Kaca:Bali-lontar-gaguritan-rereg-gianyar-300ppi.pdf/64

Kaca puniki sampun kauji-wacén

[᭖᭓63B]
᭖᭓
ᬧᬮ᭄ᬬᬢᬦ᭄ᬲᬶᬓᬶ᭞ᬲᬋᬂᬩᬬᬵᬦ᭄ᬢᬓ᭞ᬦᬓ᭄ᬳᬕᬸᬂᬭᬶᬂᬢ᭄ᬕᬮ᭄ᬮᬮᬂ᭞ᬧᬶᬦᬓᬵᬤᬶᬤᬶᬂᬧᬗ᭄ᬮᬶᬗ᭄ᬲᬶᬃ᭞ᬧᬦ᭄ᬫᬸᬮᬧ᭄ᬭ᭠ᬚ᭄ᬜᬦ᭄᭞ᬫᬮᬶᬄ᭞ᬢᬺᬱ᭄ᬡᬳᬶᬦ᭄ᬕᬸᬫᬶ᭟ᬳᬦᬓᬾᬳᬕᬸᬂᬫᬗ᭄ᬯᬶᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄ᬭᬶᬂᬧᬓᬬᬸᬦᬦ᭄᭞ᬫᬓ᭄ᬭᬡᬩᬸᬓᬚᬦᬶ᭞᭠
ᬧᬸᬗ᭄ᬕᬯᬦᬾᬢᬸᬗ᭄ᬓᬲ᭄᭞ᬢ᭄ᬯᬄᬳᬶᬤ᭄ᬯᬕᬸᬂᬫᬗᬃᬬ᭄ᬬᬦᬂ᭞ᬫᬓ᭄ᬚᬂᬧᬥᬳᬜ᭄ᬘᬸᬓᬶᬦ᭄᭞ᬯᬶᬢ᭄ᬧᬓᬬᬸᬦᬦ᭄᭞᭠ᬯᬦ᭄ᬢᬄᬫᬫᬸᬘᬄᬫᬗ᭄ᬯᬶ᭟ᬲᬶᬦᬄᬲᬵᬫ᭄ᬧᬸᬦ᭄ᬳᬶᬤ᭄ᬯᬕᬸᬂᬩ᭄ᬬᬂᬮᬸᬗ᭄ᬳᬓᬲᬶᬩᬂ᭞ᬫᬗᭂᬲᬾᬗᬶᬦ᭄ᬫᬜ᭄ᬘᬫᬗ᭄ᬯᬶ᭞ᬧᬸᬦᬶᬓᬗᬭᬡ
ᬬᬂ᭞ᬘᭂᬧᭂᬢ᭄ᬫᬜᬶᬓ᭄ᬬᬂᬭᬕ᭞ᬧ᭄ᬭᬬᬫᬗᬶᬭᬶᬂᬫᬢᬦ᭄ᬤᬶᬂ᭞ᬲᬓᬬᬸᬦᬦ᭄᭞ᬜᬤ᭄ᬬᬯᬦ᭄ᬢᬄᬫᬗᬶᬭᬶᬂ᭟ᬧᬗ᭄ᬤᬦᬶᬂᬳ᭄ᬬᬂᬧᬗᬢᬕ᭄ᬲᬗ᭄ᬳᬭᬦᬶᬂᬚᬕᬢ᭄᭞ᬘᭀᬓᭀᬃᬤᬭᬶᬂᬫᬗ᭄ᬯᬶ᭞ᬤᬤᬶᬫᬗᬗ᭄ᬕᭀᬯᬂ᭞ᬳᬶᬕᬸᬲ᭄ᬢᬶᬫᬥᬾᬗᬸᬭᬄ᭞
ᬢ᭄ᬯᬄᬫᬸᬮᬕ᭄ᬥᭂᬕᬶᬦ᭄ᬕᬸᬫᬶ᭞ᬫᬸᬜ᭄ᬘᭂᬭᬂᬚᬕᬢ᭄᭞ᬫᬮᬶᬄᬢᬸᬗ᭄ᬓᬲ᭄ᬭᬶᬂᬳᬶᬳᬚᬶ᭟ᬕᬸᬲ᭄ᬢᬶᬳᬕᬸᬂᬫᬥᬾᬭᬓᬗᬫ᭄ᬩᬸᬮ᭄ᬓᬩᬤᬸᬂᬲᬕᬺᬳᬦ᭄᭞ᬳᬾᬭᬂᬭᬶᬂᬧᬸᬢ᭄ᬭᬧᬸᬦᬶᬓᬶ᭟ᬲᬫᬮᬶᬄᬭᬶᬂᬲᬶᬩᬂ᭞ᬳᬶᬕᬸᬲ᭄ᬢᬶᬳᬕᬸᬂᬓᬫᬲᬦ᭄᭞ᬫᬢᬸ
[᭖᭔64A]
ᬗ᭄ᬓᬲ᭄ᬭᬶᬂᬗᬸᬭᬄᬋᬱᬶ᭞ᬚᬦ᭄ᬢᭀᬲ᭄ᬫᬬᬸᬤ᭄ᬥ᭞ᬭᬫᬾᬫᬫᬢᬶᬫᬢᬶ᭟ᬢᬦᬶᬦᬸᬘᬧ᭄ᬫᬯ᭄ᬢᬸᬤᬤᭀᬲ᭄ᬧᬶᬰᬸᬦ᭞ᬭᬶᬂᬲᬂᬫᬸᬦ᭄ᬤᭂᬭᬶᬂᬩᬮᬶ᭞ᬤᬍᬫ᭄ᬲᬮᬶᬢ᭄ᬳᬃᬱ᭞ᬓ᭄ᬭᬡᬤ᭄ᬯᬕᬸᬂᬩ᭄ᬬᬂᬮᬸᬗ᭄ᬳ᭞ᬫᬧᬶᬜᬧ᭄ᬲᬧ᭄ᬓᬫᬗ᭄ᬯᬶ᭞ᬭᬭᬶᬲ᭄ᬓᬲᬶᬩᬂ᭞ᬫᬜ᭄ᬘᬫᬗ᭄ᬯᬶ
ᬳᬜ᭄ᬘᬸᬓᬶᬦ᭄᭟ᬮ᭄ᬯᬶᬃᬢᬢᬦ᭄ᬤᬸᬭᬦ᭄ᬢ᭄ᬯᬄᬧᬓᬃᬵᬤ᭄ᬥᬶᬦᬾᬲᬸᬩ᭞ᬢ᭄ᬯᬄᬢᭀᬂᬤᬤᬶᬓ᭄ᬮᬶᬤᬶᬦ᭄᭞ᬫᬕᬦ᭄ᬢᬶᬫᬳᬂ᭞ᬫᭂᬲᭂᬄᬭᬶᬂᬓᬤᬂᬢᬸᬗ᭄ᬕᬮ᭄᭞ᬓᬢᬄᬬᬦ᭄ᬘᬭᬶᬢᬫᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬚᬦ᭄ᬢᭂᬦ᭄ᬤᬤᭀᬲ᭄ᬓᬮᬶ᭟ᬤᬯᭂᬕ᭄ᬤᬶᬦ
ᬩᬸᬤ᭄ᬥᬧᭀᬦ᭄ᬢᭀᬮᬸᬧᬸᬦᬶᬓ᭞ᬰᬰᬶᬄᬜᬦᬾᬓᬢ᭄ᬭᬶᬦᬶ᭞ᬧᬗ᭄ᬮᭀᬂᬳᬧᬶᬲᬦ᭄᭞ᬬᬦᬶᬂᬢᭂᬗ᭄ᬕᭂᬓᬶᬧᬸᬦ᭄ᬢᬸᬗ᭄ᬕᬮ᭄᭞ᬫᬦᬸᬚᬸᬭᬳᬾᬓᬓᬵᬮᬶᬄ᭞ᬇᬰᬓᬵᬯᬃᬱᬲ᭄ᬬᬸᬤᭀᬫᬲ᭄ᬭᭀᬭᬲ᭄ᬲᬶᬓᬶ᭟ᬤᬸᬓ᭄ᬧᬸᬦᬶᬓᬓᬬᬸᬤ᭄ᬥ
ᬦ᭄ᬲᬶᬩᬂᬳᬋᬳᬋᬧ᭄ᬓᬳᬗᬦ᭄ᬢᬓ᭞ᬩᬤᬸᬂᬢ᭄ᬓᬫᭀᬗ᭄ᬓᭀᬮᬶᬦ᭄᭞ᬭᬫᬾᬧᬸᬦᬂᬬᬸᬤ᭄ᬥ᭞ᬳᬢᬸᬲᬦᬶᬓᬂ᭠ᬧ᭄ᬚᬄ᭞ᬮᬾᬦ᭄ᬢᬶᬓᬂᬓ᭄ᬦᬫᬸᬯᬄᬓᬦᬶᬦ᭄᭞ᬢᬦ᭄ᬲᬧᬭᬸᬗ᭄ᬯᬦ᭄᭞ᬲ᭄ᬯᬭᬦᬶᬂᬲᬂᬓᬩᬾᬭᬶ᭟ᬲ᭄ᬯᬭᬦᬶᬂᬩ᭄ᬥᬶᬮ᭄ᬓᬤᬶᬕ᭄ᬮᬕᬄ