[ ᭔᭙ 49B]
᭔᭙᭞
ᬲᭂᬓ᭄ᬓᬬᬸᬦ᭄ᬓᬧ᭄ᬭᬶᬳᬢᬶᬦ᭄᭞ᬩᬶᬗᬭᬾᬂᬯᬃᬡ᭄ᬦᬳᬗᬸᬯᬄ᭞ᬲᬓ᭄ᬱᬢ᭄ᬲ᭄ᬓᬃᬍᬲᭂᬄᬫᬸᬗ᭄ᬕᬸᬳᬶᬂ᭞ᬕ᭄ᬮᬸᬂᬳᬶᬳᬬᬸᬓᬧᬶᬗᬶᬢ᭄᭞ᬢᬦ᭄ᬯᬗ᭄ᬤᬾᬫᬧ᭄ᬯᬭᬓᬸᬲᬸᬢ᭄᭞ᬳᬓᬾᬢᭀᬧᬗᬸᬧᬫ᭞ᬓᬬᬸᬦ᭄ᬫᬦᬳᬾᬤᬶᬧᬸ
ᬭᬶ᭞ᬭᬚᬧᬸᬢ᭄ᬭᬶᬫᬶᬯᬂᬭᬩᬶᬧᬧᬶᬗᬶᬢᬦ᭄᭟ᬬᬦ᭄ᬢᬦ᭄ᬲᬓᬾᬂᬲ᭄ᬯᬾᬘᬦ᭄ᬤᬾᬯ᭞ᬩ᭄ᬧ᭄ᬬᬬᬮᬸᬢ᭄ᬢᭂᬓᬾᬂᬧᬢᬶ᭞ᬬᬦ᭄ᬢᬸᬮᬸᬲ᭄ᬢᭀᬂᬤᬤᬶᬳᬲᬢ᭄᭞ᬧᬳᬋᬧᬾᬭᬶᬂᬓᬸᬫ᭄ᬧᭂᬦᬶ᭞ᬘᬓ᭄ᬭᬫᬢᬭᬫ᭄ᬓᬤᬶ᭞ᬧᬓ᭄ᬱᬶᬩᬸᬜ᭄ᬘᬶ
ᬢ᭄ᬫᬦᬄᬫᬩᬸᬢ᭄ᬕᬸᬢ᭄᭞ᬓᬰᬦ᭄ᬢᬾᬦ᭄ᬯᬶᬦᬢᬾᬬ᭞ᬓᬯᬶᬪᬯᬦ᭄ᬭᬶᬂᬩᬢᬯᬶ᭞ᬳᬦ᭄ᬢᬸᬓ᭄ᬭᬓ᭄ᬬᬢ᭄ᬫᬓᬤᬶᬲᬃᬯ᭄ᬯᬲᬜ᭄ᬚᬢ᭟ᬲᬫᬮᬶᬄᬓᭀᬰᬯᬳᬦ᭞ᬲᬫ᭄ᬧᬸᬦ᭄ᬫᬗᬩᬾᬳᬶᬦ᭄ᬲᬫᬶ᭞ᬓᬧᬶᬦᭂᬄᬢᬦ᭄ᬯᬾᬦ᭄ᬢᭂ
ᬦ᭄ᬳᬶᬯᬂ᭞ᬓᬬᬸᬦ᭄ᬢ᭄ᬯᬦ᭄ᬋᬲᬶᬤᬾᬦ᭄ᬓᬤᬶ᭞ᬕ᭄ᬦᬶᬦᬾᬓᬳᬸᬫ᭄ᬧᬦᬶᬦ᭄᭞ᬤᬸᬫᬶᬮᬄᬲᬸᬫᬶᬗ᭄ᬓᬶᬦ᭄ᬫᬸᬭᬸᬩ᭄᭞ᬫᭂᬗ᭄ᬕᬳᬾᬢᬦ᭄ᬲᬧᬶᬭ᭞ᬧᬋᬭᬾᬶᬸᬧᬭᬶᬂᬭᬚᬩᬮᬶ᭞ᬳᬧᬦ᭄ᬲᬫ᭄ᬧᬸᬦ᭄ᬬᬸᬤᬦᬾᬫᬮᭀᬮᭀᬗᬦ᭄᭞ᬢ᭄ᬯᬶ
[ ᭕᭐ 50A]
ᬢ᭄ᬯᬭᬳᬦᬓ᭄ᬩᬭᬂ᭞ᬦᬾᬭᬸᬲᬓ᭄ᬤᬶᬘᬓ᭄ᬭᬯ᭄ᬬᬓ᭄ᬢᬶ᭞ᬢ᭄ᬯᬦ᭄ᬚᬾᬦ᭄ᬤ᭄ᬭᬮ᭄ᬭᬶᬂᬲᬸᬫᬭᬂ᭞ᬬᬦ᭄ᬳᬓᬸᬤᬫᬫ᭄ᬩᬾᬮᬳᬶᬦ᭄᭞ᬓᬧᬮᬦ᭄ᬧ᭄ᬭᬂᬗᬸᬮᬶᬦ᭄ᬢᬶᬓ᭄᭞ᬦᬾᬢᬶᬕᬂᬧᭀᬳᭀᬲ᭄ᬓᬤᬸᬭᬸᬲ᭄᭞ᬬᬸᬤᬦᬾᬫᬢᬓᭂᬭᬦ᭄᭞ᬲᬫ᭄ᬧᬸᬦ᭄ᬫᬗᬸᬘᬧᬂᬫ
ᬮᬶᬄ᭞ᬫᬢᬶᬦ᭄ᬳᬶᬧᬸᬦ᭄ᬦᬾᬢ᭄ᬯᬭᬗ᭄ᬮᬄᬧᬦ᭄ᬓᬢ᭄᭟ᬬᬾᬦ᭄ᬳᬓᬸᬤᬂᬤᬶᬦᬲᬸᬩᬧᬬᬸᬤᬦᬾᬭᬶᬂᬓᬸᬫ᭄ᬧᭂᬦᬶ᭞ᬩᬸᬓᬤᬤᬓ᭄ᬲᬕᬾᬢ᭄ᬢᭂᬓ᭞ᬲᬶᬓᭂᬧ᭄ᬫᬸᬲᬸᬄᬤᬗᬶᬦ᭄ᬚᬸᬭᬶᬂ᭞ᬓ᭄ᬮᭀᬤ᭄ᬓᬗᬶᬦ᭄ᬦ᭄ᬤᭂᬲᭂᬓᬶᬦ᭄᭞ᬳᬦᬓ᭄ᬳᬕᬸᬂᬗᬸᬭᬄᬲᬫ᭄ᬧᬸᬦ᭄᭞ᬗᬸᬢᬸᬲ᭄ᬧᬸ
ᬗ᭄ᬕᬯᬫᭂᬦ᭄ᬤᬓ᭄᭞ᬲᬓᬋᬧᬾᬓᬢᬶᬫ᭄ᬧᬮᬶᬦ᭄᭞ᬧᬾᬢ᭄ᬫᬳᬫᬸᬓ᭄ᬲᬶᬓᭂᬧ᭄ᬘᬓ᭄ᬭᬢᬦ᭄ᬓᬶᬍᬲᬦ᭄᭟ᬤᬤᬶᬩᬸᬓᬫᬲᬗ᭄ᬓᬾᬢ᭞ᬢ᭄ᬓᬦᬾᬳᬶᬤᬗᬶᬦ᭄ᬚᬸᬭᬶᬂ᭞ᬢ᭄ᬓᬾᬦ᭄ᬧᬗᭀᬢᬕ᭄ᬤᬶᬓᬧᬮ᭄᭞ᬓᬺᬦᬢᬾᬢᬶᬢᬶᬃ
ᬦᬶᬩᬦᬶᬦ᭄᭞ᬓᬸᬢᬫᬢᬭᬫ᭄ᬯ᭄ᬬᬓ᭄ᬢᬶ᭞ᬲᬦᬶᬸᬭᬶᬸᬤᬕᬶᬂᬦᬕᬭᬓᬾᬯᬸᬄ᭞ᬢᬦ᭄ᬯᬾᬦ᭄ᬢᭂᬦ᭄ᬕᬮᬄᬭᬯᭀᬲ᭄᭞ᬍᬫᭂᬂᬍᬫᬄᬯᬭᬯᬶᬭᬶ᭞ᬧᬢᬶᬓ᭄ᬮᬶᬤ᭄ᬫᬲᬫ᭄ᬩᭂᬦᬦ᭄ᬚ᭄ᬭᭀᬦᬶᬂᬕ᭄ᬮᬃ᭟ᬬᬾᬦ᭄ᬧᬓ᭄ᬱᬧ
Kaca:Bali-lontar-gaguritan-rusak-sasak-02-300ppi.pdf/50
Kaca puniki sampun kauji-wacén
