[ ᭖᭓ 63B]
᭖᭓᭞
ᬭᬶᬂᬘᬓ᭄ᬭ᭞ᬭᬸᬧᬩᭀᬬᬕᬶᬦ᭄ᬢᬶᬂᬲᬫᬶ᭞ᬲᬳᬢ᭄ᬫᬢᬗ᭄ᬕᬮ᭄᭞ᬧᬋᬧᬾᬭᬶᬂᬓᬸᬫᭂᬦᬶ᭟ᬫᬶᬯᬄᬯᬢᭂᬓ᭄ᬩᬳᬸᬤᬦ᭄ᬤᬤᬕᬶᬂᬘᬓ᭄ᬭ᭞ᬓᬮᬶᬄᬫᬢᬭᬫ᭄ᬲᬫᬶ᭞ᬫᬶᬯᬄᬮᬶᬗ᭄ᬕᬶᬄᬳᬶᬤ᭞ᬦᬓ᭄ᬳᬕᬸᬂᬦᬾ
ᬫᬧᬭᬩ᭄᭞ᬳᬸᬦ᭄ᬢᬢ᭄ᬚᬮᬚᬫᬸᬃᬯ᭄ᬯᬦᬶᬦ᭄᭞ᬢᬺᬱ᭄ᬡᬭᬶᬂᬭᬕ᭞ᬳᬚ᭄ᬭᬶᬄᬧᬘᬂᬗᭂᬫᬲᬶᬦ᭄᭟ᬫᬳᬯᬶᬦᬦ᭄ᬕᬮᬂᬓᬗᬶᬦ᭄ᬲᬫ᭄ᬧᬸᬦ᭄ᬦᬧᬓ᭄᭞ᬲᬸᬭᬤᬤᬸᬦᭂᬫᬗᬶᬦ᭄᭞ᬦᬾᬤᬶᬓᭀᬢᬘᬓ᭄ᬭ᭞ᬳᬜ᭄ᬘᬸᬢᬾ
ᬓᬚᬳᬸᬘᬧ᭄᭞ᬮᭀᬤ᭄ᬢᭀᬄᬧᬢᬶᬓᬚᭂᬂᬳᭂᬕᬶᬦ᭄᭞ᬫᬤᬦ᭄ᬭᬶᬕ᭄ᬭᬶᬕᬦ᭄᭞ᬲᬶᬦ᭄ᬤᬸᬦᬾᬓᬳᬋᬧᬶᬦ᭄᭟ᬲᬓᬶᬂᬓ᭄ᬮᭀᬯᬤ᭄ᬢᬸᬗ᭄ᬕᬓ᭄ᬩᬾᬮᬦᬾᬓᬢᭂᬫᬂ᭞ᬦᬾᬓᬳᬸᬄᬯᬦ᭄ᬢᬄᬭᬤᬶᬦ᭄᭞ᬩᬜ᭄ᬚᬃᬧᬦ᭄ᬤᬾᬩᬾ
ᬩᬲ᭄᭞ᬲᬸᬩᬮᭀᬮᭀᬲ᭄ᬗᬗᬶᬦᬂ᭞ᬓᭀᬘᬧᬂᬫᬗ᭄ᬓᬶᬦ᭄ᬤᬶᬧᬸᬭᬶ᭞ᬦᬓ᭄ᬳᬕᬸᬂ᭄᭞ᬓᭀᬤᬮᬾᬓᬮᬾᬃᬕ᭄ᬮᬶᬲ᭄᭟ᬫᬳᬶᬭᬶᬗᬦ᭄ᬩᬢᬸᬩᬢᬭᬶᬂᬧᬋᬓᬦ᭄᭞ᬧ᭄ᬭᬫᬾᬦᬓ᭄ᬭᬳᬓᬾᬄᬗᬶᬭᬶᬂ᭞ᬫᬓᬤᬶᬧᬸᬦᬶᬓ᭞
[ ᭖᭔ 64A]
ᬦᬾᬫᬸᬮᬫᬗ᭄ᬕᬫᭂᬮᬂ᭞ᬳᬶᬩᬢᬸᬩᬢᬘᬮᬶᬭᬶᬂ᭞ᬢᭀᬲ᭄ᬦᬶᬂᬧᬸᬭᬸᬱ᭞ᬧ᭄ᬭᬕᬸᬲ᭄ᬢᬶᬓᬤᬂᬳᬚᬶ᭟ᬬᬾᬦ᭄ᬦᬾᬲᬸᬩᬢ᭄ᬯᬭᬕᬶᬗ᭄ᬲᬶᬃᬢ᭄ᬯᬭᬕᬶᬗ᭄ᬕᬂ᭞ᬗᬋᬧᬶᬦ᭄ᬰᬢ᭄ᬭᬸᬓᬗᬶᬦ᭄᭞ᬤᬾᬦᬶᬂᬗᬸᬫᬦ᭄ᬤᭂᬮᬂ᭞ᬲᬜ᭄ᬚᬢᬧᬮᬶᬂᬧ
ᬗᬧ᭄᭞ᬦᬾᬫᬗ᭄ᬓᬶᬦ᭄ᬳᬸᬘᬧᬂᬕ᭄ᬮᬶᬲ᭄᭞ᬲᬫ᭄ᬧᬸᬦ᭄ᬦᬧᬓ᭄᭞ᬓᬮᬾᬃᬓᬳᬸᬄᬗᬸᬓᬸᬳᬶᬦ᭄᭟ᬳᬦᬓ᭄ᬳᬕᬸᬂᬓ᭄ᬢᬸᬢ᭄ᬚ᭄ᬮᬦ᭄ᬚᬶᬓ᭄ᬫᬗ᭄ᬓᬶᬦ᭄ᬓᭀᬘᬧ᭄᭞ᬭᬶᬂᬢᭀᬄᬧᬢᬶᬫᬮᬶᬗ᭄ᬕᬶᬄ᭞ᬗ᭄ᬕᬾᬕᬾᬃᬲᬳᬶᬭᬶᬗᬦᬶᬸᬦ᭄᭞ᬯᬶᬭᬾᬄᬲᬫ᭄ᬧᬸᬦ᭄ᬫᬘᬶᬳ᭄ᬦ
ᬫᬩᭂᬦ᭄ᬤᬾᬭᬩᬳᬦ᭄ᬧᬸᬢᬶᬄ᭞ᬫᬓ᭄ᬭᬡᬩᬾᬩᬾᬲ᭄᭞ᬓᬸᬫ᭄ᬧᭂᬦᬶᬫᬫᬸᬗ᭄ᬓᬸᬭᬶᬦ᭄᭟ᬬᬤᬶᬦ᭄ᬓᭂᬮᭀᬤ᭄ᬧᬲᭀᬲᭀᬭᭀᬳᬦ᭄ᬧ᭄ᬭᬦᬭᬭ᭞ᬭᬯᭀᬲᬾᬲᬫ᭄ᬧᬸᬦ᭄ᬕᬶᬮᬶᬓ᭄᭞ᬦᬾᬓᬚᬦ᭄ᬳᬜ᭄ᬘᬃ᭞ᬢᭀᬄᬧᬢᬶᬦᬾᬳᬶᬭᬶᬗᬂ᭞ᬭᬶ
ᬗ᭄ᬕᬶᬄᬳᬦᬓ᭄ᬳᬕᬸᬂᬗ᭄ᬕᬶᬮᬶᬲ᭄᭞ᬢᬓᬸᬢ᭄ᬦ᭄ᬤᬾᬯᬢ᭞ᬳᬋᬧᬾᬓᬓᬸᬫ᭄ᬧᭂᬦᬶ᭟ᬢᬦ᭄ᬳᬶᬦᬸᬘᬧ᭄ᬳᬶᬤᬯᬢᭂᬓ᭄ᬭᬚᬧᬸᬢ᭄ᬭ᭞ᬦᬾᬳᬦᭀᬫ᭄ᬳᬦᭀᬫ᭄ᬓᬭᬶ᭞ᬳᬦᬓ᭄ᬧᬸᬢᬸᬦ᭄ᬳᬶᬤ᭞ᬳᬦᬓᬾᬳᬕᬸᬂᬗᬸᬭᬄ᭞ᬢᬦ᭄ᬓᬋᬗᬩᬦ᭄ᬧᬫ
Kaca:Bali-lontar-gaguritan-rusak-sasak-02-300ppi.pdf/64
Kaca puniki sampun kauji-wacén
