[ ᭓᭗ 37B]
᭓᭗᭞
᭞ᬧᬧ᭄ᬭᬾᬦ᭄ᬢᬳᬦ᭄ᬭᬶᬂᬲᬲᬓ᭄ᬚᬦ᭄ᬫᬦᬾᬗᬤᬸᬄ᭞ᬲᬓ᭄ᬱᬢ᭄ᬓᬓᭂᬩᬸᬲᬦ᭄ᬲᬸᬃᬬ᭄ᬬ᭞ᬢ᭄ᬗᬳᬶᬢ᭄ᬧᭂᬢᬾᬲᬳᬶ᭟ᬢᬸᬃᬫᬯᬦᬦ᭄ᬫᬓᬩᬶᬤᬂ᭞ᬚᬦ᭄ᬫᬲ᭄ᬮᬫ᭄ᬤᬶᬤᬗᬶᬦ᭄ᬚᬸᬭᬶᬂᬕᬶᬦ᭄ᬢᬶᬂ᭞ᬘᭀᬗᬄᬭᬶᬂᬳᬦᬓᬾᬳ
ᬕᬸᬂ᭞ᬮᬶᬗ᭄ᬲᬶᬃᬓᬮᬶᬦ᭄ᬢᬂᬥᬃᬫ᭄ᬫ᭞ᬗ᭄ᬳᬶᬂᬓᬧᬯᬩᬦ᭄ᬫᬗ᭄ᬮᬸᬫ᭄ᬩᬃᬧᬸᬢ᭄ᬭᬢᬸᬳᬸ᭞ᬭᬾᬄᬲᭀᬢᬦᬶᬂᬭᬚᬢᬸᬳ᭞ᬮᬮᬶᬭᬶᬂᬩᬩᬯᭀᬲ᭄ᬳᬤᬶᬮ᭄᭟ᬢᬸᬃᬕᭂᬂᬢᬺᬱ᭄ᬡᬭᬶᬂᬳᬶᬳᬦᬓ᭄᭞ᬫᬳᬯᬶᬦᬦ᭄ᬲᬤᬯᭂᬕᬾᬦᬾ
ᬗᬯᬶᬢ᭄᭞ᬢ᭄ᬯᬦ᭄ᬋᬱᬶᬤᬾᬦ᭄ᬧᭀᬮᬶᬄᬭᬯᬸᬄ᭞ᬓᬲᬲᬓ᭄ᬤᬸᬓ᭄ᬭᬶᬂᬢ᭄ᬗᬄ᭞ᬧᬬᬸᬤᬦᬾᬓᬤᬗᬶᬦ᭄ᬚᬸᬭᬶᬂᬢᭀᬤᬶᬢᬸ᭞ᬲᬓᬶᬂᬫᬫ᭄ᬩ᭄ᬯᬢ᭄ᬧᬯᬘᬦᬦ᭄᭞ᬰ᭄ᬭᬶᬧᬤᬸᬓᬭᬶᬂᬩᬢᬯᬶ᭟ᬭᬶᬂᬳᬦᬓᬾᬳᬕᬸᬂᬗᬸᬭᬄ
᭞ᬧᬘᬂᬫᬶᬦ᭄ᬢᬭᬯᭀᬲᬾᬫᬗ᭄ᬤᬾᬭᬤᬶᬦ᭄᭞ᬰᬸᬭᬳᬫ᭄ᬮᬫᬗ᭄ᬤᬓᬢᬸᬃ᭞ᬓᬚᬯᬶᬲᭂᬓᭀᬮᬄ᭞ᬩᬾᬜ᭄ᬚᬂᬩᬾᬲᬸᬓ᭄ᬫᬮᬶᬄᬢᬸᬮᬓ᭄ᬓᬤᬶᬲᬫ᭄ᬧᬸᬦ᭄᭞ᬬᬦ᭄ᬲᬫ᭄ᬧᬸᬦ᭄ᬩ᭄ᬬᬲ᭄ᬭᬶᬂᬲᭀᬮᬄ᭞ᬢᬢᬢᬶ
[ ᭓᭘ 38A]
ᬢᬶᬦᬶᬂᬲᬂᬦ᭄ᬤᬶᬭᬶ᭟ᬳᬦᬓ᭄ᬳᬕᬸᬂᬗᬸᬭᬄᬳᬶᬤ᭞ᬢ᭄ᬓᬘᭂᬦ᭄ᬤᭂᬢ᭄ᬢᬦ᭄ᬯᬾᬦ᭄ᬢᭂᬦ᭄ᬫᬦ᭄ᬤᬕᬶᬗᬶᬦ᭄᭞ᬩᬩᬯᭀᬲ᭄ᬲᬦᬸᬮᬸᬲ᭄᭞ᬥᬃᬫ᭄ᬫᬘᬯ᭄ᬭᬦᬶᬂᬚᬕᬢ᭄᭞ᬰ᭄ᬭᬶᬧᬤᬸᬓᬢ᭄ᬯᬦ᭄ᬕᬸᬧᭂᬦᬸᬃᬚᬾᬦ᭄ᬤ᭄ᬭᬮ᭄ᬢᬸᬳᬸ᭞ᬭᬚᬤᬶᬭᬚᬓᬸ
ᬳᬲ᭞ᬫᬭᬾᬦ᭄ᬢᬄᬭᬶᬂᬩᬯᬄᬳᬦᬶᬸᬗᬶᬦ᭄᭞ᬲᬓᬶᬂᬕ᭄ᬮᬶᬲ᭄ᬩᬦ᭄ᬜᬭᬶᬢ᭞ᬰᬸᬭᬳᬫ᭄ᬮᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬗᬃᬤ᭄ᬤᬶ᭞ᬲᬸᬭᬢ᭄ᬧᬫᬶᬳᬸᬦᬶᬂᬳᬢᬸᬃ᭞ᬭᬶᬂᬳᬚᬶᬫᬫᬶᬤᬃᬣ᭞ᬲᬧᬫᬃᬕ᭄ᬕᬶᬦ᭄ᬰ᭄ᬭᬶᬧᬤᬸᬓᬋᬲᬶ
ᬤᬾᬦ᭄ᬭᬯᬸᬄ᭞ᬳᬸᬢᬸᬲᬦ᭄ᬲᬫ᭄ᬧᬸᬦ᭄ᬫᬚᬮᬦ᭄᭞ᬫᬳᬯᬦᬦ᭄ᬓᬸᬤᬕ᭄ᬮᬶᬲ᭄᭟ᬢᬦ᭄ᬓᭀᬘᬧᬦ᭄ᬤᬶᬦᬕᬭ᭞ᬳᬶᬳᬸᬢᬸᬲᬦ᭄ᬫᬫ᭄ᬩᭂᬤᬮ᭄ᬓᬸᬤᬗᬶᬚᬶᬓ᭄᭞ᬳᬲ᭄ᬮᬶᬤ᭄ᬓᬲᬶᬤ᭄ᬤᬦ᭄ᬭᬯᬸᬄ᭞ᬭᬶᬂᬤᬾᬰᬓᬸᬢᬭᬚ᭞ᬫᬦ
rᬳᭀᬚᭀᬕ᭄ᬧᬋᬓ᭄ᬭᬶᬂᬳᬦᬓᬾ ᬳᬕᬸᬂ᭞ᬲᬸᬭᬢᬾᬲᬫ᭄ᬧᬸᬦ᭄ᬓᬫ᭄ᬩᬶᬮᬦ᭄᭞ᬓᬧᬯᭀᬲ᭄ᬲᬤᬕᬶᬂᬲᬫᬶ᭟ᬓᬮᬶᬄᬲᬫ᭄ᬧᬸᬦ᭄ᬓᬧᬳᬶᬘ᭞ᬭᬶᬂᬳᬶᬳᬦᬓ᭄ᬳᬸᬦ᭄ᬢᬢ᭄ᬳᬫ᭄ᬮᬦᬕᬭᬶ᭞ᬫᬶᬯᬄᬩᬳᬸᬤᬦ᭄ᬤᬧᬸᬧᬸᬢ᭄
