ᭄ᬚᬮᬦ᭄ᬫᬸᬮ᭞ᬧᬭᬳᬕᬸᬂᬩᬗ᭄ᬮᬶ᭞ᬩ᭄ᬗᭀᬂᬫᬩᬮᬶᬄ᭞ᬲᬓᬶᬂᬩᬸᬓᬶᬢ᭄ᬕᬸᬮ᭄ᬬᬂ᭞ᬧᬤᭂᬗᭀᬓ᭄ᬫᬶᬭᬶᬩ᭄ᬫᭂᬤᬲᬂ᭞ᬢ᭄ᬯ᭠
ᬭᬓᭀᬩ᭄ᬯᬶᬦ᭄ᬜᬕ᭄ᬚᬕᬶᬦ᭄᭞ᬓᬸᬤ᭄ᬬᬂᬗᬍᬲᬂ᭞ᬧ᭄ᬭᬕᬢ᭄ᬲᬶᬤ᭄ᬥᬲᬭᬚᬦᬶ᭟ᬬᬦ᭄ᬲᬯᬗᬂᬧᬗᬗᭂᬦ᭄ᬩᬗ᭄ᬮᬶᬦᬾᬓᭀᬘᬧ᭄᭞ᬢᬦ᭄ᬪᬶᬦᬬᬦ᭄ᬓᬤᬶᬲᬶᬫ᭄ᬲᬶᬫ᭄᭞ᬮᬓ᭄ᬢᬶᬓ᭄ᬫᬶᬭᬄᬦ᭄ᬬᬓᭀᬭᬶᬘᬗ᭄ᬓᭀᬓ᭄ᬜᬦᬾᬳᭂᬗ᭄ᬕᬂ᭞ᬤᬶᬚᬚᬦᬶᬭᬸᬭᬸᬄᬳᬮᬶᬄ᭞ᬬ
ᬦ᭄ᬲᬶᬄᬚᭂᬗᬳᬂ᭞ᬢᬸᬮ᭄ᬬᬩᬤᬯᬂᬗᬹᬦᬶ᭟ᬲᬧᬸᬦᬶᬓᬧ᭄ᬘᬓ᭄ᬲᬳᬶᬦ᭄ᬤᬶᬓᬾᬭᬶᬂᬓᬸᬦ᭞ᬫᬓᬳᬯᬶᬦᬦ᭄ᬲᬶᬤᬦ᭄ᬓ᭄ᬦᬶ᭞ᬗᬯᬸᬮᬳᬓᬕ᭄ᬬᬜᬃ᭞ᬦᭂᬗᬂᬘᬭᬶᬢᬧᬸᬦᬶᬓ᭞ᬢᬸᬢᬸᬭᬂᬲᬢ᭄ᬯᬦᬾᬫᬮᬶᬄ᭞ᬧᬸᬦᬸᬓᬸᬃᬧᬸᬦᬶᬓ᭞ᬓ᭄ᬭᬡᬤᬰᬤᬾᬰ᭠
[᭑᭕᭖156A]
ᬦᬾᬓ᭄ᬦᬶ᭟ᬓᬲ᭄ᬯᬾᬦ᭄ᬲ᭄ᬯᬾᬦ᭄ᬳᬶᬤᬾᬯᬧᬸᬢᬸᬚᬼᬧᬸᬂᬭᬶᬂᬧᬾᬢᬓ᭄᭞ᬭᬯᬸᬄᬲᬓᬶᬂᬓᬧᬶᬲᬶᬲᬶᬧ᭄᭞ᬫᬗᬸᬗ᭄ᬲᬶᬓᬕ᭄ᬬᬜᬃ᭞ᬧ᭄ᬘᬓ᭄ᬫᬕ᭄ᬦᬄᬭᬶᬂᬢ᭄ᬭᬸᬜᬦ᭄᭞ᬓᬩᬳᭀᬲ᭄ᬓᭀᬘᬧ᭄ᬭᬶᬂᬩᬗ᭄ᬮᬶ᭞ᬫᬤᬶᬗᬂᬚᬕᬢ᭄᭞ᬓ᭄ᬭᬡᬦᬾᬓᬧᬶᬲᬶᬲᬶᬧ᭄᭟ᬧ᭄ᬭᬬᬓᬭ᭄ᬯᬓ᭄ᬫᬮ᭠
ᬳᬶᬩ᭄ᬲᬫ᭄ᬩᬶᬮᬂᬫᬬᬸᬤ᭄ᬥ᭞ᬋᬜᬄᬜᬸᬄᬥᬥᬕᬶᬕᬶᬭ᭄᭞ᬢ᭄ᬕᭂᬕ᭄ᬳᬶᬘ᭄ᬙᬦ᭄ᬤᬾᬯ᭞ᬤᬤᬶᬭᬳᬸᬄᬓᬕ᭄ᬬᬜᬃ᭞ᬲᬋᬂ᭠ᬲᬫ᭄ᬢᭀᬦᬾᬲᬫᬶ᭞ᬭᬩᬶᬫ᭄ᬯᬂᬳᭀᬓ᭞ᬯᬲ᭄ᬢ᭄ᬭᬲᬾᬢ᭄ᬲᬾᬢ᭄ᬧᬲᬸᬭᬦ᭄ᬢᬶᬂ᭟ᬲᬭᬸᬳᬸᬳᬾᬭᬶᬂᬕ᭄ᬬᬜᬃᬳᬦᬓᬾᬳᬕᬸᬂᬢᬦ᭄ᬲᬶ᭠
ᬧᬶᬋᬡ᭞ᬫᬜ᭄ᬘᬧᬗᬋᬧ᭄ᬲᬓᬶᬂᬭᬶᬳᬶᬦ᭄᭞ᬫᬸᬮᬢᬩᭂᬂᬯᬶᬚᬂ᭞ᬧᬶᬭᬂᬓᬵᬮᬲ᭄ᬯᬾᬭᬶᬂᬕ᭄ᬬᬜᬃ᭞ᬧᬜ᭄ᬚᬓ᭄ᬜᬦᬾᬲᬶᬮᬶᬩ᭄ᬧ᭄ᬭᬧ᭄ᬢᬶ᭞ᬗᬢᬸᬭᬶᬦ᭄ᬩᬸᬤᬮ᭄᭞ᬫᬗᬚᬓᬶᬦ᭄ᬫᬩᬮᬶᬓ᭄᭟ᬤᬾᬯᬧ᭄ᬢᬓ᭄ᬲᬵᬫ᭄ᬧᬸᬦ᭄ᬳᬦ᭄ᬤᭂᬮ᭄ᬧᬓᬬᬸᬦᬦ᭄᭞ᬪᬓ᭄ᬢᬶᬦ᭄ᬧᬜ᭄ᬚ
ᬓ᭄ᬦ᭄ᬬᬲᬫᬶ᭞ᬭᬭᬶᬲ᭄ᬗᬸᬦᬶᬗ᭄ᬳᬬᬂ᭞ᬭᬶᬬᬶᬂᬳᬦᬓᬾᬳᬕᬸᬂᬭᬶᬂᬕ᭄ᬬᬜᬃ᭞ᬳᬦᬓᬾᬳᬕᬸᬂᬗᬃᬱᬦᬶᬦ᭄᭞ᬭᬭᬶᬲ᭄ᬦᬩ᭄ᬤᬩᬂ᭞ᬧᬘᬂᬧᬵᬗ᭄ᬓᬢᬾᬕ᭄ᬮᬶᬲ᭄᭟ᬗᭂᬲᬾᬗᬶᬦ᭄ᬭᬓᬭᬳᬶᬫᬜ᭄ᬘᬧᬸᬗ᭄ᬕᬯ᭞ᬦᭂᬤᬸᬦᬂᬧᬜ᭄ᬚᬓ᭄ᬲᬫᬶ᭞ᬲᬯᬯᭂᬗ᭄ᬓᭀᬦ᭄
Kaca:Bali-lontar-gaguritan-rereg-gianyar-300ppi.pdf/156
Kaca puniki sampun kauji-wacén
