[᭕᭖ 56B]
᭕᭖
ᬗ᭄ᬲᬶ᭞ᬕᬸᬦᬸᬂᬧᬗᬾᬍᬗᬦ᭄ᬦᬶᬜ᭄ᬚᭀ᭞ᬲᬓᬫᬢᬦ᭄ᬲᬃᬯ᭄ᬯᬩ᭄ᬘᬶᬓ᭄᭞ᬤᬦᬸᬦᬶᬃᬫ᭄ᬫᬮᬰᬸᬘᬶ᭞ᬕ᭄ᬦᬄᬢᬶᬃᬣᬓᬫ᭠ᬦ᭄ᬤᬮᬸ᭞ᬬᬢᬓᭀᬘᬧ᭄ᬲᬂᬢᬸᬫᭀᬦ᭄᭞ᬧᬤᭂᬮᭀᬓᬲᭂᬩᭂᬗᬾᬲ᭄ᬤᬶᬄ᭞ᬭᬲᬗᬸᬦ᭄ᬗᬸᬦ᭄᭞ᬓᬗᭂᬦ᭄ᬗᭂᬢᭀᬦ᭄ᬲᬂ᭠
ᬓᬮᬭᬦ᭄᭟ᬫᬩᭂᬋᬤ᭄ᬭᬭᬸᬤ᭄ᬗᬮᬾᬭᬂ᭞ᬯᬾᬦ᭄ᬢᭂᬦ᭄ᬜᬶᬗᬮ᭄ᬧ᭄ᬬᬦᬓ᭄ᬘᭂᬦᬶᬓ᭄᭞ᬦᬕᬶᬄᬫᬸᬮᬶᬄᬧᬧ᭄ᬮᬂᬲᬕᬦ᭄᭞ᬤᬸᬧ᭄ᬤᬸᬧᬂᬳᬶᬦ᭄ᬤᭂᬗᬂᬗᭂᬮᬶᬂ᭞ᬯᬾᬦ᭄ᬢᭂᬦ᭄ᬓᭂᬘᬕ᭄ᬭᬶᬂᬫᬃᬕ᭄ᬕᬶ᭞ᬫᬲᬗᬶᬤᬦ᭄ᬫᬸᬮ᭄ᬬᬦ᭄ᬜᬶᬦᬸᬢ᭄᭞ᬫᬗᬸᬗ᭄ᬲᬶᬧᬓᬤᬗᬦ᭄᭠
ᬩᭀᬬᬤᬸᬭᬸᬲᬶᬧᬸᬦ᭄ᬗᬶᬭᬶᬂ᭞ᬲᬕᬾᬢ᭄ᬭᬯᬸᬄ᭞ᬲᬵᬫ᭄ᬧᬸᬦ᭄ᬲᭀᬭᬾᬭᬶᬧ᭄ᬮᬶᬬᬢᬦ᭄᭟ᬓᭀᬘᬧ᭄ᬘᭀᬓᭀᬃᬤ᭠ᬧ᭄ᬮᬶᬬᬢᬦ᭄᭞ᬬᬸᬱᬓᬦ᭄ᬢᬸᬦᬮᬶᬢᬮᬶᬢ᭄᭞ᬓᬾᬯᬮᬘᭀᬓᭀᬃᬤᬭᬓ᭞ᬲᬭᬾᬦ᭄ᬓᬯᬸᬄᬲᬵᬫ᭄ᬧᬸᬦ᭄ᬮᬶᬗ᭄ᬲᬶ᭠
ᬭ᭄᭞ᬤᬾᬯᬓᬮᬾᬃᬫᬢᬶᬢᬳᬶᬦ᭄᭞ᬦᬫ᭄ᬧᬮᬶᬗ᭄ᬕᬶᬄᬲᬂᬗᬯᭂᬗ᭄ᬓᬸ᭞ᬮᬦ᭄ᬫᬜ᭄ᬘᬧᬢᬸᬮᬸᬫᬵᬲ᭄᭞ᬳᬸᬩᬸᬤ᭄ᬧᬶᬦ᭠ᬓᬲᬭᬣᬶ᭞ᬧᬘᬂᬧᬳᬸᬫ᭄᭞ᬓᬭᬶᬜᬦ᭄ᬢᭀᬲ᭄ᬭᬶᬂᬩᬜ᭄ᬘᬶᬗᬄ᭟ᬲ᭄ᬬᬕᬲᬳᬢᭂᬩᭂᬗᬦ᭄᭞ᬫᬶᬲᬤ᭄ᬬᬧᬘᬂ᭠
[᭕᭗ 57A]
ᬫᬶᬢᬶᬦ᭄ᬤᬶᬄ᭞ᬲᬕᬾᬢ᭄ᬭᬯᬸᬄᬲᬓᬾᬂᬓ᭄ᬮᭀᬤ᭄᭞ᬧᬤᬦ᭄ᬠᬩᬢᬸᬄᬲᬸᬓ᭄ᬯᬯᬢᬶ᭞ᬘᭀᬓᭀᬃᬤᬕ᭄ᬠᬸᬲᬸᬓ᭄ᬯᬢᬶ᭞ᬗᬢᬩ᭄ᬢᬩ᭄ᬤᬸᬮᬸᬭᬶᬦ᭄ᬩᭂᬦ᭄ᬤᬸ᭞ᬲᬓ᭄ᬱᬩᬫᬗᬦ᭄ᬤᭂᬕᬂ᭞ᬓᬩᬯᭀᬲ᭄ᬗᭂᬮᭀᬗᬶᬦ᭄ᬚᬜ᭄ᬚᬶᬯ᭄ᬗᬶᬲᬵᬫ᭄ᬧᬸᬦ᭄᭞ᬗᬋᬋᬧ᭄ᬭᬶᬂ
ᬚ᭄ᬭᭀᬧ᭄ᬮᬶᬬᬢᬶᬦ᭄᭟ᬓᭀᬘᬧ᭄ᬤᬸᬓ᭄ᬯᭂᬗᬶᬧᬸᬦᬶᬓ᭞ᬫᬩᭂᬩᬄᬯᬵᬲ᭄ᬲᬋᬂᬲᬫᬶ᭞ᬲᬸᬓ᭄ᬯᬯᬢᬶᬩᬢᬸᬄᬧ᭄ᬮᬶᬬᬢᬦ᭄᭞ᬢ᭄ᬕᬮ᭄ᬮᬮᬂᬫᬶᬦᬓᬤᬶ᭞ᬘᭀᬓᭀᬤᬕ᭄ᬠᬾᬲᬸᬓ᭄ᬯᬢᬶ᭞ᬓᬤᬶᬦᭀᬮᬓ᭄ᬲᬾᬓᬶᬂᬧᬢᬹᬢ᭄᭞ᬩ᭄ᬮᬶᬲᬋᬂᬲᬶᬦᬫ᭄ᬬ᭄᭠
ᬦ᭄᭞ᬫᬓᬤᬶᬳᬦᬓᬾᬮᬶᬗ᭄ᬲᬶᬭ᭄᭞ᬤᬸᬄᬬᬦ᭄ᬧᬢᬹᬢ᭄᭞ᬩ᭄ᬘᬶᬓᬦ᭄ᬫᬮᬶᬄᬫᬢᬸᬮᬓ᭄᭟ᬗᬶᬭᬶᬂᬩ᭄ᬮᬶᬫᬢᭂ᭠ᬮᬲᬦ᭄᭞ᬳᬾᬭᬗᬂᬭᬕᬦᬾᬫᬗ᭄ᬓᬶᬦ᭄᭞ᬚᬕᬤᬤᭀᬲ᭄ᬧᬭᬭᬸᬤᬦ᭄᭞ᬲᬢᬢᬓ᭄ᬤᬾᬓᬶᬦ᭄ᬕᬸᬫᬶ᭞ᬗᬶᬭᬶᬂᬤ᭄ᬭᬶᬓᬶ
ᬫᬢᬶᬦ᭄ᬤᬶᬄ᭞ᬲᬋᬂᬧ᭄ᬕᬢ᭄ᬕᬮ᭄ᬮᬮᬂᬫᬕᭂᬧ᭄ᬬᬸᬓ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬜᬭᬸᬯᬂ᭞ᬓᬩᬢᭂᬓᬦ᭄ᬢᬸᬓ᭄ᬢᬺᬧ᭄ᬩᬵᬲᬶᬄ᭞ᬜᬤᬸᬢᬸ᭠ᬫ᭄ᬧᬸᬭ᭄᭞ᬭᬶᬂᬢ᭄ᬗᬳᬶᬂᬭᬩᬬᬚ᭄ᬜ᭟ᬳᬾᬮᬶᬗᬂᬩ᭄ᬮᬶᬦᬾᬓᬸᬦ᭞ᬰᬰᬡᬦ᭄ᬚ᭄ᬮᬩ᭄ᬝᬶᬓᬾᬩ᭄ᬮᬶ᭞ᬓᬫᬸᬮᬦ᭄ᬓᭀᬢᭀ
Kaca:Bali-lontar-gaguritan-rusak-gianyar-02-300ppi.pdf/57
Kaca puniki sampun kauji-wacén
