Kaca:Bali-lontar-gaguritan-rusak-gianyar-02-300ppi.pdf/23

[᭒᭒ 22B]
᭒᭒
ᬳᬭᬶᬫᬓᬲᬫᬶ᭞ᬧᬸᬦᬶᬓᬳᬗ᭄ᬕᬾᬦ᭄ᬧᬦᬧᬸᬭ᭄᭞ᬪᬓ᭄ᬢᬶᬦᬾᬫᬗᬯᬸᬮ᭞ᬢᬶᬢ᭄ᬬᬂᬯᬦ᭄ᬢᬄᬜᬤ᭄ᬬᬗᬶᬭᬶᬂ᭞ᬧ᭄ᬭ᭠ᬬᬦᬯᬸᬭ᭄᭞ᬤᬦᬦᬾᬢᬶᬩᬭᬶᬂᬢᬶᬢ᭄ᬬᬂ᭟ᬲᬸᬩᬫᬕᬾᬲᬾᬭᬦ᭄ᬢᭂᬧᬓ᭄᭞ᬦᭀᬮᬶᬄᬓᭀᬭᬶᬧᭂᬲᬸᬫᬸᬜᬶ᭞ᬫᬦᬶ᭠
ᬲ᭄ᬋᬫ᭄ᬧᬸᬄᬲᬤᬳᬮᭀᬦ᭄᭞ᬘ᭄ᬦᬶᬂᬓ᭄ᬢᬸᬢ᭄ᬲᬸᬓᬯᬢᬶ᭞ᬩᬢᭂᬓᬶᬤᭂᬧᬾᬚᬦᬶ᭞ᬩ᭄ᬯᬶᬦ᭄ᬧᬶᬤᬦ᭄ᬘᭂᬦᬶᬂᬫᬦᬯᬸᬭ᭄᭞ᬩᬶᬮᬶᬳᬤᬳᬸᬧᬬ᭞ᬚᬮᬦ᭄ᬕᭂᬮᬭᬂᬦᬾᬚᬦᬶ᭞ᬩᬧᬫᬶᬮᬸ᭞ᬢᬸᬯᬶᬕᬕᭂᬮᬭᬦᬓᬲ᭄᭟ᬧᬂᬲᬸᬩᬦᬦ᭄ᬤᬩᬲᬶ᭠
ᬮᬂ᭞ᬲ᭄ᬯᬾᬘ᭄ᬙᬪᬝᬭᬭᬶᬂᬘ᭄ᬦᬶᬂ᭞ᬬᬦ᭄ᬤᬶᬗᭂᬄᬩᬧᬢᬸᬢᬸᬭᬦ᭄᭞ᬲᬂᬓᬳᬶᬘ᭄ᬙᬾᬦ᭄ᬨᬮᬪᬹᬓ᭄ᬢᬶ᭞ᬦᬯᬸᬭᬂᬧᬢᬶᬳᬸᬭᬶᬧ᭄᭞ᬭᬶᬓᬵᬮᬫᬗ᭄ᬕᬶᬄᬧᬓᬾᬯᬸᬄ᭞ᬳᬦᬓᬾᬩᬸᬓᬩᬧ᭞ᬩᬦ᭄ᬢ᭄ᬬᬭᬦᬾᬳᬫ᭄ᬩᬸᬮ᭄ᬚᬦᬶ᭞ᬲᭀᬓ᭄ᬲᬢᬸᬭᬸᬢ᭄
᭞ᬗᬾᬦ᭄ᬢᬾᬳᬦᬾᬫᬸᬮᬲᬬᬂ᭟ᬢᬸᬢ᭄ᬲᬭᬦᭂᬓ᭄ᬦᬶᬗᭂᬳᬂ᭞ᬳᭂᬗ᭄ᬲᭂᬓ᭄ᬤᭂᬗᬄᬩᬸᬓᬮᬦ᭄ᬢᬶᬕ᭄᭞ᬩ᭄ᬗᭀᬂᬢ᭄ᬯᬭᬫᭂᬲᬸᬭᬯᭀᬲ᭄᭞ᬭᭀᬯᬗᬾᬢ᭄ᬮᬄᬗᭂᬤᬶᬦᬶᬦ᭄᭞ᬓᬤᬶᬧᬸᬯᬸᬄᬩᬸᬢᬢᬶᬦ᭄᭞ᬢᭀᬗᬦᬳᬗ᭄ᬕᭀᬦ᭄ᬫᬓᭂᬩᬸ᭠
[᭒᭓ 23A]
ᬩᬸᬭ᭄᭞ᬤᬾᬦᬶᬂᬲᬸᬩᬳᭀᬮᬕᬦ᭄᭞ᬫᬕᬸᬯᬸᬗᬦ᭄ᬓ᭄ᬭᬜ᭄ᬚᬶᬘ᭄ᬦᬶᬓ᭄᭞ᬮᬢ᭄ᬮᬢ᭄ᬫᬦᬸᬓ᭄᭞ᬫᬾᬄᬩᬩᬓ᭄ᬤᬶᬧᬢᭀᬗᭀᬲᬦ᭄᭟ᬧᬸᬦᬧᬶᬫᬮᬶᬄᬩᬯᭀᬲᬂ᭞ᬚᬦ᭄ᬫᬢᬫ᭄ᬩᭂᬢ᭄ᬫᬩᭂᬢ᭄ᬭᬶᬭᬶᬄ᭞ᬢᬦ᭄ᬩᬶᬦᬲᭂᬓᬃᬯᬭᬶᬩᬂ᭞ᬓ᭄ᬭᬩᬯᬾᬦ᭄ᬢᭂᬦ᭄ᬓᬤᬶᬫ
ᬗ᭄ᬓᬶᬦ᭄᭞ᬢᬦ᭄ᬘᬭᬶᬢᬫᬮᬶᬄ᭞ᬲᬵᬫ᭄ᬧᬸᬦ᭄ᬫᬧᬸᬢᬸᬲᬦ᭄ᬫᬦ᭄ᬫᬦ᭄ᬢᬸᬓ᭄᭞ᬲᬭᬯᬸᬳᬾᬭᬶᬂᬕ᭄ᬬᬜᬭ᭄᭞ᬗᬢᬸᬭᬶᬦ᭄ᬲᬧᬭᬳᬶᬲ᭄ᬢ᭄ᬭᬷ᭞ᬫᬗ᭄ᬤᬧᬸᬧᬸᬮ᭄᭞ᬭᬯᬸᬄᬭᬶᬂᬚ᭄ᬭᭀᬩᬜ᭄ᬚᬭᬗ᭄ᬓᬦ᭄᭟ᬩ᭄ᬬᬸᬃᬫᬤᬩ᭄ᬤᬩ᭄ᬫᬫᬃᬕ᭄ᬕᬶ᭞ᬳᬸᬫᬸᬂᬢᬗᬶᬲ᭄ᬲᬚ᭄ᬭᭀᬧᬸᬭᬷ᭞
ᬓᬤᬶᬕᬸᬭᬸᬳᬶᬂᬓᬃᬣᬶᬓ᭞ᬲᬸᬫ᭄ᬬᭀᬓ᭄ᬭᬶᬭᬶᬲ᭄ᬢᭀᬬᬤᬓ᭄ᬱᬶ᭞ᬲᬲᬫ᭄ᬩᬢ᭄ᬗᬲᬶᬳᬲᬶᬄ᭞ᬤᬸᬄᬲᬸᬲᬸᬳᬸᬦᬦ᭄ᬦᬓᬕᬸᬂ᭞ᬲᬵᬫ᭄ᬧᬸᬦ᭄ᬮᬮᬶᬭᬶᬂᬢᬶᬢ᭄ᬬᬂ᭞ᬤᬶᬓᬧᬦ᭄ᬧᬶᬦ᭄ᬢᭂᬮ᭄ᬲᬸᬪᬓ᭄ᬢᬶ᭞ᬧ᭄ᬭᬬᬦᬯᬸᬭ᭄᭞ᬬᬶᬄᬤᬦᬢᬶᬩᬭᬶᬂᬢᬶᬢ᭄ᬬᬂ᭟ᬧᬤᬦ᭄ᬠᬳᬶᬲ᭄ᬢ᭄ᬭᬷ
ᬗᬦ᭄ᬯᬶᬓ᭞ᬲᭂᬍᬕ᭄ᬲᭂᬍᬕ᭄ᬲᭂᬫᬸᬦᬗᬶᬲ᭄᭞ᬭᬢᬸᬭᬢᬸᬲᬋᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦᬂᬩᬲ᭄ᬩᬗᭂᬢ᭄ᬦᬗᬶᬲ᭄᭞ᬰᬰ᭠ᬩᬦ᭄ᬭᬢᬸᬳᬶᬲ᭄ᬢ᭄ᬭᬷ᭞ᬧᬢᬶᬩ᭄ᬭᬢᬳᬸᬕᬶᬕᬶᬦᬸᬂ᭞ᬧᬕᭂᬳᬶᬂᬫᬗᬯᬸᬮᬵᬧᬸᬦᬶᬓᬯᬦ᭄ᬢᬄᬳᬶᬦᬶᬱ᭄ᬝᬶ᭞ᬳᬦᬓᬕᬸᬂ᭞ᬕᬾᬩ᭄ᬭ