[᭔᭑41B]
᭔᭑
ᬢ᭄ᬧᬸᬓ᭄ᬩᬤᬯᬸᬄ᭞ᬳᬤᬩᬓᬢ᭄ᬩᬤ᭄ᬮᭀᬤ᭄᭞ᬳᬤᬩᬤᬚᬫᬮᬶᬗ᭄ᬕᬶᬄ᭞ᬫᬤᬤᬸᬦᬸᬂ᭞ᬮᬾᬦ᭄ᬳᬤᬤᬶᬧᬫᬤᬢᬦ᭄᭟ᬲᬵᬫ᭄ᬧᬸᬦ᭄ᬧᬥᬧᬭᬶᬧᬹᬃᬡ᭄ᬦ᭞ᬳᬶᬤᬤᬦᬾᬳᬶᬧᬸᬦ᭄ᬲᬫᬶ᭞ᬧᬥᬧᭀᬮᬶᬄᬧ
ᬜᬗ᭄ᬕ᭄ᬭᬳ᭞ᬫᬓᬤᬶᬧᬥᬡ᭄ᬥᬲᬫᬶ᭞ᬦᬾᬩᬾᬜ᭄ᬚᬂᬧ᭄ᬭᬬᬦᬗ᭄ᬓᬶᬮ᭄᭞ᬗᬭᬭᬶᬲ᭄ᬓᬧᬸᬭᬶᬳ᭠ᬕᬸᬂ᭞ᬲᬵᬫ᭄ᬧᬸᬦ᭄ᬧᬥᬫᬯ᭄ᬓᬲ᭄᭞ᬉᬘᬧᬂᬦᬾᬩ᭄ᬯᬶᬦ᭄ᬫᬦᬶ᭞ᬲᬃᬯ᭄ᬯᬫᬸᬭᬸᬩ᭄᭞ᬩᬸᬗᬄᬗ᭄ᬩᭂᬓᬶᬦ᭄ᬘᬶᬗᬄ
᭟ᬲᬵᬫ᭄ᬧᬸᬦ᭄ᬲᬶᬗᬶᬢ᭄ᬉᬲᬦ᭄ᬫᬧᬳ᭄ᬬᬲ᭄᭞ᬳᬶᬤᬲᬂᬫᬫᬸᬢᭂᬃᬩᬵᬮᬶ᭞ᬳᬗ᭄ᬳᬶᬂᬧᬳ᭄ᬬᬲ᭄ᬲᬫ᭄ᬩᬶᬭᬡ᭞ᬫᬯᬵᬲ᭄ᬢ᭄ᬭᬲᬸᬢᬺᬘᬮᬶᬭᬶᬂ᭞ᬓᬫ᭄ᬧᬸᬄᬧᬧᬢᬺᬱᬸᬩᬕᬶ᭞ᬓ᭄ᬭᬶᬲ᭄ᬫᬮᬦ᭄ᬤᬾᬬᬦ᭄ᬫᬸᬭᬸᬩ᭄᭞ᬯ
ᬯᬗᬸᬦᬭᬵᬢ᭄ᬫᬚ᭞ᬲᬓ᭄ᬱᬢ᭄ᬲᬂᬳ᭄ᬬᬂᬅᬭᬶᬫᬹᬃᬢ᭄ᬢᬶ᭞ᬭᬭᬶᬲ᭄ᬢᭂᬥᬸᬦ᭄᭞ᬚᬕᬫ᭄ᬤᬮ᭄ᬓᬩᬜ᭄ᬘᬶ᭠ᬗᬄ᭟ᬳᬰ᭄ᬭᬶᬳᬶᬭᬶᬗᬂᬮᬮᬜ᭄ᬘᬂᬧᬭᬫᬜ᭄ᬘᬧᬥᬗᬶᬭᬶᬂ᭞ᬧᬫᬃᬕ᭄ᬕᬦᬾᬫᬳᬶᬍᬳᬦ᭄᭞ᬲᬂᬧ᭠
[᭔᭒42A]
ᬡ᭄ᬥᬶᬢᬫᬗ᭄ᬭᬶᬳᬶᬦᬶᬦ᭄᭞ᬲᬳᬘᭂᬦ᭄ᬤᭂᬓᬦ᭄ᬧᬗᬯᬶᬦ᭄᭞ᬫᬮᬶᬄᬓᬮᬾᬯᬂᬫᬢᬶᬓᬸᬮ᭄᭞ᬫᬢ᭄ᬥᬸᬂᬫᬓᭂᬫ᭄ᬩᬭᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬫᬸᬗ᭄ᬕᬄᬫᬸᬗ᭄ᬕ᭄ᬯᬶᬂᬧᬕᬚᬳᬦ᭄᭟ᬧᬭ
ᬫᬦ᭄ᬢ᭄ᬭᬶᬦᬾᬫᬚᬚᬃ᭞ᬫᬓᬦ᭄ᬤᬓᬤᬶᬭᬶᬂᬢᬸᬮᬶᬲ᭄᭞ᬫᬓᬤᬶᬥᬂᬧᬸᬭᭀᬳᬶᬢ᭞ᬪᬵᬕᬯᬦ᭄ᬢᬫᬓᬓᬮᬶᬄ᭞ᬢᬦ᭄ᬤᭀᬄᬯᬦ᭄ᬢᬄᬲᬸᬫᬦ᭄ᬤᬶᬂ᭞ᬫᬓᬧᬭᬡᬶᬂᬧᬢᬦ᭄ᬢᬸᬦ᭄᭞ᬲᬓ᭄ᬱᬢ᭄ᬲᬂᬬᭀ
ᬕᬶᬰ᭄ᬯᬭ᭞ᬯᬾᬤ᭄ᬥᬧᬭᬵᬕᬢᬢ᭄ᬯᬯᬶᬢ᭄᭞ᬲᬵᬫ᭄ᬧᬸᬦ᭄ᬳᬢᬹᬢ᭄᭞ᬧᬢᬢᬦᬾᬭᬶᬂᬩ᭠ᬜ᭄ᬘᬶᬗᬄ᭟ᬫᬮᬶᬄᬦᬾᬭᬶᬂᬧᬸᬃᬬ᭄ᬬᬦ᭄᭞ᬧ᭄ᬭᬫᬾᬦᬓ᭄ᬩᬥᬸᬂᬫᬗ᭄ᬯᬶ᭞ᬦᬾᬚᬕᬗᬵᬢᬹᬭᬂᬘᬦᬂ᭞᭠
ᬦᬾᬩᬚᬂᬳᬍᬧ᭄ᬫᬲ᭄ᬮᬶᬓ᭄᭞ᬲᬵᬫ᭄ᬧᬸᬦ᭄ᬲᬫᬶᬗᬫᭀᬂᬗᬶᬦ᭄᭞ᬲᬓᬾᬯᬦ᭄ᬢᭂᬦ᭄ᬗᬦ᭄ᬢᭀᬲ᭄ᬭᬯᬸᬄ᭞ᬘᬦᬗᬾᬲᬵᬫ᭄ᬧᬸᬦ᭄ᬫᬯᬤᬄ᭞ᬧᬧᬶᬚᬶᬢᬦ᭄ᬕᬥᬶᬂᬕᬥᬶᬂ᭞ᬲᬵᬫ᭄ᬧᬸᬦ᭄ᬳᬢᬹᬢ᭄᭞ᬫ᭠
Kaca:Bali-lontar-gaguritan-rusak-gianyar-03-350ppi.pdf/42
Kaca puniki sampun kauji-wacén
