Kaca:Bali-lontar-gaguritan-rusak-gianyar-02-300ppi.pdf/32

Kaca puniki sampun kauji-wacén

[᭓᭑ 31B]
᭓᭑
᭞ᬦᬾᬦ᭄ᬢᬾᬂᬓᬫ᭄ᬩᭂᬦ᭄ᬢ᭄ᬯᬭᬳᬕᬸᬤ᭄᭞ᬭᬭᬲ᭄ᬘᬭᬕᬶᬬᬜᬭ᭄᭞ᬳᬲᬶᬂᬢᬸᬫᭀᬦ᭄ᬫ᭄ᬭᬲᬧᬮᬶᬂ᭞ᬓᬾᬄᬬᬦ᭄ᬯᬸᬯᬸ᭠ᬲ᭄᭞ᬯᬸᬲ᭄ᬭᬯᬸᬄᬭᬶᬂᬧᬸᬭᬷᬲᬢ᭄ᬭᬶᬬ᭟ᬲᬭᬯᬸᬄᬭᬶᬂᬲᬢ᭄ᬭ᭄ᬬᬓᬯᬦ᭄᭞ᬫᬮᬶᬄᬫᬕᬸᬮᬸᬗᬦ᭄ᬢᬗᬶᬲ᭄᭞ᬧᬸᬦᬶᬓᬦᬶᬤᬾᬲ
ᬓ᭄ᬕᭂᬤᭀᬂ᭞ᬫᬗᬫ᭄ᬩᬶᬮ᭄ᬩᬢᬳᬢᭂᬩᬶᬄ᭞ᬢᬗ᭄ᬓᬳᬾᬳᭀᬜᬢᬶᬢᬶᬕ᭄᭞ᬲᬲᬫ᭄ᬩᬦᬾᬰᬕ᭄ᬮᬸᬃᬕ᭄ᬮᬸᬃ᭞ᬳᬸᬭᬶᬧᬾᬦᬦ᭄ᬤᬂᬚᭂᬗᬄ᭞ᬓᬓᭂᬤᬾᬓᬦ᭄ᬩᬳᬦ᭄ᬕᬸᬫᬶ᭞ᬤᬾᬯᬭᬢᬸ᭞ᬩᬶᬦ᭄ᬧᬶᬤᬦ᭄ᬫᬫᬗ᭄ᬕᬶᬄᬩᬕ᭄ᬬ᭟ᬧᬸᬦᬧᬶᬫᬮᬶᬄᬩᬯᭀ᭠
ᬲᬂ᭞ᬧᬦ᭄ᬲᬵᬫ᭄ᬧᬸᬦ᭄ᬫᬓᬸᬫ᭄ᬧᬸᬮ᭄ᬲᬫᬶ᭞ᬕ᭄ᬬᬜᬃᬫᬶᬯᬄᬩᬜ᭄ᬚᬭᬗ᭄ᬓᬦ᭄᭞ᬳᬕᬸᬗᬮᬶᬢ᭄ᬮᬦᬂᬳᬶᬲ᭄ᬢ᭄ᬭᬷ᭞ᬢ᭄ᬯᬭᬤᬤᬶᬧᭂᬮᬶᬳᬶᬦ᭄᭞ᬲᬋᬂᬫᬫᬗ᭄ᬕᬶᬄᬩᬋᬯᬸᬄ᭞ᬢᬺᬱ᭄ᬡᬦᬾᬫᬲᬫ᭄ᬢᭀᬦ᭄᭞ᬬᬤ᭄ᬬᬧᬶᬦ᭄ᬢᬶᬩᬾᬗᬯᬾᬘᬶ᭞ᬳᬦᬓ᭄ᬧ
ᬢᬹᬢ᭄᭞ᬫᬗ᭄ᬓᬶᬦ᭄ᬫᬮᬶᬄᬘᬭᬶᬢᬬᬂ᭟ᬩᬯᬸᬭᬯᬸᬳᬾᬭᬶᬂᬲᬢ᭄ᬭ᭄ᬬ᭞ᬓᬗᭂᬦᬦᬓᬾᬫᬩᬮᬶᬄ᭞ᬫᬤᭂᬓᭂᬲᬦ᭄ᬯᬾᬦ᭄ᬢᭂᬦ᭄ᬩᭂᬗᭀᬂ᭞ᬢ᭄ᬓᬾᬦ᭄ᬢᬶᬫ᭄ᬧᬮᬾᬫᬚᬶᬦ᭄ᬚᬶᬦ᭄᭞ᬫᬓ᭄ᬭᬡᬩᬸᬓᬚᬦᬶ᭞ᬤᬤᬶᬫᬫᬗ᭄ᬕᬶᬳᬂᬮᬘᬸᬭ᭄᭞ᬦᬓᬕᬸᬂ
[᭓᭒ 32A]
ᬲᬓᬾᬶᬕ᭄ᬬᬜᬭ᭄᭞ᬓᬳᬸᬘᬧ᭄ᬫᬸᬮᬲᬸᬪᬓ᭄ᬢᬶ᭞ᬓᬓᬮᬸᬗ᭄ᬓᬸᬂ᭞ᬳᭀᬕᬦ᭄ᬫᬗᬢᬸᬭᬂᬚᬕᬢ᭄᭟ᬬᬦ᭄ᬓᬬᬸᬦᬶ᭠ᬤᬫᬢᬸᬗ᭄ᬓᬲ᭄᭞ᬫᬗ᭄ᬤᬾᬢᬶᬤᬩᬸᬓᬚᬦᬶ᭞ᬮᬶᬬᬸᬫᬜ᭄ᬘᬲᬫ᭄ᬢᭀᬦᬦ᭄᭞ᬦᬸᬫᬗ᭄ᬕᭂᬄᬧᬘᬂᬲᬸᬪᬓ᭄ᬢᬶ᭞ᬩᬶᬮᬶᬄᬫᬩ
ᬭᬶᬩᬭᬶ᭞ᬫᬾᬄᬍᬩᬸᬃᬲᬕᬸᬫᬶᬓ᭄ᬮᬸᬗ᭄ᬓᬸᬂ᭞ᬢ᭄ᬯᬳᬾᬮᬶᬂᬫᬓᬯᬶᬢᬦ᭄᭞ᬲᬓᬭᬶᬂᬢᭂᬍᬂᬲᬸᬪᬓ᭄ᬢᬶ᭞ᬳᬧᬂᬮᬶᬲᬸᬄ᭞ᬧᬜᬸᬚᬸᬭᬾᬓᬦᬶᬲ᭄ᬓᬮ᭟ᬘᭀᬓᭀᬃᬤᬤᬾᬯᬕᬸᬂᬢᬶᬕ᭄᭞ᬗᬮᬶᬗ᭄ᬕᬶᬳᬶᬦ᭄ᬢᬸᬯᬳᬸᬯᬶ᭞ᬦᬸᬓᬘᭀᬓᭀᬃᬢᬦᬵ
ᬕᬭ᭞ᬩ᭄ᬮᭀᬕᬚᬸᬫ᭄ᬢᬶᬤᭀᬂᬕᬶᬕᬶᬲ᭄᭞ᬫᬭᬓᬓᭀᬦᬶᬦ᭄ᬭᬩᬶ᭞ᬮᬓᬃᬤᬸᬤᬸᬓᬗ᭄ᬕᭀᬦ᭄ᬫᬦ᭄ᬢᬸ᭞ᬳᬾᬮᬶᬂᬭᬶᬫᬲᬫ᭄ᬢᭀᬦ᭄᭞ᬢ᭄ᬯᬭᬗᬶᬗᭂᬢᬂᬦᬾᬗᬹᬦᬶ᭞ᬲᬸᬩᬕᬧᬸᬮ᭄᭞ᬗᬮᬸᬗ᭄ᬲᬸᬃᬜᭂᬫ᭄ᬩᬄᬓᬕ᭄ᬬᬜᬭ᭄᭟ᬓᬗᭂᬦ᭄ᬲᬚᬫ
ᬫᬗᭂᬦᬂ᭞ᬳᬶᬧᬬᬗᬦ᭄ᬢᬫ᭄ᬧᬓ᭄ᬲᬶᬭᬶᬂ᭞ᬫᬶᬮᬸᬕᬶᬭᬂᬫᬲᬶᬢᬸᬗ᭄ᬓᬲ᭄᭞ᬓᬳᬸᬩᬸᬳᬶᬦᬸᬮᬶᬘ᭄ᬦᬶᬓ᭄᭞ᬓ᭄ᬭᬩᬦᬾᬗ᭄ᬮᬄᬕᬸᬫᬶ᭞ᬳᬓᬾᬄᬲ᭄ᬯᬾᬘ᭄ᬙᬦᬦᬓᬕᬸᬂ᭞ᬲᬸᬩᬓᬤᬫᬧᬸᬢ᭄ᬭ᭞ᬳᬦ᭄ᬢᬸᬓᬦᬓᬕᬸᬂᬫᬗ᭄ᬕᬶᬲ᭄᭞ᬫᬧᭂᬭᬲ᭄