[᭓᭒ 32B]
᭓᭒
᭞ᬜᭂᬫ᭄ᬩᬄᬫᬯᬶᬥᬶᬯᬾᬤᬦ᭟ᬫᬲᬶᬄᬫᬗᬓᬸᬳᬕᬸᬗᬦ᭄᭞ᬢ᭄ᬯᬭᬗᬮᬶᬬᬢᬶᬦ᭄ᬮᬗᬶᬢ᭄᭞ᬢᬦ᭄ᬩᬶᬦᬩᬸᬓᬫᬚᬮᬦ᭄᭞ᬫᬮᬶᬓᬶᬦ᭄ᬤᬶᬦᬦᬾᬳᬶᬩᬶ᭞ᬬᬾᬦ᭄ᬚᭀᬄᬤᬤᬶᬮᬬᬭᬶᬦ᭄᭞ᬭᬾᬄᬓᬤᬸᬂᬲᬸᬩᬫᬘᭂᬫ᭄ᬧ᭄ᬮᬸᬂ᭞ᬦᬶᬂ
ᬤᭀᬦ᭄ᬗᭂᬭᬶᬓᬶᬦ᭄ᬮᬶᬤᬄ᭞ᬮᬶᬗ᭄ᬮᬸᬂᬜᬶᬗᬓ᭄ᬧᬳᬧᬸᬲᬶᬄ᭞ᬩᬲ᭄ᬓᬤ᭄ᬮᬸᬫᬸᬓᬓ᭄᭞ᬜᬕ᭄ᬚᬕᬶᬦ᭄ᬦᬾᬢᭀᬂᬫᬩᬢ᭠ᬦ᭄᭟ᬧᬭᬳᬕᬸᬗᬾᬤᬶᬕ᭄ᬬᬜᬭ᭄᭞ᬲᬦ᭄ᬢᬦᬦ᭄ᬤᬍᬫ᭄ᬲᬸᬚᬢᬶ᭞ᬓ᭄ᬦᬩᬦᭀᬮᬾᬲᭀᬮᬾᬲᬦ᭄᭞ᬳᭂᬗ᭄ᬲ
ᬧ᭄ᬢᭂᬓᬾᬦ᭄ᬲᬸᬩᬜᬭᬶᬓ᭄᭞ᬩᬸᬓᬄᬳᬶᬩ᭄ᬮᬄᬩᬢᬸᬄᬩᬸᬯᬶᬦ᭄᭞ᬗᬸᬭᬳᭀᬓᬫᭀᬫᭀᬗᬕᬸ᭞ᬗᬾ᭠ᬭᬗᬂᬓᬯᬗᬾᬦ᭄ᬜ᭞ᬳᬦᬳᬓ᭄ᬧᬢᬹᬢᬶᬤᬜᬫ᭄ᬧᬶᬂ᭞ᬳᬦᬓᬕᬸᬂ᭞ᬕ᭄ᬠᬾᬳᭀᬓᬭᬢ᭄ᬦᬓᬦ᭄ᬬ᭟ᬗᬸᬭᬄᬓ᭄ᬢᬸᬢ᭄ᬩ
ᬲ᭄ᬤ᭄ᬭᭀᬯᬓ᭞ᬓ᭄ᬭᬡᬳᬕᬸᬂᬩᬸᬓᬚᬦᬶ᭞ᬧᬂᬲ᭄ᬯᬾᬘ᭄ᬙᬦ᭄ᬦᬓᬕᬸᬂᬕ᭄ᬬᬜᬭ᭄᭞ᬫᬥᬾᬧᬲᭂᬓ᭄ᬫᬗᬃᬤᬶᬦᬶᬦ᭄᭞ᬫᬸᬮᬚ᭄ᬭᭀᬓᬮᬾᬃᬓᬗᬶᬦ᭄᭞ᬓᬚᭂᬦᭂᬗᬂᬤᬤᬶᬳᬕᬸᬂ᭞ᬗᬯᭂᬓ᭄ᬯᬂᬗᬸᬭᬳᭀᬓ᭞ᬕᬸᬲ᭄ᬢᬶᬳᬮᬶᬢ᭄ᬗᬸᬭᬄ
[᭓᭓ 33A]
ᬩᬸᬯᬶᬦ᭄᭞ᬢᬹᬢ᭄ᬲᬤᬸᬮᬸᬭ᭄᭞ᬗᬸᬭᬄᬫᬥᬾᬫᬗ᭄ᬕᬸᬮ᭄ᬗᬲ᭄ᬩᬂ᭟ᬤᭀᬗᬫ᭄ᬩᬸᬮ᭄ᬢᭀᬲ᭄ᬯᬾᬘ᭄ᬙᬦᬶᬤ᭞ᬪᬝᬭ᭠ᬦᬓᬕᬸᬂᬫᬗ᭄ᬕᬶᬲ᭄᭞ᬩᬋᬂᬗᬕᬸᬗᬶᬦ᭄ᬤᬶᬕ᭄ᬬᬜᬭ᭄᭞ᬫᬲᬶᬄᬮᬸᬢᬦ᭄ᬲᬸᬪᬓ᭄ᬢᬶ᭞ᬢᭂᬕᬭᬂᬫᬢᭀᬄᬚᬦᬶ᭞ᬲ
ᬲᬦᭂᬫᭀᬓᬂᬭᬳᬬᬸ᭞ᬫᬾᬄᬓ᭄ᬦᬩ᭄ᬭᬳ᭄ᬫᬵᬲᭂᬢ᭄ᬬ᭞ᬲᬓᬜ᭄ᬘᬦᬾᬢᬦ᭄ᬲᬸᬪᬓ᭄ᬢᬶ᭞ᬲᬶᬂᬚᬩᬸᬯᬸᬂ᭞ᬮᬓᬃᬦᭂᬧᬸᬓᬶᬦ᭄ᬦᬭᬓᬳᬧᬦ᭄ᬫ᭄ᬭᬕᬂᬳ᭄ᬬᬂᬥᬃᬫ᭄ᬫ᭞ᬯᬮᬸᬬᬦᬶᬲ᭄ᬓᬮᬚᬢᬶ᭞ᬧᬫᬃᬕ᭄ᬕᬦ᭄ᬦᬓᬕᬸᬂᬕ᭄ᬬᬜᬭ᭄᭞ᬚᬧ᭄ᬚᬧᬶᬤᭂᬧᬾ
ᬫᬶᬦᭂᬳᬶᬦ᭄᭞ᬢᬦ᭄ᬧᬾᬦ᭄ᬤᬄᬫᬸᬮᬧᬤᬶ᭞ᬫᬲᬮᬓᬃᬫᬸᬧᬸᬚᬕᬸᬂ᭞ᬓᬾᬢᭀᬬᬦᬶᬂᬭᬲᬬᬂ᭞ᬳᬕᭂᬢᬘᬸᬭᬾᬫ᭄ᬓᬤᬶᬦ᭄᭞ᬢᬸᬃᬫᬲᬳᬸᬭ᭄᭞ᬢᬶᬫ᭄ᬧᬮᬶᬧᬸᬦ᭄ᬤᬶᬲᬫ᭄ᬧᬶᬗᬦ᭄᭟ᬓᬾᬢᭀᬲᬚᬬᬦ᭄ᬓᭂᬦᭂᬳᬂ᭟ᬢ᭄ᬯᬭᬧ᭄ᬮᬶᬄᬫᬸᬜᬶᬦ᭄ᬘ
ᬳᬶ᭞ᬲᬓᬾᬂᬤᬾᬯᬕᬸᬂᬗ᭄ᬭᬩᬬᬂ᭞ᬲᬗ᭄ᬓᬦᬤᬩᬸᬓᬚᬦᬶ᭞ᬬᬦ᭄ᬮᬦ᭄ᬢᬗᬂᬫᬶᬦᭂᬳᬶᬦ᭄᭞ᬢᬸᬮ᭄ᬬᬦᭂᬧ᭄ᬢᭂᬧ᭄ᬢᬗᬫ᭄ᬲᬸᬓᬸ᭞ᬩᬸᬓᬗ᭄ᬚᭂᬂᬩᬳᬶᬗᬲ᭄᭞ᬳᬸᬮᬶᬫᬸᬜ᭄ᬘᬸᬓ᭄ᬩᬦ᭄ᬗᭂᬤᭂᬢᬶᬦ᭄᭞ᬲᬶᬦᬄᬲᬦ᭄ᬚᬸᬮ᭄᭞ᬧᬬᬸᬫᬳᬾᬫᬾᬤᬾᬫᬾᬤᬦ᭄᭟
Kaca:Bali-lontar-gaguritan-rusak-gianyar-02-300ppi.pdf/33
Kaca puniki sampun kauji-wacén
