[᭕᭔54B]
᭕᭔
ᬗᬶᬭᬶᬂ᭞ᬯ᭄ᬬᬤᬶᬦᬼᬩᬹᬃ᭞ᬫᬭᬶᬂᬢ᭄ᬕᬮ᭄ᬧᬦᬗ᭄ᬲᬭᬦ᭄᭟ᬧᬸᬢᬸᬦᬾᬳᬮᬶᬢ᭄ᬫᬕᬸᬬᬂ᭞ᬭᬶᬂᬦᬢᬭᬾᬜ᭄ᬭᬶᬢ᭄ᬦᬗᬶᬲ᭄᭞ᬦᬶᬕ᭄ᬢᬶ᭠ᬕ᭄ᬭᬕᬢᬦᬶᬩᬕ᭄ᬬ᭞ᬳᬶᬩ᭄ᬬᬂᬕ᭄ᬮᬶᬲ᭄ᬜᬢ᭄ᬚᬕᬶᬦ᭄᭞ᬗᬫ᭄ᬩᬶᬮ᭄ᬗᬯᬭᬗᬶᬦ᭄ᬢᬗᬶᬲ᭄᭞ᬫᬫᬦ᭄ᬢᭂᬕ᭄ᬢᬗ᭄ᬓᬄᬫᬓ᭄ᬭᬸᬕ᭄᭞ᬲᬵᬫ᭄ᬧᬸᬦ᭄ᬓᬸᬤᬫᬲᭂᬮ᭄ᬲᭂ
ᬮᬦ᭄᭞ᬲᬤᬸᬫᬶᬂᬢᬶᬢᬄᬦᬶᬂᬯᬶᬤ᭄ᬥᬶ᭞ᬫᬩ᭄ᬭᬶᬬᬸᬓ᭄᭞ᬓᬂᬢᬗᬶᬲ᭄ᬲᬯᬂᬳᬫ᭄ᬧᬸᬳᬦ᭄᭟ᬲᬸᬫᬶᬗ᭄ᬓᬶᬦ᭄ᬩᬸᬭᬸᬄᬓ᭄ᬢᬸᬢ᭄ᬩᭂᬮ᭄ᬩᭂᬮᬦ᭄᭞ᬓᬗᭂᬦ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬜᬶᬗᬓ᭄ᬧᬸᬢ᭄ᬭᬳᬦᭀᬫᬦᭀᬫ᭄᭞ᬧᬸᬢᬸᬦᬾᬕ᭄ᬮᬸᬢ᭄ᬧᬲᬶᬳᬶᬦ᭄᭞ᬫᬲᬶᬄᬫᬤᬸᬮᬸ
ᬭᬦ᭄ᬢᬗᬶᬲ᭄᭞ᬥᬹᬫᬵᬲ᭄ᬫᬶᬭᬄᬘᬳᬶᬩᬕᬸᬲ᭄᭞ᬫᬭᬫᬢᬸᬳᬸᬄᬳᬫᬸᬦ᭄ᬢᭀ᭞ᬫᬦᭂᬧᬸᬓᬶᬦ᭄ᬩᬸᬓᬚᬦᬶ᭞ᬩᬲ᭄ᬓᬤᬸᬭᬸᬲ᭄᭞ᬯᬶᬤ᭄ᬥᬶᬦᬾᬫᬗᬯᬕᬯᬕ᭄᭟ᬲᬸᬫᬶᬗ᭄ᬓᬶᬦ᭄ᬫᬳᬸᬭᬳᬦ᭄᭞ᬢᬗᬶᬲ᭄ᬮ᭄ᬯᬶᬃᬧᬲᬂᬚᬮᬥᬶ᭞ᬕᬸᬭᬸᬳᬶᬂᬓᬃᬝᬶᬓᬲᬸ᭠
ᬫ᭄ᬬᭀᬓ᭄᭞ᬳᬭᬶᬭᬶᬲ᭄ᬧᬗ᭄ᬮᬶᬗᬶᬂᬳᬓ᭄ᬱᬶ᭞ᬋᬋᬳᬶᬫᬳᬦᬧᬸᬢᬶ᭞ᬮ᭄ᬯᬶᬃᬘᬢᬓᬳᬢᬯᬦ᭄ᬩᬬᬸ᭞ᬳᬓᬾᬄ᭠ᬬᬦ᭄ᬯᬸᬲᬦ᭄ᬫᬗ᭄ᬓᭀ᭞ᬢᬶᬗ᭄ᬓᬄᬳᬦᬓ᭄ᬧᬥᬲᭂᬤᬶᬄ᭞ᬦ᭄ᬤᬦ᭄ᬓᬯᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄ᬫᬫᬃᬵᬕ᭄ᬕ᭟ᬭᬭᬶᬲ᭄ᬫᭂᬤᬮ᭄ᬓᬩ᭠
[᭕᭕55A]
ᬜ᭄ᬘᬶᬗᬄ᭞ᬫᬳᬶᬭᬶᬗᬦ᭄ᬧᬭᬳᬶᬲ᭄ᬢ᭄ᬭᬶ᭞ᬢᬦ᭄ᬲᬄᬦᬸᬦ᭄ᬢᬸᬦ᭄ᬧᬸᬢᬸᬋᬓᭀ᭞ᬲᬃᬯ᭄ᬯᬶᬤᬦᬾᬫᬶᬢᬸᬢᬸᬭᬶᬦ᭄᭞ᬭᬯᬸᬄ᭠ᬚ᭄ᬭᭀᬦᬶᬗᬜ᭄ᬘᬓ᭄ᬲᬚᬶ᭞ᬳᬾᬩᭂᬓ᭄ᬧᬗᬶᬭᬶᬗᬾᬲᬵᬫ᭄ᬧᬸᬦ᭄᭞ᬢᬹᬃᬯᬶᬚᬶᬮ᭄ᬧᬗᬦ᭄ᬤᬶᬓ᭞ᬭᬶᬂᬧᬸᬢ᭄ᬭᬦᬾᬢᬶᬕᬂᬲᬶᬓᬶ᭞ᬗᬸ᭠
ᬭᬄᬫᬥᬾ᭞ᬗᬸᬭᬄᬳᭀᬓᬳᬮᬶᬢ᭄ᬗᬸᬭᬄ᭟ᬦᬾᬚᬦᬶᬲ᭄ᬥᭂᬂᬤᬩ᭄ᬤᬩᬂ᭞ᬧᬚᬮᬦᬾᬲᬸᬩᬮᬶᬗ᭄ᬲᬶᬃ᭞ᬧᬸᬢ᭄ᬭᬦᬾᬫᬓᬢᬢᬶᬕ᭞ᬳᬢᬸᬭᬾᬢᬶᬢ᭄ᬬᬂᬫᬗᬶᬭᬶᬂ᭞ᬚ᭄ᬮᬡ᭄ᬝᬶᬓ᭄ᬧᬸᬦᬶᬓᬳᬸᬗ᭄ᬲᬶ᭞ᬓᬮᬶᬮᬶᬭᬦᬾᬧᬸᬦᬶᬓᬸ᭞ᬦᬵᬗ᭄ᬳᬶᬂᬚᬕ
ᬢ᭄ᬢᬩᬦᬦ᭄᭞ᬇᬭᬶᬓᬵᬫᬮᬶᬄᬧᬶᬦᭂᬳᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬧᬗ᭄ᬭᬯᭀᬲᬾᬭᬭᬶᬲ᭄ᬫᭂᬤᬮ᭄᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬵᬕ᭄ᬕ᭞ᬧᬳᬶᬗᬦᬦ᭄ᬯᬯᬸᬲᬶᬗᬶᬢ᭄᭞ᬚᬤᭀᬚᬤᭀᬫᬗᬮᬾᬭᬂ᭞ᬤᬾᬰᬩᬸᬭ᭄ᬯᬦᬾᬓᬳᬸᬗ᭄ᬲᬶ᭞
ᬢ᭄ᬥᬸᬦ᭄ᬓᬩᬢᬸᬕᬳᬶᬂ᭞ᬗᬮᬶᬦ᭄ᬢᬂᬢᬸᬓᬤ᭄ᬧᬢᬦᬸ᭞ᬗᭀᬚᭀᬕ᭄ᬓᬤᬾᬰᬫᬵᬲ᭄᭞ᬢ᭄ᬭᬸᬲ᭄ᬗᬮᬾᬭᬂᬫᬫᬃᬵᬕ᭄ᬕᬶ᭞ᬩᬦ᭄ᬳᬮᬸᬲ᭄᭞ᬫᬗᬸᬗ᭄ᬲᬶᬚᬕᬢ᭄ᬧᬮ᭄ᬬᬢᬦ᭄᭟ᬬᬦ᭄ᬲᬯᬂᬫᬶᬭᬶᬩ᭄ᬮᬸᬗ᭄ᬳᬵ᭞ᬫᬘᬗ᭄ᬓ᭄ᬭᬫᬫ᭄ᬦᬾᬓᬶᬦ᭄᭞ᬕᬸᬦᬸᬂ᭠
Kaca:Bali-lontar-gaguritan-rereg-gianyar-300ppi.pdf/55
Kaca puniki sampun kauji-wacén
