[᭑᭕᭘158B]
᭑᭕᭘
ᬢᭂᬤᬸᬂᬕᬤᬳᬓᬢᬶᬄ᭞ᬧᬗᬯᬶᬦᬾᬓᭂᬫ᭄ᬩᬭ᭄᭞ᬢᬦ᭄ᬤᭀᬄᬭᬶᬂᬧᬘᬦᬗᬦ᭄᭞ᬲ᭄ᬯᬪᬵᬯᬫᭂᬗ᭄ᬕᭂᬧ᭄ᬭᬲᬳᬢᬶ᭞ᬧ᭄ᬭᬫᬾᬦᬓ᭄ᬫᬜ᭄ᬘ᭞ᬧ᭄ᬭᬩ᭄ᬓᭂᬮ᭄ᬧᬥᬫᬸᬗ᭄ᬓᬸᬭᬶᬦ᭄᭟᭜᭟ᬧᬗ᭄ᬓᬸᬃ᭟᭜᭟ᬳᬗᭀᬩ᭄ᬫᬢᬦᬾᬗᬦ᭄ᬢᭂᬦᬂ᭞ᬢᬾᬚᬦ᭄ᬲᬹᬃᬬ᭄ᬬᬋᬲᭂ᭠
ᬧ᭄ᬋᬲᬶᬧᬶᬗ᭄ᬳᬳᬢᬶ᭞ᬮ᭄ᬯᬶᬃᬳ᭄ᬬᬗᬶᬂᬧᬸᬭᬶᬫᬯᬦ᭄ᬢᬸᬦ᭄᭞ᬚ᭄ᬦᭂᬓ᭄ᬫᬮᬶᬗ᭄ᬕᬶᬄᬭᬶᬂᬧ᭄ᬭᬚᬦ᭄ᬫ᭄ᬭᬲᬓ᭄ᬜᬶᬂ᭞ᬧᬸᬦᬧᬶᬲᭂᬫᬗᬶᬦ᭄ᬓᬬᬸᬦ᭄᭞ᬲᬳᬯᬶᬤ᭄ᬥᬶᬯᬶᬤᬦ᭞ᬕᭂᬂᬵᬋᬡᬲᬶᬦᬧᬸᬭᬶ᭟ᬓᬤᬶᬳᬶᬢᭀᬕᭀᬕ᭄ᬢᭀᬕᭀᬕᬦ᭄᭞ᬳᬧᬶᬢ᭄ᬮᬯᬂᬭᬲᬓ᭄ᬜᭂᬫ᭄ᬓ᭄ᬜᬶᬃᬓ᭄ᬜᬶᬃ᭞ᬯᬶᬭᬾᬄ
ᬧᬗᬶᬲ᭄ᬢᬶᬢᬶᬦᬾᬲᬵᬫ᭄ᬧᬸᬦ᭄᭞ᬲᬶᬤ᭄ᬥᬓᬢ᭄ᬓᬦᬶᬂᬲᬤ᭄ᬬ᭞ᬓᬤᬶᬫᬗ᭄ᬓᬶᬦ᭄᭞ᬳᬦᬓᬾᬳᬕᬸᬂᬫᬯᬦ᭄ᬢᬸᬦ᭄᭞ᬓᬸᬤᬂᬢᬶ᭠ᬩᬦ᭄ᬩᬦ᭄ᬫᬢᬧ᭞ᬓᬧᬸᬢ᭄ᬮᬸᬫᬸᬢ᭄ᬢᬸᬮ᭄ᬢᬸᬮ᭄ᬧᬸᬢᬶᬄ᭟ᬦᬾᬫᬗ᭄ᬓᬶᬦᬲ᭄ᬫᬸᬕᬃᬚ᭄ᬚᬶᬢᬓᬵᬭᬶᬳᬕᬸᬂ᭞ᬤᬸᬫᬶᬮᬄᬩᬭᬓ᭄ᬫᬗᭂᬦ᭄ᬤᬶᬄ᭞ᬢ
ᬍᬃᬗᬾᬲ᭄ᬢᬶᬳᬦᬓᬕᬸᬂᬬᬦ᭄ᬢᬦ᭄ᬓᬢ᭄ᬓᬦᬶᬂᬲᬤ᭄ᬬ᭞ᬍᬳᭂᬃᬫᬵᬢᬶ᭞ᬲᬧᬲᬶᬭᬗᬧᬳᬬᬸ᭞ᬢᬦᬸᬭᬸᬂᬕ᭄ᬮᬸᬂᬮᬸᬓᬃ᭞ᬓ᭄ᬭᬡᬩᭂᬗᭀᬂᬲᬲᬳᬶ᭟ᬲᬗ᭄ᬓᬦ᭄ᬫᬓᬶᬢᬫᬗᭂᬦᬂ᭞ᬍᬫ᭄ᬩᬸᬳᬕᬸᬂᬩᭂᬗᭀᬂᬬᬫᬭᬲᬲᭂᬤᬶᬄ᭞ᬫᬗ᭄ᬓᬶᬦ᭄ᬓᬲᬶᬤ᭄ᬥᬦᬶᬂᬮᬓᬸ᭞ᬓ
[᭑᭕᭙159A]
ᬤᬶᬧᬗᬾᬲ᭄ᬭᬶᬦᬶᬂᬫᬦᬄ᭞ᬯᬯᬸᬓ᭄ᬜᬶᬂ᭞ᬩᬭᬓ᭄ᬰᬭᬶᬦᬾᬍᬫᬸᬄ᭞ᬩᭀᬬᬳᬶᬩᬮᬾᬧᬕᬫ᭄ᬩᬸᬳᬦ᭄᭞ᬗᬭᬸᬗ᭄ᬓᬸᬕ᭄ᬲᬢᬢᬲᭂᬤᬶᬄ᭟ᬩᬮᬾᬢ᭄ᬕᭂᬳᬾᬫᬲᭂᬧᬓ᭄᭞ᬬᬫᬦᭂᬗᭀᬓ᭄ᬳᬗᬤᬂᬭᬶᬂᬲᬫ᭄ᬧᬶᬂᬫᬃᬵᬕ᭄ᬕᬶ᭞ᬫᬫᭂᬦ᭄ᬤᬓ᭄ᬲᬂᬩᬳᬸᬭᬳᬸᬄ᭞ᬬ
ᬦ᭄ᬋᬲᭂᬧᬂᬭᬶᬂᬫᬦᬄ᭞ᬚ᭄ᬭᬶᬄᬓᬲᬾᬧᬦ᭄᭞ᬫᬦᬶᬜ᭄ᬚᬶᬓᬸᬓᬶᬭᬦ᭄ᬧᬸᬧᬸᬄ᭞ᬬᬦ᭄ᬢᬦ᭄ᬩᬮᬾᬕᭀᬂᬦᭂᬲᭂᬓᬂ᭞ᬳᬶᬤᬩ᭄ᬮᬩᬸ᭠ᬳᬫ᭄ᬧᬸᬳᬂᬳᬗᬶᬦ᭄᭟ᬧᬕᭀᬘᭀᬄᬳᬶᬘᬦ᭄ᬤᬶᬭᬭᬲ᭄᭞ᬚᬦ᭄ᬢᭀᬲ᭄ᬩᭂᬮᬲ᭄ᬬᬫᬲᬶᬮᬶᬳᬲᬶᬄ᭞ᬓᬦ᭄ᬢᬶᬓᬸᬭᬧ᭄ᬳ᭄ᬩᬸᬢ᭄ᬮᬸ᭠
ᬫᬸᬓ᭄᭞ᬳᭀᬮᬲ᭄ᬳᬶᬲᬶᬗ᭄ᬳᬦᬧ᭞ᬫᬶᬢᬸᬢᬸᬭᬶᬦ᭄᭞ᬗᬶᬤᬓᬾᬢᭀᬘᬳᬶᬩᬕᬸᬲ᭄᭞ᬮᬦ᭄ᬩᬋᬂᬳᬲ᭄ᬢᬧᬳᬂ᭞ᬫᬦᬢᬓᬶᬦ᭄ᬩᬸᬓᬚᬦᬶ᭟ᬢᭀᬂᬩᬶᬲᬩᭀᬍᬩᬂᬤᬸᬄᬓᬶᬢ᭞ᬧᬸᬦ᭄ᬯᬦ᭄ᬢᬶᬮᬦ᭄ᬩᬶᬭᬫᬳᬕᬸᬂᬳᬗᭂᬜ᭄ᬚᬶᬓ᭄᭞ᬳᬸᬧᬫᬓᭂ
ᬦ᭄ᬤᬂᬗᬭᬸᬤᬸᬕ᭄᭞ᬫᬸᬜᬶᬖᭀᬭᬫᬗᬮᬸᬗ᭄ᬕᬂ᭞ᬩᭂᬗᭀᬂᬜᭀᬧᬓ᭄᭞ᬢᬦ᭄ᬭᬸᬗᬸᬭᬶᬂᬳᬦᬓ᭄ᬮ᭄ᬬᬸ᭞ᬢ᭄ᬯᬭᬗᬾᬤᬍᬫᬂᬳᬯᬓ᭄᭞ᬳᬤᬜᭂᬓ᭄ᬚᭂᬓ᭄ᬮᬾᬦ᭄ᬦᭂᬕᬓᬶᬦ᭄᭞ᬓᬤᬶᬓᬬᬸᬯᬦ᭄ᬤᬶᬭ᭞ᬫᬸᬮᬧ᭄ᬭᬚ᭄ᬜᬦ᭄᭞ᬩᬶᬲᬜᬾᬍᬩᬂᬲᭂᬤᬶᬄ᭞
Kaca:Bali-lontar-gaguritan-rereg-gianyar-300ppi.pdf/159
Kaca puniki sampun kauji-wacén
