[᭗᭐ 70B]
᭗᭐
ᬦ᭄ᬢᭂᬃᬫᬸᬤᬶᬤᬶᬂ᭞ᬮᬲ᭄ᬗᬸᬢᬂᬧᬜ᭄ᬚᬓ᭄᭞ᬢᬦ᭄ᬧᬮᬶᬄᬦᭀᬮᬶᬄᬓᭀᬭᬶ᭟ᬩᬩᬓ᭄ᬩᭂᬮᬸᬃᬲᭂᬗ᭄ᬓᬮᬮᬩᬸᬄᬦᬸᬗ᭄ᬓᬬᬓ᭄᭞ᬓ᭄ᬮᬫ᭄ᬮᬶᬲᬾᬢ᭄ᬲᬾᬢ᭄ᬲᬭᬦ᭄ᬢᬶᬂ᭞ᬲ᭄ᬗᬮ᭄ᬲ᭄ᬗᬮ᭄ᬢᬸᬗ᭄ᬕᬄ᭞ᬳᬲᬶᬂᬧᬸᬭᬸᬦ᭄ᬫᬢᬗ᭄ᬕᬮ᭄᭞ᬓᬤᬗ᭄ᬲᭂᬓ᭄ᬭᬭᬶᬲ᭄ᬓᬢᬸᬤᬶᬂ᭞ᬳᬦ᭄ᬢᬤ
ᬓ᭄ᬘᭀᬓᭀᬃᬤ᭞ᬗᭂᬤ᭄ᬕᭂᬤᬂᬧᭂᬲᬸᬳᬶᬜ᭄ᬘᬶᬢ᭄᭟ᬲᬧᬸᬦᬶᬓᬬᬸᬲ᭄ᬧᬜ᭄ᬦᭂᬗᬦ᭄ᬭᬶᬂᬢᬫ᭄ᬧ᭄ᬯᬦ᭄᭞ᬓᬲ᭄ᬢᬯᬲᬓᬾᬂᬭᬶᬳᬶᬦ᭄᭞ᬗᬋᬲ᭄ᬋᬲᬶᬦ᭄ᬫᬫᬄ᭞ᬦᬾᬦ᭄ᬢᭂᬦ᭄ᬜᬦ᭄ᬤᬂᬩᬯᭀᬲᬂ᭞ᬢᬸᬢᬸᬭᬂᬬᬸᬥᬦᬾᬓᬗᬶᬦ᭄᭞ᬤᭂᬮᭀᬤ᭄ᬤᬾᬰᬫᬵᬲ᭄᭞ᬲᬵ
ᬫ᭄ᬧᬸᬦ᭄ᬭᬫᭂᬲ᭄ᬫᬧᬦ᭄ᬢᬶᬕ᭄᭟ᬲ᭄ᬫᬸᬓᬕ᭄ᬬᬢ᭄ᬘᭀᬓᭀᬃᬤᬦᬵᬕᬭᬜᬶᬗᬓ᭄᭞ᬳᬦ᭄ᬫᬸᬲ᭄ᬲᬵᬫ᭄ᬧᬸᬦ᭄ᬦᬶᬓᭂᬮᬶᬦ᭄᭞ᬩ᭄ᬤᬶᬮᬾᬢ᭄ᬧ᭄ᬕᬢ᭄᭞ᬯᬾᬦ᭄ᬢᭂᬦ᭄ᬫᬸᬯᬸᬄᬗᬸᬦᬶᬗᬂ᭞ᬫᬢᬸᬃᬓᬦ᭄ᬢᬸᬦ᭄ᬤᬳᬲ᭄ᬤᬶᬳᬶᬲ᭄᭞ᬭᬢᬸᬘᭀᬓᭀᬃᬤ᭞ᬚᬸᬓᬸᬢ᭄ᬧᬓᬸ
ᬦᬾᬪᬰ᭄ᬫᬶ᭟ᬧ᭄ᬓᬓ᭄ᬘᭀᬓᭀᬃᬳᬶᬤᬸᬯᬦᬓᬕᬸᬂᬲᬦ᭄ᬤᬢ᭄᭞ᬮᬦ᭄ᬲᬶᬗ᭄ᬳᬧᬤᬸᬮᬶᬮᬶᬄ᭞ᬢᬦ᭄ᬤᬤᭀᬲ᭄ᬳᬦ᭄ᬤᭂᬕᬂ᭞ᬯᬯᬸᬫᬢᬗ᭄ᬓᭂᬧ᭄ᬬᬸᬥ᭞ᬤᬾᬭᬾᬂᬫᬜᬸᬂᬩᬩᬃᬮᬶᬮᬶᬄ᭞ᬩᬸᬦ᭄ᬢᭂᬃᬗᬤᬫ᭄ᬧ᭄ᬮᬂ᭞ᬧᬜ᭄ᬚᬓᬾᬓᬓᬳᭀᬦᬶᬦ᭄᭟ᬳᭂᬗ᭄ᬲᭂ
[᭗᭑ 71A]
ᬓ᭄ᬘᭀᬓᭀᬃᬤᬫ᭄ᬦᭂᬂᬓᬤᬶᬩᭂᬮ᭄ᬩᭂᬮᬦ᭄᭞ᬫ᭄ᬮᬢᬸᬮᬢᬸᬭᬶᬗᬓ᭄ᬱᬶ᭞ᬫᬢ᭄ᬭᬰᬭᬷᬭᬩᬂ᭞ᬭᬭᬶᬲᬶᬤᬗᬦ᭄ᬤᬶᬓ᭞ᬩᬧᬩ᭄ᬮᬶᬳᬤᬶᬘᬳᬶ᭞ᬤᬸᬫᬤᬓ᭄ᬲᬤ᭄ᬬ᭞ᬳᬶᬮᬾᬫ᭄ᬧᭂᬤ᭄ᬢᭂᬧᬸᬓ᭄ᬚᬦᬶ᭟ᬲᬯᬸᬃᬫᬦᬸᬓ᭄ᬲᬂᬓᬤᬳᬸᬄᬢᬶᬢ᭄ᬬᬂᬗᬚᬧ᭄᭞ᬗᭀ
ᬓᭀᬓ᭄ᬳᬶᬕ᭄ᬟᬾᬢᭂᬗ᭄ᬓᬶᬂ᭞ᬗ᭄ᬕᬶᬄᬗᬶᬭᬶᬂᬭᬦ᭄ᬢᭂᬓᬂ᭞ᬕᭂᬩ᭄ᬬᬸᬕᬂᬲᬧᬶᬲᬦᬦ᭄᭞ᬳᬓᬸᬤᬓᬢᬄᬜᬲᬫᬶ᭞ᬦᬰᬯᬶᬪᬕ᭞ᬢᬦᬸᬭᬸᬕ᭄ᬲᭃᬂᬪᬰ᭄ᬫᬶ᭟ᬕᬶᬮᬶᬲᬂᬫᬗ᭄ᬓᬶᬦ᭄ᬯᬗ᭄ᬲᬶᬢᬂᬫᬸᬮᬸᬓᬗᬶᬦ᭞ᬳᬶᬤᬘᭀᬓᭀᬃᬤᬮᬶᬗ᭄ᬲᬶᬭ᭄᭞ᬬᬢ᭄ᬦᬘᬶᬂᬲᬓᭂᬫ᭄ᬩᬂ
᭞ᬭᬳᬸᬄᬗᬾᬩᭀᬕ᭄ᬲᬧᬶᬲᬦ᭄᭞ᬳᬸᬩᬸᬤᬾᬧᬸᬂᬓᬸᬭᬗ᭄ᬓᬢᬶᬦ᭄᭞ᬓᬤᬶᬩ᭄ᬮᭂᬢᬂ᭞ᬓᬸᬤ᭄ᬬᬗᬶᬧᬸᬦ᭄ᬫᬓ᭄ᬮᬶᬤ᭄᭟ᬧᬸ᭠ᬧᬸᬢ᭄ᬲᬵᬫ᭄ᬧᬸᬦ᭄ᬩᬩᬯᭀᬲᬦ᭄ᬦᬸᬮᬶᬫᬗ᭄ᬓᬢ᭄᭞ᬲᬸᬃᬬ᭄ᬬᬓᬾᬗᬕᬶᬭᬲᬶᬦ᭄᭞ᬕᭀᬂᬩᬦ᭄ᬤᬾᬗᬕᬶᬮᬓ᭄᭞ᬭᬲᬗᬸᬕᬸ᭠
ᬕᬂᬚᬕᬢ᭄᭞ᬓ᭄ᬮᬾᬧᬦ᭄ᬲᬜ᭄ᬚᬢᬓᬤᬶ᭞ᬢᬫᬶᬢ᭄ᬲᬢ᭄ᬫᬓ᭞ᬫᬸᬳᬸᬦᬂᬯᬦᬕᬶᬭᬶ᭟ᬫᬕᬸᬮᬸᬗᬦ᭄ᬗᬫᬭ᭠ᬬᬂᬓᬤᬶᬳᭀᬫ᭄ᬩᬓ᭄᭞ᬲᭂᬧᬸᬓᬦ᭄ᬩᬸᬓ᭄ᬜᬶᬭᬾᬦᬶᬦ᭄᭞ᬯᬸᬲ᭄ᬫᬢᬗ᭄ᬓᭂᬧ᭄ᬬᬸᬥ᭞ᬭᬶᬂᬲᬄᬧᬦᬫ᭄ᬩᬾᬦᬦ᭄᭞ᬲᬮᬶᬗᬜ᭄ᬘᬃ᭠
Kaca:Bali-lontar-gaguritan-rusak-gianyar-02-300ppi.pdf/71
Kaca puniki sampun kauji-wacén
