[᭖᭖66B]
᭖᭖
ᬲᬗᬶ᭞ᬘᭀᬓᭀᬃᬤᬳᭀᬓ᭞ᬓ᭄ᬢᬸᬢ᭄ᬳᬗ᭄ᬕᭀᬦ᭄ᬧᬓᬢᬶᬓ᭄᭟ᬬᬤᬶᬦ᭄ᬳᬤᬘᭀᬓᭀᬃᬤᬭᬳᬶᬚᬸᬜ᭄ᬚᬸᬗᬦ᭄᭞ᬳᬦᬓ᭄ᬩᭂᬮᭀᬕ᭄ᬦᬸᬘ᭄ᬭᬶᬓ᭄᭞ᬢᭀᬂᬲᬶᬤ᭄ᬥᬗᬯᬶᬭᬗᬂ᭞ᬩ᭄ᬯᬢᬂᬚᬸᬓ᭄ᬳᬗ᭄ᬕᭀᬦ᭄ᬧᬋᬓᬦ᭄᭞ᬳᬶᬲᬶᬦ᭄ᬚ᭄ᬭᭀᬤᬸᬫ᭄ᬳᬚᬓ᭄ᬲᬫᬶ᭞
ᬧᬭᬭᬩᬶᬩᬚᬂ᭞ᬳᬗ᭄ᬕᭀᬦ᭄ᬚᭀᬕᬾᬤ᭄ᬤᬶᬲᬸᬓᬯᬢᬶ᭟ᬤᬸᬭᬸᬂᬧ᭄ᬕᬢ᭄ᬳᬶᬦ᭄ᬤᬶᬓ᭄ᬧᬗ᭄ᬭᬯᭀᬲ᭄ᬧᬸᬦᬶᬓ᭞ᬓᬮᬗᬦ᭄ᬩᭂᬤᬶᬮ᭄ᬫᬸᬦᬶ᭞ᬕᬸᬫᬸᬭᬸᬄᬢᬂᬲᬹᬃᬬ᭄ᬬᬓ᭄᭞ᬫᬮᬶᬄᬳᬦ᭄ᬤᬸᬲ᭄ᬫᬮᬶᬕᭂᬤᬦ᭄᭞ᬕ᭄ᬦᬶᬦᬾᬲᬵᬫ᭄ᬧᬸᬦ᭄ᬦᬶᬓᭂᬮᬶᬦ᭄᭞ᬳᬶᬓᬢᬶᬓ᭄ᬮᬦ᭄ᬢᬂ᭞ᬚᬸ᭠
ᬓᬸᬢ᭄ᬧᬓᬸᬲᬵᬫ᭄ᬧᬸᬦ᭄ᬩᬲ᭄ᬫᬶ᭟ᬤᬾᬯᬲᬦ᭄ᬤᬢ᭄ᬳᭂᬗ᭄ᬕᬂᬓᬤᬶᬲᬼᬗᬕᬦ᭄᭞ᬧᬜ᭄ᬚᬓᬾᬦᬤᬶᬚ᭄ᬭᬶᬄ᭞ᬫ᭄ᬮᬳᬶᬩ᭄ᬫᬕᬸᬮᬸᬗᬦ᭄᭞ᬮᬸᬄᬫ᭄ᬯᬦᬶᬩᬚᬂᬢ᭄ᬯ᭞ᬭᬭᬸᬤ᭄ᬜᬶᬗᬮ᭄ᬬᬦᬓ᭄ᬘᭂᬦᬶᬓ᭄᭞ᬮᬾᬦ᭄ᬦᭂᬓᭂᬧ᭄ᬢᬗ᭄ᬓᬄ᭞ᬤᬸᬳᬸᬄᬤᬸᬳᬸᬄᬓ᭄ᬦᬩ᭄ᬤᬶᬮ᭄᭟ᬮᬾᬦ᭄ᬳᬤᬍᬍᬄ
ᬳᬶᬧᬸᬦ᭄ᬓᭂᬦᬶᬢᬸᬫ᭄ᬩᬓ᭄᭞ᬧᬾᬭᭀᬢ᭄ᬓᭂᬦᬲᬸᬗ᭄ᬕᬧᭀᬮᬶᬂᬲᬫ᭄ᬩᬶᬮ᭄ᬜᬸᬫ᭄ᬩᬄᬜᬸᬫ᭄ᬩᬄ᭞ᬢᬸᬮᬸᬂᬕ᭄ᬮᬶᬲᬂᬧᬶᬲᬦ᭄᭞ᬤᬾᬰᬦ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬩᬲ᭄ᬫᬶ᭞ᬕᬸᬲ᭄ᬢᬶᬕᬾᬫ᭄ᬩ᭄ᬭᭀᬂᬚ᭄ᬗᬄ᭞ᬫᬗ᭄ᬕᬮᬫᬦᬸᬤᬶᬗᬶᬦ᭄᭟ᬦᭀᬮᬾᬓ᭄ᬧᬜ᭄ᬚᬓ᭄ᬯᬶᬄᬘᬳᬶᬧᬜ᭄ᬚ
[᭖᭗67A]
ᬓ᭄ᬦᬵᬕᬭ᭞ᬳᬧᬓ᭄ᬭᬡᬤᬤᬶᬚᭂᬚᭂᬄ᭞ᬢ᭄ᬯᬭᬗᬾᬤᬍᬫᬂ᭞ᬫᬸᬲᬸᬄᬚᬓᭂᬧᭂᬮ᭄ᬓᬸᬯᬂ᭞ᬧᬜ᭄ᬚᬓ᭄ᬢᬸᬫᬸᬮᬶᬫᬩᬮᬶᬓ᭄᭞ᬗᬫᬹᬓ᭄ᬭᬦ᭄ᬢᬩᬦ᭄᭞ᬢᬸᬮ᭄ᬬᬩ᭄ᬮᬩᬸᬃᬳᬲᬸᬚᬶ᭟ᬲᬶᬦᬳᬸᬭᬦ᭄ᬕᬸᬫᬸᬭᬸᬄᬢᬂᬢᬢᬩᬸᬳᬦ᭄᭞ᬲᬹᬃᬬ᭄ᬬᬓ᭄ᬳᬯᬦ᭄ᬢᬶᬯᬦ᭄ᬢᬶ᭞᭠
ᬓᬭᬸᬗ᭄ᬯᬶᬂᬳᬓᬲ᭞ᬩ᭄ᬤᬶᬮ᭄ᬳᬲ᭄ᬯᬭᬭᬦ᭄ᬢᬸᬦᬦ᭄᭞ᬬᬳᬓ᭄ᬢᬸᬕᬶᬗᬯ᭄ᬬᬓ᭄ᬢᬶ᭞ᬭᬫᬾᬢᬂᬬᬸᬤ᭄ᬥ᭞ᬧᬥᬳᬫᬾᬢ᭄ᬘᬶᬤ᭄ᬭᬓᬵᬮᬶᬄ᭟ᬢᬦᬲ᭄ᬯᬾᬧᬥᬗᬤ᭄ᬯᬓᭂᬦ᭄ᬓᬯᬶᬭᬵᬦ᭄᭞ᬳᬤᭂᬤᭂᬲ᭄ᬲᬜ᭄ᬚᬢᬕᬢᬶᬓ᭄᭞ᬧᬓᬂᬯᬶᬦᬢᬂ᭞ᬲᬶᬂᬫᬶᬗᬾᬓᬢᬹ
ᬢᬦ᭄᭞ᬢᬦ᭄ᬧᬗᬦ᭄ᬫᬢᬫ᭄ᬯᬂᬓᬦᬶᬦ᭄᭞ᬩᬄᬧᬚᬸᬮᬶᬫ᭄ᬧᬂ᭞ᬭᬶᬂᬲᬯᬄᬫ᭄ᬯᬂᬧᬶᬗ᭄ᬕᬶᬃᬫᬃᬵᬕ᭄ᬕᬶ᭟ᬲᬸᬭᬸᬂᬲᬶᬦᬸᬭᬸᬂᬧᬥᬫᬗᬾᬮᬶᬗᬶᬦ᭄ᬢᬶᬫ᭄ᬧᬮ᭄᭞ᬢᬦ᭄ᬧᬭᬸᬗ᭄ᬯᬂᬩ᭄ᬤᬶᬮ᭄ᬫᬸᬦᬶ᭞ᬧ᭄ᬢᭂᬂᬚᬫᬸᬭᬦ᭄᭞ᬳᬦ᭄ᬤᬸᬲᬾᬫᬮᬶᬕᭂᬤᬦ᭄᭞ᬮ᭄ᬯᬶᬃᬯᬃᬱᬢᬶᬩᬦᬶᬂᬫᬫᬶᬲ᭄᭞
ᬭᬫᬾᬢᬂᬬᬸᬤ᭄ᬥ᭞ᬧᬥᬲᬮᬶᬂᬳᭀᬓᭀᬓᬶᬦ᭄᭟ᬫᬩ᭄ᬬᬬᬸᬭᬦ᭄ᬢᬗ᭄ᬓᭂᬧᬾᬧᬥᬮᬕᬯ᭞ᬯ᭄ᬬᬓ᭄ᬢᬶᬦᬶᬥᭂᬧ᭄ᬯᬶᬱ᭄ᬝᬶ᭞ᬲᬮᬶᬂᬲᭀᬦ᭄ᬤᬸᬮ᭄ᬭᬦ᭄ᬢᬩᬦ᭄᭞ᬮᬶᬮᬶᬄᬧᬥᬓᬮᬶᬮᬶᬳᬦ᭄᭞ᬲ᭄ᬯᬾᬳᬗᬤ᭄ᬯᬓᬯᬦᬶᬦ᭄᭞ᬤᬤᬶ᭠
Kaca:Bali-lontar-gaguritan-rereg-gianyar-300ppi.pdf/67
Kaca puniki sampun kauji-wacén
