[᭘8B]
᭘
ᬕᬸᬂᬗᬸᬭᬄ᭞ᬬᬲᬫᬶᬫᬗᬶᬭᬶᬂ᭞ᬳᬦᬓ᭄ᬳᬕᬸᬂᬕ᭄ᬥᬾᬭᬓ᭞ᬳᬦᬓ᭄ᬳᬕᬸᬂᬭᬢ᭄ᬦᬓᬡ᭄ᬬ᭞ᬳᬦᬓ᭄ᬳᬕᬸᬂᬕ᭄ᬥᬾᬢᬗ᭄ᬕᬶᬮᬶ᭞ᬫᬜ᭄ᬘᬧᬸᬗ᭄ᬕᬯ᭞ᬲᬓᬵᬭᬶᬭᬶᬂᬕ᭄ᬬᬜᬃᬦᬗ᭄ᬓᬶᬮ᭄᭟ᬩᬩᬢᬸᬄᬗᬸᬭᬄᬫᬥᬾᬤᬶᬦᬶᬂᬦᬵᬬ᭞ᬳᬶᬳᬚᬶ
ᬫᬗᬋᬧᬶᬦ᭄᭞ᬦᬓ᭄ᬳᬕᬸᬂᬫᬥᬾᬭᬓ᭞ᬲᬗᬦᬾᬂᬩᬜ᭄ᬚᬭᬗ᭄ᬓᬦ᭄᭞ᬳᬩ᭄ᬬᬦ᭄ᬩᬲᬾᬫᬶᬦᬓᬵᬤᬶ᭞᭠ᬲ᭄ᬬᬗᬦ᭄ᬩᬩᬶᬢ᭄ᬭ᭞ᬢᬸᬮᬶᬓᬸᬧ᭄ᬩᬤᬸᬮᬸᬫᬮᬶᬄ᭟ᬜᬮ᭄ᬬᬦ᭄ᬩᬸᬂᬩᬸᬗᬦ᭄ᬢᭀᬄᬧᬢᬶᬧᬾᬚᬾᬂᬲᬶᬤᬦ᭄ᬓ᭄ᬭᬫᬲ᭄᭞ᬕᬶᬧᬶᬄ
ᬧᬥᬫᬦᬗ᭄ᬓᬶᬮ᭄᭞ᬫᬓᬵᬤᬶᬳᬶᬲᬭ᭞ᬲᭀᬭᭀᬄᬤᬰᬫᬗᬶᬭᬶᬗᬂ᭞ᬤᬾᬯᬫᬥᬾᬓᭀ᭠ᬫ᭄ᬧ᭄ᬬᬂ᭞ᬩᬚᬶᬂ᭞ᬓ᭄ᬢᬸᬢ᭄ᬓᬫᬲᬦ᭄᭞ᬓ᭄ᬢᬸᬢ᭄ᬧᬲᭂᬓ᭄ᬫᬫᬸᬗ᭄ᬓᬸᬭᬶᬦ᭄᭟ᬢᬦ᭄ᬯᬶᬦᬶᬮᬂᬧ᭄ᬭᬫᬾᬦᬓ᭄ᬧ᭄ᬭᬩᭂᬓᭂᬮ᭄ᬢᬭᬸᬡ᭞ᬚᭂᬚᭂ
ᬮ᭄ᬧᬥᬫᬦᬗ᭄ᬓᬶᬮ᭄᭞ᬤᬶᬚᬩᬫᬳ᭄ᬬᬸᬭᬦ᭄᭞ᬧᬥᬫᬦᬶᬗᭂᬳᬂᬳᭀᬃᬢ᭄ᬣ᭞ᬓᭀᬘᬧ᭄ᬳᬦᬓ᭄ᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞ᬫᬸᬗ᭄ᬕ᭄ᬯᬶᬂᬲ᭄ᬯᬪᬯ᭞ᬫᬮᬶᬮᬂᬦᬶᬃᬫᬵᬮᬚᬚᬢᬶ᭟ᬯᭂᬓᬲᬦ᭄ᬗᬦ᭄ᬤᬶᬓᬧᬓ᭄ᬭᬾᬢᬾᬲ᭄ᬮ᭄ᬯᬶᬃᬳᬗᬸ᭠
[᭙9A]
ᬦ᭄ᬤᬸᬳᬶᬂᬚᬶᬯ᭞ᬓᬾᬦ᭄ᬓᬾᬦ᭄ᬘᭂᬦᬶᬂᬜᬫᬲᬫᬶ᭞ᬢᬺᬱ᭄ᬡᬦᬾᬭᬶᬂᬩᬧ᭞ᬳᬶᬕ᭄ᬥᬾᬳᭀᬓᬦᬵᬕᬭ᭞᭠ᬫᬘᬶᬭᬶᬲᬸᬩᬫᬩᬮᬶᬓ᭄᭞ᬲᬓᬶᬂᬳᬚ᭄ᬜᬦ᭞ᬳᬶᬤᬲᬂᬫᬸᬢᭂᬃᬩᬮᬶ᭟ᬲᬳᬸᬃᬫᬦᬸᬓ᭄ᬳᬢᬸᬭᬾᬧᬧᬢᭂᬳᬦ᭄᭞᭠
ᬳᬶᬗ᭄ᬕᬶᬄᬳᬦ᭄ᬢᬸᬓ᭄ᬲᬸᬪᬓ᭄ᬢᬶ᭞ᬧᬸᬦᬶᬓᬳᬃᬱᬬᬂ᭞ᬘᭀᬓᭀᬭᬶᬤᬾᬯᬭᬶᬂᬢᬶᬢ᭄ᬬᬂ᭞ᬢᬶᬢ᭄ᬬᬂᬦᬢᬓᬶᬦ᭄᭞ᬫᬩ᭄ᬯᬢ᭄ᬧᬶᬲᬦ᭄᭞ᬪᬓ᭄ᬢᬶᬗᬬᬄᬭᬶᬂᬕᬸᬲ᭄ᬢᬶ᭟ᬗᬸᬭᬄᬫᬥᬾᬲᬾᬩᭂᬢ᭄ᬭᬶᬂᬕᬸᬡᬓᬵᬭ᭞ᬫᬵᬢᬹᬃᬤᬸᬫ
ᬤᬓ᭄ᬯ᭄ᬬᬓ᭄ᬢᬶ᭞ᬳᬶᬤᬾᬯᬦᬵᬕᬭ᭞ᬢᬸᬗ᭄ᬓᬲ᭄ᬭᬶᬂᬘᭀᬓᭀᬭᬶᬤᬾᬯ᭞ᬳᬶᬩᬺᬩᭂᬄᬜᬤ᭄ᬬᬫᬢ᭠ᬦ᭄ᬤᬶᬂ᭞ᬲᬫ᭄ᬩᬸᬂᬮᬜ᭄ᬘᬶᬗᬦ᭄ᬳᬲᬶᬭᬢ᭄ᬗᬜᬸᬭᬶᬂ᭟ᬲᬵᬫ᭄ᬧᬸᬦ᭄ᬘᭀᬓᭀᬭᬶᬤᬾᬯᬳᬶᬕᬶᬗᭀᬩᭂᬢᬂ᭞ᬳᬦᬓᬾ
ᬳᬕᬸᬂᬜᬳᬸᬭᬶᬦ᭄᭞ᬦᬄᬬᬦ᭄ᬩᬸᬓᬓᬾᬢᭀ᭞ᬧᬶᬲᬦ᭄ᬤᬦᬶᬘᬶᬭᬶᬬᬂ᭞ᬤᬶᬢᬸᬫᬤᬾᬯᬲᬓ᭄ᬱᬶ᭞ᬫ᭄ᬯᬂᬓᬯᬶᬢᬦ᭄᭞ᬲᬫᬶᬫᬶᬲᬤ᭄ᬬᬫᬗ᭄ᬓᬶᬭᬶᬂ᭟ᬢᬦᬶᬦᬸᬘᬧ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬧ᭄ᬭᬢᬶᬚ᭄ᬜ᭞ᬭᬶᬂᬧᬸᬭᬶᬕ᭄ᬭᬶᬬᬲᬸᬘᬶ᭞ᬭᬶᬂ
Kaca:Bali-lontar-gaguritan-rereg-gianyar-300ppi.pdf/9
Kaca puniki sampun kauji-wacén
