Kaca:Bali-lontar-gaguritan-rusak-gianyar-02-300ppi.pdf/27

Kaca puniki sampun kauji-wacén

[᭒᭖ 26B]
᭒᭖
ᬝᬭᬫᬮ᭄ᬩᬸᬯᬯᬸ᭞ᬢᬶᬢ᭄ᬬᬂᬗᬶᬭᬶᬂᬫᬦᬢᬓ᭄᭞ᬲᬧᬳᬸᬤᬸᬄᬲᬂᬳ᭄ᬬᬂᬯᬷᬥᬶ᭞ᬫᬗ᭄ᬤᬾᬧᬸᬧᬸᬢ᭄᭞ᬢᬗ᭄ᬓᬄᬪᬓ᭄ᬢᬶ᭠ᬦᬾᬗᬯᬸᬮ᭟ᬲᬸᬩᬬᬂᬩ᭄ᬮᬶᬜᭂᬮ᭄ᬲᭂᬮᬂ᭞ᬧᬕᬯᬾᬦ᭄ᬢᬶᬢ᭄ᬬᬗᬾᬗᬹ᭞ᬦᬸᬫᬶᬢᬶᬲ᭄ᬓᬫᬤᬸᬧᬥ᭞ᬫᬾᬄᬭᬵ᭠
ᬢᬾᬳᬤᬧ᭄ᬮᬶᬄ᭞ᬫᬓ᭄ᬭᬡᬩᬸᬓᬚᬦᬶ᭞ᬢᬾᬂᬢᬾᬂᬩᬭᬾᬭᬾᬲᬢᬸᬯᬸᬓ᭄᭞ᬧᬶᬤᬦ᭄ᬲᬸᬳᬸᬤ᭄ᬓᬳᬸᬘᬧ᭄᭞ᬨᬮᬦᬾᬩᬲ᭄ᬢᬓᬸᬢ᭄ᬫᬵᬢᬶ᭞ᬗᬸᬮᬳᬶᬤᬸᬧ᭄᭞ᬢ᭄ᬯᬭᬗᬶᬢᬸᬗᬸᬚᬃᬧᬭ᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬦᬶᬲ᭄ᬢ᭞ᬲᬢᬢᬢ᭄ᬓᬗᭂᬩᬸ᭠
ᬓᬶᬦ᭄᭞ᬜᬫᬜᬫᬓᬤᬂᬯᬃᬕ᭄ᬕ᭞ᬘᭂᬭᬶᬓ᭄ᬘᭂᬭᬶᬓ᭄ᬧᬥᬲᬫᬶ᭞ᬢᬶᬢ᭄ᬬᬂᬗᬢᬸᬭᬶᬦ᭄ᬩᭂᬮᬶ᭞ᬤᬸᬄᬓᬶᬢᬯᬶᬭᬂᬲ᭠ᬢᬸᬯᬸᬓ᭄᭞ᬗᬸᬢᬂᬬᬰᬦ᭄ᬓᬯᬶᬢᬦ᭄᭞ᬇᬦ᭄ᬤ᭄ᬭᬶᬬᬦᬾᬫᬜᬧᬸᬢᬶᬦ᭄᭞ᬧ᭄ᬢᬂᬧᬶᬢᬸ᭞ᬗ᭄ᬳᬶᬂᬲᬓᬾᬂᬧᬕᬯᬾᬦ᭄ᬢᬶᬢ᭄ᬬᬂ᭞
᭟ᬗᬤᭂᬕ᭄ᬭᬭᬶᬲ᭄ᬓᬕᭂᬤᭀᬗᬦ᭄᭞ᬫᬤᬦ᭄ᬤᬦ᭄ᬢᬗᬦ᭄ᬲᬂᬓᬮᬶᬄ᭞ᬳᬦᬓᬕᬸᬂᬫᬾᬥᬾᬭᬓ᭞ᬲᬋᬂᬲᬫ᭄ᬢᭀᬦᬾᬓᬮᬶᬄ᭞ᬲᬋᬗᬦᬓᬕᬸᬂᬫᬗ᭄ᬕᬶᬲ᭄᭞ᬫᬩᬯᭀᬲ᭄ᬲᬤᬲᬶᬗᬶᬤ᭄᭞ᬩᭀᬬᬯᬾᬦ᭄ᬢᭂᬦᬦᬓ᭄ᬯᭂᬭᬸᬄ᭞ᬬᬦ᭄ᬦᬧᬶᬧᬶᬤ
[᭒᭗ 27A]
ᬕᬶᬗᬦ᭄᭞ᬫᬮᬶᬄᬫ᭄ᬤᬮ᭄ᬲᬋᬂᬓᬮᬶᬄ᭞ᬩᭀᬬᬓᬦ᭄ᬢᬸᬦ᭄᭞ᬲᬂᬓᬮᬶᬄᬭᬲᬲᬸᬗ᭄ᬓᬯ᭟ᬓᬬᬸᬯᬾᬦ᭄ᬤᬯᭂᬕ᭄ᬭᬶᬂᬤᬶᬦ᭞ᬩᬸᬤᬯᬕᬾᬯᬭᬫ᭄ᬭᬓᬶᬄ᭞ᬳᬶᬤᬳᬦᬓᬕᬸᬂᬗᬸᬭᬄ᭞ᬲᬋᬂᬲᬫ᭄ᬢᭀᬦᬾᬓᬮᬶᬄ᭞ᬫᬮᬶᬄᬯᬶᬓᬸᬓᬓᬮᬶᬄ᭞᭠
ᬧᬫᬃᬕ᭄ᬕᬶᬦᬾᬜᬸᬦᬸᬢ᭄ᬜᬸᬦᬸᬢ᭄᭞ᬧᬢᭂᬄᬲᬫᬶᬫᬫᭀᬕᭀᬮ᭄᭞ᬳᬶᬭᬶᬗᬦ᭄ᬲᬫᬶᬗᬍᬤᬶᬂ᭞ᬗᬸᬗ᭄ᬲᬶᬓ᭄ᬮᬸᬗ᭄ᬓᬸᬂ᭞ᬧ᭄ᬭᬬᬗᬢᬸᬭᬂᬓᬯᬶᬢᬦ᭄᭟ᬳᭀᬃᬣᬶᬦᬾᬧᬘᬂᬓᬭᬸᬲᬓ᭄᭞ᬳᬦ᭄ᬢᬸᬓ᭄ᬧᬭᬳᬕᬸᬂᬲᬫᬶ᭞ᬬᬦ᭄ᬢᬦ᭄ᬗᬢᬸᬭᬂᬓᭂᬫᬶᬢᬦ᭄
᭞ᬭᬶᬗᬶᬤᬲᬂᬫᬸᬢᭂᬃᬩᬮᬶ᭞ᬫᬮᬶᬄᬓᬯᬶᬢᬦ᭄ᬲᬫᬶ᭞ᬓᬯᭂᬍᬓ᭄ᬦᬄᬓᬶᬚᬮᬓᬸ᭞ᬓᬤᬶᬲᬂᬳᬰ᭄ᬯᬢᬫ᭞ᬫᬗᬢᬸᬭᬂᬘᬸᬥᬫᬡᬶ᭞ᬬᬦ᭄ᬢᬦ᭄ᬓᬢᬸᬭ᭄᭞ᬬᬸᬱᬦᬾᬗᭂᬫᬲᬶᬦ᭄ᬢᭂᬮᬲ᭄᭟ᬢ᭄ᬯᬶᬲᬓᬾᬂᬕᬕᭂᬫᭂᬭᬶᬤ᭞ᬪᬝᬭᬤᬾ
ᬯᬕᬸᬂᬓᬮᬶᬄ᭞ᬗᬶᬫ᭄ᬧᭂᬓ᭄ᬗᭂᬮᬾᬦᬂᬧᬗᬓ᭄ᬱ᭄ᬬᬦ᭄᭞ᬫᬧᬶᬫᬧᬶᬦᬾᬦ᭄ᬢᭂᬦ᭄ᬦᬶᬂ᭞ᬤᬭᭀᬧᭀᬦ᭄ᬢᬶᬤᭀᬂᬕᬶᬕᬶᬲ᭄᭞᭠ᬩᭀᬬᬗᬶᬢᬸᬗᬮᬳᬬᬸ᭞ᬲᭀᬓ᭄ᬧ᭄ᬭᬲᬶᬤᬫᬩᬳᬳᬦ᭄᭞ᬢᬦ᭄ᬳᬾᬮᬶᬗᬂᬲᬦᬾᬭᬶᬳᬶᬦ᭄᭞ᬲᬗ᭄ᬓᬦᬕᬸᬂ᭞ᬤᭀᬂᬲ