[᭓᭖ 36B]
᭓᭖
ᬕ᭄᭞ᬫᬥᬾᬋᬩᬸᬢ᭄ᬳᬶᬩᬸᬢ᭄ᬳᬶᬋᬕᬄ᭞ᬳᬶᬕᭂᬮᬃᬳᬶᬘᬸᬩᬸᬂᬫᬮᬶᬄ᭞ᬯᬢᭂᬓ᭄᭞ᬓ᭄ᬱᬢ᭄ᬭᬶᬬ᭞ᬤ᭄ᬯᬩᬤᬸᬂᬢ᭄ᬯᬳᬲᬶᬓᬶ᭟ᬩ᭠ᬜ᭄ᬚᬭᬗᬓᬗ᭄ᬓᬦ᭄ᬳᬶᬮᬶᬫ᭄ᬩᬓ᭄ᬲᬋᬂᬳᬶᬯᬯ᭞ᬤᬸᬯᬾᬦ᭄ᬜᬓᬭᬦ᭄ᬤᬳᬶᬦ᭄᭞ᬭᬳ᭄ᬯᬶᬂᬧ᭄ᬬᬦᬓ᭄ᬲᭀᬫᬄ᭞ᬲᬫᬶᬓᬭᬵᬚᬩ᭠
ᬬᬓᬕ᭄ᬤᭀᬲ᭄ᬓᬢᬸᬦ᭄ᬤᬸᬂᬲᬫᬶ᭞ᬮᬾᬦ᭄ᬓᬧᬤᭂᬫᬂ᭞ᬓᬾᬄᬭᬭᬸᬤ᭄ᬦᬶᬗ᭄ᬕᬮ᭄ᬕᬸᬫᬶ᭟ᬢᬦ᭄ᬧᭀᬧᬫᬮᬾᬤᬂᬤᬍᬫᬾᬲᬢᬢ᭞ᬫᬶᬘᬫᬶᬘᬬᬦ᭄ᬲᬳᬶ᭞ᬲᬃᬯ᭄ᬯᬫᬮᬗ᭄ᬲᬶᬗᬦ᭄᭞ᬢᬦ᭄ᬲᬄᬧ᭄ᬭᬡ᭄ᬠᬧᬶᬤᬤ᭞ᬗᬸᬮᬸᬗᬸᬮᬸᬗᬶᬦᬯᬾᬘᬶ᭞
ᬢᬦ᭄ᬲᬸᬫᬦ᭄ᬤᬸᬬ᭞ᬫ᭄ᬭᬕᬧᬢᬶᬃᬣᬦ᭄ᬕᬸᬫᬶ᭟ᬘᭀᬓᭀᬃᬤᬫᬥᬾᬮᬦ᭄ᬘᭀᬓᭀᬃᬤᬕ᭄ᬠᬾᬳᭀᬓ᭞ᬲᬋᬂᬘᭀᬓᭀᬃᬤᬮᬶᬗ᭄ᬲᬶᬭ᭄᭞ᬢᬦ᭄ᬲᬄᬦᬸᬦᬲ᭄ᬚᬕᬢ᭄᭞ᬤᬾᬯᬕᬸᬂᬤᬸᬭᬸᬂᬩᬾᬩᬲ᭄᭞ᬤᬾᬦᬶᬂᬓᬭᬶᬫᬫᬶᬦᭂᬳᬶ
ᬦ᭄᭞ᬓᬦ᭄ᬢᬸᬦ᭄ᬓᬸᬭᬂ᭞ᬫᬋᬩᬸᬢ᭄ᬦᬸᬦᬲ᭄ᬮᬶᬗ᭄ᬕᬶᬄ᭟ᬫᭂᬗ᭄ᬓᭂᬓ᭄ᬩᭀᬗ᭄ᬕᬦ᭄ᬢᬦ᭄ᬓᬶᬫᬸᬤ᭄ᬜᬸᬂᬚᬸᬗᬦ᭄ᬭᬕ᭞ᬗᭀᬃᬣᬲᬮᬶᬂᬮᬶᬫ᭄ᬧᬤᬶᬦ᭄᭞ᬓᭂᬦ᭄ᬤᭂᬮᬾᬓᬮᬶᬯᬢ᭄᭞ᬜᬕᭂᬭᬂᬢᬲ᭄ᬯᬾᬘᬦᬦ᭄᭞ᬧᬵᬦ᭄ᬢᭂᬗᬶᬦ᭄ᬓᬕᬸᬭᬷᬦᬗ᭄ᬓᬶᬮ᭄᭞ᬫᬵ᭠
[᭓᭗ 37A]
ᬍᬫᬍᬫᬦ᭄᭞ᬗᬮᬶᬤᬸᬦᬸᬦᬲ᭄ᬕᬸᬫᬶ᭟ᬧᬸᬢ᭄ᬭᬦ᭄ᬧᬦᬯᬶᬂᬧᬭᬩ᭄ᬘᭀᬓᭀᬃᬤᬭᬓ᭞ᬩᬕᬸᬲ᭄ᬢᬾᬢᬾᬄᬢᬸᬃᬭᬶᬭᬶᬄ᭞ᬲᬵᬫ᭄ᬧᬸᬦ᭄ᬓᬲᬸᬓ᭄ᬱᬭ᭞ᬚᬸᬭᬸᬗᬮᬧ᭄ᬧᬶᬢᬺᬱ᭄ᬡ᭞ᬳᬲᬶᬂᬓᬧᬗ᭄ᬕᬶᬄᬲ᭄ᬭᭀᬫᬾᬳᬶᬦ᭄᭞ᬲᬂᬲᬓᬾᬂᬕ᭄ᬬᬜ᭠
ᬭ᭄᭞ᬲᬫᬶᬳᬗ᭄ᬓᭂᬦᬶᬦ᭄ᬯᬃᬕ᭄ᬕᬶ᭟ᬧᬜ᭄ᬚᬂᬲᬵᬫ᭄ᬧᬸᬦ᭄ᬲᬳᬶᬦ᭄ᬤᬶᬓ᭄ᬓ᭄ᬮᬸᬗ᭄ᬓᬸᬂᬫᬾᬘᬸᬦ᭄ᬤᬂ᭞ᬕᬸᬫᬦ᭄ᬢᬶᬓᬶᬭᬗᬶᬦ᭄᭞᭠ᬲᭀᬓ᭄ᬫᬩᬦ᭄ᬢᬗᬸᬕ᭞ᬩᭀᬬᬜ᭄ᬤᬂᬧᬜ᭄ᬚᬗᬂ᭞ᬭᬾᬄᬓᬤᬸᬂᬲᬵᬫ᭄ᬧᬸᬦ᭄ᬮᬸᬫᬶᬦ᭄ᬤᬶᬄ᭞ᬲᬤ᭄ᬬᬫᬭᬕ᭞ᬲᬂᬫᬸᬢᭂᬃᬚᬕ
ᬢ᭄ᬩᬮᬶ᭟ᬪᬝᬭᬤᬍᬫ᭄ᬕᭂᬮᬶᬲ᭄ᬗᬸᬢᬸᬲ᭄ᬳᬶᬕ᭄ᬯᬾᬩᬕ᭄᭞ᬕᬸᬲ᭄ᬢᬶᬓᬋᬧᭂᬦ᭄ᬜᬋᬗᬶᬦ᭄᭞ᬫᬜᬦ᭄ᬢᭀᬲᬂᬳᭂᬧᬓ᭄᭞ᬭᬶᬂᬓᬢᬾᬯᬾᬮ᭄ᬫ᭄ᬯᬂᬕ᭄ᬬᬜᬭ᭄᭞ᬳᭂᬧᬓ᭄ᬳᬫ᭄ᬧ᭄ᬬᬸᬳ᭄ᬦᭂᬧᬓ᭄ᬕᬫ᭄ᬩᬶᬭ᭄᭞ᬲᬩᬦ᭄ᬤᬃᬕ᭄ᬬᬜᬭ᭄᭞ᬲᭂᬗ᭄ᬓᬾᬳᭀᬄᬗᭃᬧᬓ᭄ᬲ
ᬫᬶ᭟ᬲᬵᬫ᭄ᬧᬸᬦ᭄ᬚᬦ᭄ᬢᭂᬦ᭄ᬲᬳᬶᬦ᭄ᬤᬶᬓ᭄ᬳᭂᬧᬓ᭄ᬧᬸᬦᬶᬓ᭞ᬳᬾᬲᭀᬢᬶᬩᬦ᭄ᬤᬃᬕᬶᬧᬶᬄ᭞ᬦᬫ᭄ᬬᬸᬩᬦ᭄ᬫᬲᬓᬦ᭄᭞ᬳᬸᬲᬦ᭄ᬫᬤᬳᬃᬩᬸᬤᬮ᭄᭞ᬫᬫᬓ᭄ᬢᬳᬫ᭄ᬧ᭄ᬬᬸᬦᬧ᭄ᬢᬶ᭞ᬧᬘᬂᬭᬬᬸᬦ᭄᭞ᬪᬝᬭᬤᬍᬫ᭄ᬓᭂᬜᬶᬭ᭄᭟ᬳᬫ᭄ᬮᬢ᭄ᬮᬾᬤᬂᬭᬶ
Kaca:Bali-lontar-gaguritan-rusak-gianyar-02-300ppi.pdf/37
Kaca puniki sampun kauji-wacén
