Kaca:Bali-lontar-gaguritan-rusak-gianyar-02-300ppi.pdf/63

Kaca puniki sampun kauji-wacén

[᭖᭒ 62B]
᭖᭒
ᬩᭂᬂᬫᬓᭀᬮ᭄ᬫᬕᬦ᭄᭟ᬲᬕᬺᬳᬦ᭄ᬧᬸᬢ᭄ᬭᬧᭀᬢ᭄ᬭᬓ᭞ᬭᬳᬸᬳᬶᬂᬲᬧᬭᬳᬶᬲ᭄ᬢ᭄ᬭᬷ᭞ᬳᬦᬓ᭄ᬫᬸᬮᬫᬲᬫ᭄ᬢᭀᬦ᭄᭞ᬫᬶᬯᬄᬳᬗᬶᬭᬶᬗᬾᬫᬗ᭄ᬓᬶᬦ᭄᭞ᬧᬥᬗᬾᬮᬶᬗ᭄ᬕᬶᬦ᭄ᬕᬸᬲ᭄ᬢᬶ᭞ᬢᬦ᭄ᬓᬸᬭᬗᬦ᭄ᬧᬗᬦ᭄ᬓᬶᬦᬸᬫ᭄᭞ᬤᬾᬦᬶᬂᬲᬶᬄᬲᬂᬳᬶᬦᬸᬲ᭄ᬬᬤ᭄᭞ᬯ
ᬢᬭᬯᬾᬦ᭄ᬢᭂᬰᬰᬶᬄ᭞ᬭᬶᬂᬧᬤᬸᬦᬸᬂ᭞ᬓᬓᬭᬗᬲᭂᬫ᭄ᬓᬲᬾᬗᬦᬓ᭄᭟ᬢᬦ᭄ᬧᭀᬧᬫᬮᬾᬤᬗᬶᬤ᭞ᬳᬦᬓᬕᬸᬂᬕ᭄ᬟᬾᬚ᭄ᬮᬡ᭄ᬝᬶᬓ᭄᭞ᬢᬦ᭄ᬧᬾᬦ᭄ᬤᬄᬓᬯᬳᬦ᭄ᬫᬺᬢ᭄ᬢ᭞ᬚ᭄ᬭᭀᬯᬬᬦ᭄ᬢᬸᬫ᭄ᬩᬾᬦ᭄ᬫᬗ᭄ᬓᬶᬦ᭄᭞ᬧ᭄ᬭᬳᬕᬸᬂᬧ᭄ᬭᬭᬭᬸᬤᬦ᭄ᬲᬫᬶ᭞᭠
ᬫᬓᬧᬶᬦᬸᬚᬶᬦᬶᬂᬓᬬᬸᬦ᭄᭞ᬯᬕᭂᬦ᭄ᬫᬶᬕᭂᬮᬶᬕᭂᬮᬦ᭄᭞ᬓᬸᬓᬯᬢᬶᬫᬶᬦᬓᬤᬶ᭞ᬲᬧᬓᬬᬸᬦ᭄᭞ᬗᬯᬾᬋᬩᬦᬶᬂᬦᬵᬕᬭ᭟ᬫᬯᬶᬦᬦ᭄ᬢᬦ᭄ᬓᬓᬸᬭᬗᬦ᭄᭞ᬲᬮ᭄ᬯᬶᬭᬦᬶᬂᬢᬦᬄᬪᬹᬓ᭄ᬢᬶ᭞ᬢᬦ᭄ᬧᬳᬶᬗᬦ᭄ᬲ᭄ᬯᬾᬘ᭄ᬙᬦᬶᬤ᭞ᬳᬦ
ᬓᬕᬸᬂᬕ᭄ᬟᬾᬚ᭄ᬮᬡ᭄ᬝᬶᬓ᭄᭞ᬳᬍᬃᬯᬾᬦ᭄ᬢᭂᬦ᭄ᬗᬳᭀᬦᬶᬦ᭄᭞ᬳᬗ᭄ᬮᬸᬭᬄᬓ᭄ᬢᬸᬢ᭄ᬯᬦᬬᬸ᭞ᬗ᭄ᬳᬶᬂᬓᭀᬂᬜᬦ᭄ᬤᬂᬫᭂᬫ᭄ᬧᭂᬫᬂ᭞᭠ᬮ᭞ᬳᬦ᭄ᬢᬸᬓ᭄ᬫᬫᬶᬦᬶᬗ᭄ᬕᬮᬍᬫᬫᬶ᭞ᬜᬦ᭄ᬤᬂᬓᬾᬯᬸᬄ᭞ᬓᬤᬸᬃᬫᬗ᭄ᬕᬸᬮᬦᬶᬂᬘᬶᬢ᭄ᬢ᭟ᬧᬸᬧᬸᬄᬤᬸᬃᬫ᭄ᬫ᭟᭜᭟
[᭖᭓ 63A]
ᬯᬮᬸᬬᬓ᭄ᬦᬕᬶᬓᬂᬢᬢ᭄ᬯᬘᬶᬦᬭᬶᬢ᭞ᬭᬶᬂᬕ᭄ᬬᬜᬃᬳᬸᬘᬧ᭄ᬫᬮᬶᬄ᭞ᬲᬂᬫᬗᬫᭂᬮ᭄ᬚᬕᬢ᭄᭞ᬧ᭄ᬭᬲᬶᬤᬓᬲᬸᬓ᭄ᬱᬭ᭞ᬭᬶᬂᬕᬢᬸᬄᬘᭀᬓᬵᬃᬤᬮᬶᬗ᭄ᬲᬶᬭ᭄᭞ᬫᬮᬶᬄᬭᬶᬂᬲᬺᬗᬦ᭄᭞ᬘᭀᬓᭀᬃᬤᬫᬥᬾᬦ᭄ᬤᬶᬭᬶ᭟ᬭᬶᬂᬢᬸᬮᬶᬩᭂᬂᬓᭀᬃᬤᬩ
ᬢᬦ᭄ᬩᬦᬢ᭄ᬓᭀᬘᬧ᭄᭞ᬫᬮᬶᬄᬭᬶᬂᬲᬸᬓᬯᬢᬶ᭞ᬘᭀᬓᭀᬃᬤᬦᬵᬕᬭ᭞ᬫᬮᬶᬄᬭᬶᬂᬳᬩ᭄ᬬᬦ᭄ᬲᭂᬤᬄ᭞ᬕᬸᬲ᭄ᬢᬶᬓ᭄ᬩᭀ᭠ᬦ᭄ᬗᬯᬸᬕ᭄ᬧᬸᬭᬷ᭞ᬓᬤᬶᬮᬮᬶᬦ᭄ᬢᬄ᭞ᬫᬸᬮᬕᭂᬤᭂᬕᬶᬦ᭄ᬕᬸᬫᬶ᭟ᬘᭀᬓᭀᬃᬤᬕ᭄ᬟᬾᬳᭀᬓᬓ᭄ᬮᬸᬗ᭄ᬓᬸᬂᬤᬳᬢᬾᬭᬂ᭞ᬢᬮᭀᬮᬶᬄᬗᬶ
ᬲᬶᬕᬸᬫᬶ᭞ᬓᬤᬶᬓᬧᭂᬕᭀᬓᬂ᭞ᬳᬦ᭄ᬢᬸᬓ᭄ᬱᬗᬶᬂᬦᬵᬕᬭ᭞ᬍᬓ᭄ᬚᭂᬗᬄᬩᬸᬤᬮ᭄ᬧᬺᬫᬗ᭄ᬓᬶᬦ᭄᭞ᬗᬫ᭄ᬕᬮ᭄ᬓᬲᬢ᭄ᬭᬶᬬ᭞ᬫᬲ᭄ᬫᬸᬲ᭄ᬫᬸᬢᬗᬶᬲ᭄᭟ᬜᭂᬮ᭄ᬲᭂᬮ᭄ᬭᬕᬗ᭄ᬭᬯᭀᬲᬂᬮᬘᬸᬃᬢᬦ᭄ᬲᬤ᭄ᬬ᭞ᬓᬸᬤᬂᬚ᭄ᬗᬄᬢᬦ᭄ᬤᬗᬶᬦ᭄᭞ᬓᬓ᭄ᬮᬸᬗ᭄ᬓᬸᬂᬓᬲᬾᬗ
ᬦ᭄᭞ᬢᬦ᭄ᬓᬬᬸᬦ᭄ᬫᬢᬗ᭄ᬓᬶᬮᬦ᭄᭞ᬗ᭄ᬳᬶᬂᬤᬍᬫ᭄ᬲᬵᬫ᭄ᬧᬸᬦ᭄ᬘᬶᬦᭂᬳᬶᬦ᭄᭞ᬓᬦ᭄ᬢᬸᬦ᭄ᬦᭂᬮᬦᬂ᭞ᬓᬦᬵᬕᬭᬭᬄᬜᬮᬶᬢ᭄᭟ᬓᬘᬭᬶᬢᬘᭀᬓᭀᬃᬤᬫᬥᬾᬲ᭄ᬭᭀᬗ᭄ᬕ᭞ᬤᬾᬯᬧᭀᬕᭀᬮ᭄ᬫᬢᬶᬳᬶᬦ᭄᭞ᬲᬮᬄᬗᬧᬓᬧᬓ᭄᭞ᬮ᭄ᬯᬶᬃᬩᬸ᭠