[᭔᭐40B]
᭔᭐
ᬭᬕᬳᬶᬋᬂᬳᬲ᭄ᬫᬸᬩᬂ᭞ᬧᬗᬓ᭄ᬱᬶᬦᬾᬓᬤᬶᬢᬢᬶᬢ᭄᭞ᬮ᭄ᬯᬶᬃᬖᬢᭀᬢ᭄ᬓᬘ᭞ᬗᬯᬾᬳᬗᬺᬱᬶᬂᬳᬢᬶ᭟ᬫᬸᬗ᭄ᬕ᭄ᬯᬶᬗᬚᭂᬂᬢᬦᬤᭀᬄᬮᬮᬜ᭄ᬘᬂᬫᬵᬲ᭄᭞ᬩᬩᬭᬸᬦᬾᬗᬭᬶᬳᬶᬦᬶᬦ᭄᭞ᬫᬫᬸᬦ᭄ᬤᬸᬢ᭄ᬓᬯᬶᬢᬦ᭄᭞ᬫᬮᬶᬄᬭᬶᬗᬚᭂᬂ
ᬧᬸᬦᬶᬓ᭞ᬲᬂᬧᬭᬯᬶᬓᬹᬫᬋᬢᬶᬦ᭄᭞ᬧᬥᬡ᭄ᬥᬧᬶᬥᬥ᭞ᬗᬮᬶᬗ᭄ᬕᬶᬳᬶᬦ᭄ᬓᬸᬤ᭄ᬥᬲᬫᬶ᭟ᬕᬸᬫᬸᬭᬸᬄᬲ᭄ᬯᬭᬦ᭄ᬩᬮᬕᬜ᭄ᬚᬸᬃᬢᬦ᭄ᬧ᭄ᬕᬢ᭄᭞ᬯ᭄ᬬᬓ᭄ᬢᬶᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭞ᬲᬂᬧᬭᬧᬸᬗ᭄ᬕᬯ᭞ᬫ᭄ᬯᬂᬫᬜ᭄ᬘᬲᬫ᭄ᬢᭀᬦᬦ᭄᭞ᬭᬶᬂᬧᬸᬗ᭄ᬓᬸᬃᬧᬸᬦᬶᬓᬲᬫᬶ᭞ᬫ᭠
ᬚᬚᬭᬾᬦᬦ᭄᭞ᬲ᭄ᬩᭂᬗᬾᬧᬥᬧᬲ᭄ᬢᬶ᭟ᬯᬾᬦ᭄ᬢᭂᬦ᭄ᬫᬮᬶᬄᬗᬓᬶᬦ᭄ᬚᬭᬦ᭄ᬮ᭄ᬯᬦ᭞ᬢᭀᬂᬧᭀᬮᬶᬄᬓᬸᬤ᭄ᬥᬫ᭄ᬯᬦᬶ᭞ᬫᬲᬶᬄᬧᬂᬫᬩᬳᬦ᭄᭞ᬫᬮᬸᬫᬗᬤᬸᬫ᭄ᬧ᭄ᬮᬓ᭄᭞ᬲᬂᬫᬦ᭄ᬕᬓᬶᬦ᭄ᬜᬸᬗ᭄ᬓᬶᬮᬶᬂ᭞ᬳᬸᬮᬸᬂᬩ᭄ᬮᬸᬲᬦ᭄᭞ᬫᭂᬦ᭄ᬤᬸᬢᭂᬦ᭄ᬤᬸᬢ᭄ᬫᭂᬧᬾᬦ᭄ᬳ᭠
ᬳᬢᬶ᭟ᬕᬕ᭄ᬮᬶᬲᬦ᭄ᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬫᬃᬵᬕ᭄ᬕ᭞ᬧᬜ᭄ᬚᬓᬾᬢ᭄ᬓᬕᬶᬧᬶᬄ᭞ᬗᬢᬸᬭᬂᬓᬮᬸᬗᬄ᭞ᬫᬚᬚᬃᬧᬶᬗ᭄ᬕᬶᬭᬶᬂᬫᬃᬵᬕ᭄ᬕ᭞ᬘᭂᬘᭂᬧᬦ᭄ᬫᬲᬸᬫ᭄ᬩᬸᬲᬫᬶ᭞ᬮ᭄ᬯᬶᬃᬳᬸᬩᬬ᭞ᬓᬕᬾᬢ᭄ᬭᬳᬸᬄᬧ᭄ᬭᬕᬸᬂᬫᬗ᭄ᬯᬶ᭞ᬜᬤ᭄ᬬᬫᭂᬦ᭄ᬤᬓ᭄ᬭᬭᬶᬲ᭄ᬗᭂᬭᬶᬂ
[᭔᭑41A]
ᬓᬕ᭄ᬬᬜᬃ᭞ᬧᬦ᭄ᬢᬫ᭄ᬩᬾᬗᬮᬸᬗᬦᬶᬦ᭄᭞ᬲᭀᬢᬦᬶᬂᬗᬯᬸᬮ᭞ᬧᬗ᭄ᬳᬋᬧ᭄ᬕᬸᬲ᭄ᬢᬶᬫᬥᬾᬗᬸᬭᬄ᭞ᬓᬤᬶᬩᬭᬶᬲ᭄ᬯᬯᬸᬧ᭄ᬭᬧ᭄ᬢᬶ᭞ᬫᬸᬮᬯᬶᬭᬫ᭞ᬧᬢᬶᬄᬳᬕᬸᬂᬭᬶᬂᬫᬗ᭄ᬯᬶ᭟ᬳᬶᬤᬳᬶᬤ᭄ᬯᬕᬸᬂᬕ᭄ᬥᬾᬲᬭᬳᬸᬳᬾᬭᬶᬂᬕ᭄ᬬᬜᬃ᭞ᬧᬸᬗ᭄ᬕᬯᬕ᭄ᬬᬜ
ᬭᬾᬲᬫᬶ᭞ᬮᬦ᭄ᬧ᭄ᬭᬩ᭄ᬓᭂᬮ᭄ᬫᬜ᭄ᬘ᭞ᬲᬫᬶᬧᬥᬫᬫᭂᬦ᭄ᬤᬓ᭄᭞ᬩ᭄ᬗᭀᬂᬦᬓᬾᬫᬩᬮᬶᬄ᭞ᬳᬶᬗᭂᬢ᭄ᬦᬾᬲᬸᬩ᭞ᬭᬶᬂᬳᬦᬓᬾᬳᬕᬶᬂᬫᬗ᭄ᬕᬶᬲ᭄᭞ᬤᬤᬶᬧᭂᬲᬸᬬᬾᬄᬫᬢᬦᬾᬫᬘᬧ᭄ᬘᬧ᭄᭞ᬫᬭᬲᬭᬲᬳᬢᬶ᭞ᬩ᭄ᬗᭀᬂᬫᬤ᭄ᬓᭂᬲ᭠
ᬦ᭄᭞ᬗᬚᬧ᭄ᬕᬸᬲ᭄ᬢᬶᬦᬾᬲᬸᬩ᭞ᬭᬲᬭᬳᬸᬄᬲᬓᬶᬂᬓᬗᬶᬦ᭄᭞ᬗᬯᬗᬸᬦ᭄ᬬᬰ᭞ᬲᬓᬶᬂᬕᬸᬦᬸᬂᬩᭂᬲᬓᬶᬄ᭟ᬫᬗᬾᬲ᭄ᬢ᭄ᬬᬂᬚᬕᬤ᭄ᬥᬶᬢᬦᬶᬂᬪᬹᬯᬦᬭ᭄ᬯ᭞ᬲᬵᬫ᭄ᬧᬸᬦ᭄ᬓᬦᬸᬕ᭄ᬭᬳᬦᬼᬯᬶᬄ᭞ᬜᬸᬚᬸᬃᬓᬦᬶᬲ᭄ᬓᬵᬮᬦ᭄᭞ᬓᬾᬢᭀᬳᬸᬫ᭄ᬜᭂᬧᬶᬂ᭠
ᬫᬦᬄ᭞ᬤᬩᬲ᭄ᬮ᭄ᬬᬸᬩᬦ᭄ᬫᬶᬦᭂᬳᬶᬦ᭄᭞ᬲᬶᬂᬜᬓᬘᬶᬳ᭄ᬦᬦ᭄᭞ᬢᬦᬸᬭᬸᬂᬫᬗᬯᬾᬧ᭄ᬮᬶᬄ᭟ᬲᬵᬫ᭄ᬧᬸᬦ᭄ᬫᬓᭀᬍᬫ᭄ᬳᬶᬤ᭄ᬯᬕᬸᬂᬭᬶᬂᬚ᭄ᬭᭀ᭞ᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭞ᬧᬭᬧᬸᬗ᭄ᬰᬯᬕ᭄ᬬᬜᬃ᭞ᬫᬕᬶᬮᬶᬃᬗᬢᬸᬭᬂᬳᬬᬳᬦ᭄᭞ᬳᬶ
Kaca:Bali-lontar-gaguritan-rereg-gianyar-300ppi.pdf/41
Kaca puniki sampun kauji-wacén
