[᭕᭘58B]
᭕᭘
ᬤ᭄ᬕ᭄ᬩᬕᬶᬦ᭄ᬢᬩᭂᬗᬦ᭄᭞ᬫᬗ᭄ᬢᭀᬃᬫᬭᬲᬫᬵᬢᬶ᭞ᬓᬢᬄᬳᬶᬭᬶᬗᬦ᭄ᬫᬢᬶᬗ᭄ᬕᬮ᭄᭞ᬧᬥᬫᬗ᭄ᬮᬶᬤᬂᬳᬸᬭᬶᬧ᭄᭞ᬘᭀᬓᭀᬃᬤᬭᬶᬂᬫᬗ᭄ᬯᬶ᭞ᬕᬸᬲ᭄ᬢᬶᬗᬸᬭᬄᬫᬥᬾᬳᬕᬸᬂ᭞ᬢ᭄ᬯᬄᬫᬸᬮᬦ᭄ᬭᭀᬳᬓᬫᬶᬢ᭄ᬭ᭞ᬫ᭄ᬮᬄᬓᬬᬸᬦᬾᬫᬸᬲ᭄ᬩᬸᬲᬶᬦ᭄᭞
ᬢ᭄ᬯᬭᬗᬶᬢᬸᬂ᭞ᬩᬸᬓᬳᬸᬩᬬᬦᬾᬲᬸᬩ᭟ᬫᬶᬭᬶᬩ᭄ᬯᬭᬩᬓᬮ᭄ᬭᬸᬲᬓ᭄᭞ᬩᬦᬾᬕ᭄ᬥᬾᬗ᭄ᬮᬄᬕᬸᬫᬶ᭞ᬩᬬᬤᬫᬶᬦᭂᬄᬯ᭄ᬓᬲᬦ᭄᭞ᬧᬦᬗ᭄ᬓᬦᬾᬧᬘᬂᬧᬗ᭄ᬕᬶᬄ᭞ᬤᬤᬶᬫᬦᬸᬳᬸᬢᬂᬫᬸᬜᬶ᭞ᬧᬫᬸᬗᬸᬦᬾᬗᬸᬭᬄᬓ᭄ᬭᬸᬕ᭄᭞ᬫᬸᬮ
ᬘᬡ᭄ᬥᬮᬓᬵᬃᬫ᭄ᬫ᭞ᬲᬗ᭄ᬓᬦ᭄ᬩ᭄ᬬᬳᬸᬃᬤᬶᬫᬗ᭄ᬯᬶ᭞ᬩᬲ᭄ᬓᬤᬸᬭᬸᬲ᭄᭞ᬧᬸᬗ᭄ᬕᬯᬫᬲ᭄ᬯᬂᬲ᭄ᬯᬗᬦ᭄᭟ᬲᬯᬢᬭᬤᬰᬤᬶᬦ᭞ᬧᬭᬭᬸᬤᬦᬾᬲᬋᬂᬲᬫᬶ᭞ᬫᬓᬸᬭᬸᬂᬭᬶᬂᬧᬦᬭᬸᬗᬦ᭄᭞ᬕᬦ᭄ᬢ᭄ᬬᬦᬶᬂᬘᬭᬶᬢᬫᬮᬶᬄ᭞ᬳᬦᬓᬾᬳᬕᬸᬂᬕ᭄ᬥᬾ
ᬚ᭄ᬮᬡ᭄ᬝᬶᬓ᭄᭞ᬭᬢᬸᬓᬭᬗ᭄ᬳᬲᭂᬫ᭄ᬓᬯᬸᬯᬸᬲ᭄᭞ᬕ᭄ᬮᬶᬲ᭄ᬳᬶᬤᬫᬧᬸᬢᬸᬲᬦ᭄᭞ᬓᬓ᭄ᬮᬸᬂᬓᬸᬂᬧ᭄ᬭᬫᬗ᭄ᬓᬶᬦ᭄᭞ᬦᬾᬓᬳᬸᬢᬸᬲ᭄᭞ᬩ᭄ᬭᬳ᭄ᬫᬘᬓᬶᬂᬧᬶᬤᬤ᭟ᬧᬲᬾᬗᬦ᭄ᬳᬶᬤᬓ᭄ᬢᬸᬢ᭄ᬩᬸᬭᬸᬯᬦ᭄᭞ᬕᬸᬲ᭄ᬢᬶᬮᬦᬂᬫᬶᬦᬓᬵᬤᬶ᭞ᬫᬜ᭄ᬘᬢᬮᬶ
[᭕᭙59A]
ᬩᭂᬂᬧᬸᬦᬶᬓ᭞ᬤᬶᬂᬤᬶᬂᬥᬥᬲᬓᬶᬂᬗᬹᬦᬶ᭞ᬲᬳᬲᬶᬓᭂᬧ᭄ᬫᬗᬶᬭᬶᬂ᭞ᬲᬯᬢᬭᬯᬾᬦ᭄ᬢᭂᬦ᭄ᬲ᭄ᬬᬸ᭞ᬦᬸᬦᬲ᭄ᬧ᭄ᬭᬭᬸᬤᬦᬾᬋᬓᭀ᭞ᬤᬍᬫ᭄ᬓᬲᬼᬓᬦ᭄ᬢᬗ᭄ᬓᬶᬲ᭄᭞ᬜᬮᬶᬢ᭄ᬓᬬᬸᬦ᭄᭞ᬢᬦ᭄ᬧᬜ᭄ᬚᬂᬵᬢᬹᬃᬗᬮᬸᬕ᭄ᬭᬳᬂ᭟ᬳᬸᬢᬸᬲᬦ᭄ᬫᬧᬫᬶᬢ᭄ᬫᬫᬃᬵᬕ᭄ᬕ᭞ᬤ
ᬍᬫ᭄ᬲᬵᬫ᭄ᬧᬸᬦ᭄ᬗᬮᬸᬕ᭄ᬭᬳᬶᬦ᭄᭞ᬢᬦ᭄ᬓᭀᬘᬧ᭄ᬮᬫ᭄ᬧᬄᬲᬂᬮᬸᬗ᭄ᬳ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬫᬗ᭄ᬯᬶ᭞ᬭᬭᬶᬲ᭄ᬧᬋ᭠ᬓ᭄ᬓᬧᬸᬭᬶ᭞ᬕᬸᬲ᭄ᬢᬶᬗᬸᬭᬄᬫᬥᬾᬳᬕᬸᬂ᭞ᬲᬫ᭄ᬧᬸᬦ᭄ᬲᬫᬶᬓᬧᬶᬤᬃᬢ᭄ᬣ᭞ᬗᭀᬤᬮ᭄ᬧᬭᬭᬸᬤᬦ᭄ᬲᬫᬶ᭞ᬳᬦᬓ᭄ᬳᬕᬸᬂ᭞ᬢ
ᬦ᭄ᬧᬜ᭄ᬚᬂᬢ᭄ᬮᬲ᭄ᬫᬗᬢᬸᬭᬂ᭟ᬕ᭄ᬮᬶᬲᬂᬫᬗ᭄ᬓᬶᬦ᭄ᬘᬭᬶᬢ᭞ᬲᬵᬫ᭄ᬧᬸᬦ᭄ᬜᬫᬢᬸᬮᬓ᭄ᬫᬮᬶᬄ᭞ᬭᬭᬶᬲ᭄ᬗᭀᬚᭀᬕ᭄ᬓᬧᬦᬭᬸᬗᬦ᭄᭞ᬧ᭄ᬭᬭᬸᬤᬦᬾᬭᬸᬭᬸᬄᬲᬫᬶ᭞ᬧᬫᬃᬵᬕ᭄ᬕᬶᬦᬾᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬯᬾᬦ᭄ᬢᭂᬦᬮᬶᬓ᭄ᬧᬶᬂᬧᬶᬢᬸ᭞ᬭᬯᬸᬄᬭᬶᬂᬤᬾᬰ᭠
ᬫᬵᬲ᭄᭞ᬇᬭᬶᬓᬵᬗᬶᬦᭂᬧ᭄ᬲᬯ᭄ᬗᬶ᭞ᬩᬾᬜ᭄ᬚᬗᬶᬧᬸᬦ᭄᭞ᬲ᭄ᬫᭂᬂᬢᬸᬫᬸᬮᬶᬫᬫᬵᬃᬕ᭄ᬕ᭟ᬚ᭄ᬮᬾᬫ᭄ᬧᭀᬄᬩᬶ᭠ᬮᬂᬤᬗ᭄ᬓ᭞ᬧᬦ᭄ᬢᬫ᭄ᬩᬾᬕᬦ᭄ᬢᭂᬂᬫᬫᬃᬵᬕ᭄ᬕᬶ᭞ᬳᬸᬧᬫᬧᬥᬧᬮᬬ᭄ᬬᬦ᭄᭞ᬯ᭄ᬬᬓ᭄ᬢᬶᬧᬥᬓ᭄ᬘᬸᬤ᭄ᬓᬸᬦᬶᬂ᭞ᬯ᭄ᬢᬸᬚ᭄ᬗᬄᬢᬶᬤᭀᬂᬕᬶᬕᬶᬲ᭄᭞
Kaca:Bali-lontar-gaguritan-rereg-gianyar-300ppi.pdf/59
Kaca puniki sampun kauji-wacén
