[᭒᭒22B]
᭒᭒
ᬢ᭄ᬳᬦ᭄ᬢᬸᬓ᭄ᬫᬫᬶᬦᭂᬳᬂ᭞ᬬᬦ᭄ᬲᬵᬫ᭄ᬧᬸᬦ᭄ᬤᬤᭀᬲ᭄ᬳᬲᬶᬓᬶ᭞ᬕ᭄ᬮᬶᬲᬂᬗᬶᬭᬶᬂᬫᬫᬃᬵᬕ᭄ᬕᬶ᭞ᬫᬸᬂᬧᬸᬂᬲᬗ᭄ᬓᬦ᭄ᬲᬵᬫ᭄ᬧᬸᬦ᭄ᬤᬬᬸᬄ᭞ᬧᬗᬶᬭᬶᬂᬲᬵᬫ᭄ᬧᬸᬦ᭄ᬫᬘᬤᬂ᭞ᬚᬸᬭᬸᬕᬬᭀᬢ᭄ᬫᬸᬯᬂᬧᬗᬯᬶᬦ᭄᭞ᬓᬸᬤ᭄ᬥᬲᬵᬫ᭄ᬧᬸᬦ᭄᭞ᬓᬵᬭᬶᬜᬦ᭄ᬢᭀᬲ᭄ᬭᬶᬂᬩᬜ᭄ᬘᬶ᭠
ᬗᬄ᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬵᬕ᭄ᬕ᭞ᬗᬫᬃᬵᬕ᭄ᬕᬶᬦᬶᬦ᭄ᬓᬧᬲᬶᬲᬶ᭞ᬓᬢᬄᬧᬜ᭄ᬚᬓᬾᬧᬤ᭄ᬗᭀᬓ᭄᭞ᬫᬫᬦ᭄ᬢᭂ᭠ᬕ᭄ᬢᬗ᭄ᬓᬄᬫᬗ᭄ᬮᬶᬂ᭞ᬮᬾᬦ᭄ᬯᬾᬦ᭄ᬢᭂᬦ᭄ᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞ᬓᬗᭂᬦ᭄ᬭᬶᬂᬳᬦᬓᬾᬳᬕᬸᬂ᭞ᬳᬮᬶᬢ᭄ᬳᬮᬶᬢ᭄ᬳᬶᬲ᭄ᬢ᭄ᬭᬶᬳᬦᭀᬫ᭄᭞ᬲᬫᬶᬧᬥ
ᬳᬲ᭄ᬫᬸᬢᬗᬶᬲ᭄᭞ᬫᬓᬓᬸᬤᬸᬂ᭞ᬬᬦ᭄ᬲᬯᬗᬂᬫᬶᬭᬶᬩ᭄ᬲᬢ᭄ᬬ᭟ᬳᬓᬾᬄᬋᬓᬾᬬᬦᬸᬘᬧᬂ᭞ᬢᬶᬗ᭄ᬓᬄᬳᬦᬓᬾᬫᬩᬮᬶᬄ᭞ᬩ᭄ᬗᭀᬂᬓᬗᭂᬦ᭄ᬫᬤ᭄ᬓᭂᬲᬦ᭄᭞ᬢᬦ᭄ᬓᭀᬘᬧ᭄ᬧᬸᬦᬶᬓᬫᬮᬶᬄ᭞ᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂᬓᬗᬶᬦ᭄᭞ᬕ᭠
ᬕ᭄ᬮᬶᬲᬦ᭄ᬲᬵᬫ᭄ᬧᬸᬦ᭄ᬭᬳᬸᬄ᭞ᬭᬶᬂᬧᬸᬭᬶᬩᬜ᭄ᬚᬭᬗ᭄ᬓᬦ᭄᭞ᬲᬸᬫᬶᬗ᭄ᬓᬶᬦᬸᬫ᭄ᬬᬂᬓᬂᬢᬗᬶᬲ᭄᭞ᬓᬤᬶᬕᬸᬦ᭄ᬢᬸᬃ᭞ᬫᬳᬸ᭠ᬭᬳᬦ᭄ᬢᭂᬓᭀᬂᬚᬩ᭞ᬳᬶᬤᬳᬦᬓ᭄ᬳᬕᬸᬂᬗᬸᬭᬄ᭞ᬫᬧᬧᬸᬗᬸᬭᬶᬂᬳᬶᬳᬚᬶ᭞ᬧᬘᬂᬗᬫᬃᬵᬕ᭄ᬕ᭄ᬬᬂᬳᬸᬢᬸᬲᬦ᭄᭞ᬭᬶᬂᬳᬶᬤ
[᭒᭓23A]
ᬲᬂᬫᬸᬢᭂᬃᬩᬮᬶ᭞ᬓᬧᬵᬢᬹᬢ᭄ᬧᬭᬳᬶᬲ᭄ᬢ᭄ᬭᬶ᭞ᬧᬘᬂᬧ᭄ᬥᭂᬓ᭄ᬓᬓ᭄ᬮᬸᬂᬓᬸᬂ᭞ᬳᬦᬓ᭄ᬳᬕᬸᬂᬢᬦᬧᬜ᭄ᬚᬂ᭞ᬓ᭄ᬦᬶᬧᬵᬢᬹ᭠ᬢᬾᬫᬃᬵᬕ᭄ᬕᬶᬦᬶᬦ᭄᭞ᬩ᭄ᬬᬓ᭄ᬢᬦ᭄ᬫᬸ᭞ᬲᭀᬢᬦᬶᬂᬥᬃᬫ᭄ᬫᬗᬯᬸᬮ᭟ᬫᬮᬶᬄᬗᬜ᭄ᬘᬗᬂᬫᬫᬃᬵᬕ᭄ᬕ᭞ᬧᬗᬋᬧ᭄ᬳᬶᬲ᭄ᬢ᭄ᬭᬶᬓᬓᬵ
ᬮᬶᬄ᭞ᬩ᭄ᬬᬂᬳᬦᬓ᭄ᬳᬕᬸᬂᬗᬸᬭᬄ᭞ᬫᬫᬦ᭄ᬢᭂᬕ᭄ᬧᬸᬧᬸᬫᬦᬗᬶᬲ᭄᭞ᬧᬸᬢᬸᬦᬾᬧᬧᬲᬶᬳᬶᬦ᭄᭞ᬦᬕᬶᬄᬦᬸᬢᬸᬕ᭄ᬓᬓ᭄ᬮᬸᬂᬓᬸᬂ᭞ᬳᬦᬓ᭄ᬳᬕᬸᬂᬩ᭄ᬬᬂᬳᭀᬓ᭞ᬲᬋᬂᬗᬫ᭄ᬩᬶᬮ᭄ᬫᬧᬲᬶᬳᬶᬦ᭄᭞ᬗᬯᬾᬮᬦ᭄ᬢᬸᬤ᭄᭞ᬢᬦ᭄ᬯᬸᬲᬦ᭄ᬫᬢᬢ
ᬗᬶᬲᬦ᭄᭟ᬧᬗᬶᬭᬶᬂᬲᬵᬫ᭄ᬧᬸᬦ᭄ᬫᬘᬤᬂ᭞ᬦᬾᬗᬫᭀᬂᬢᭂᬤᬸᬂᬧᬗᬯᬶᬦ᭄᭞ᬲᬫᬶᬧᭂᬧᭂᬓ᭄ᬚᬸᬭᬸᬕᬬᭀᬢ᭄᭞ᬫ᭄ᬥᬮ᭄ᬗ᭄ᬭᬭᬶᬲ᭄ᬫᬫᬃᬵᬕ᭄ᬕᬶ᭞ᬫᬗᭂᬫ᭄ᬩᭂᬂᬢᭀᬬᬦ᭄ᬳᬓ᭄ᬱᬶ᭞ᬫᬜᭂᬮ᭄ᬲᭂᬮ᭄ᬭᬕᬭᬶᬂᬓᬬᬸᬦ᭄᭞ᬦᬾᬳᬧᬚᬫᬓ
ᬤ᭞ᬤᬸᬄᬓᬶᬢᬦᬾᬢᬶᬤᭀᬂᬕᬶᬕᬶᬲ᭄᭞ᬩᬬᬮᬘᬸᬃ᭞ᬢᭀᬂᬫᬩ᭄ᬓᭂᬮ᭄ᬲᬸᬭᬵᬢ᭄ᬕᬶᬤᬢ᭄᭟ᬩ᭠ᬲ᭄ᬓᬤᭀᬤᭀᬳᬦ᭄ᬫᬜ᭄ᬚᬤ᭄ᬫ᭞ᬤᬤᬶᬢᭂᬧᬸᬓ᭄ᬩᬸᬓᬚᬦᬶ᭞ᬳᬸᬭᬶᬧᬾᬦᬫᬳᬂᬚ᭄ᬗᬄ᭞ᬧᬶᬢ᭄ᬭᬦᬾᬲᬲᬃᬦᬸᬫᬶ᭠
Kaca:Bali-lontar-gaguritan-rereg-gianyar-300ppi.pdf/23
Kaca puniki sampun kauji-wacén
