[ ᭖᭕ 65B]
᭖᭕᭞
ᬦᬸᬢ᭄ᬩᬳᭀᬓ᭄ᬢᬶᬢᬶᬩ᭄᭞ᬲᬫ᭄ᬧᬸᬦ᭄ᬓᬳᬢᬸᬭᬂ᭞ᬭᬶᬂᬳᬦᬓ᭄ᬳᬕᬸᬂᬗᬸᬭᬄ᭞ᬕ᭄ᬮᬶᬲ᭄ ᭞ᬫᬓᬶᬍᬲ᭄ᬕᬗ᭄ᬲᬃ᭞ᬭᬶᬂᬩᬜ᭄ᬘᬶᬗᬄᬗᬸᬓᬸᬳᬶᬦ᭄᭟ᬤᬤᬶᬳᬶᬲᬶᬦᬾᬭᬶᬂᬓᬮᬾᬃᬓᬳᬸᬄᬕᬦ᭄ᬢᬲ᭄᭞ᬲᬶᬓᭂᬧᬾ
ᬧᬤᬩ᭄ᬮᬶᬢ᭄᭞ᬦᬩ᭄ᬭᬂᬫᬗᬗᬶᬦᬂ᭞ᬢ᭄ᬯᬭᬫᬦᭀᬮᬶᬄᬧᬸᬭ᭞ᬗᬮᬶᬄᬓᬳᬸᬭᬶᬧᬦ᭄ᬲᬫᬶ᭞ᬳᬦᬓ᭄ᬳᬕᬸᬂᬓᬸᬢᬂ᭞ᬓᬶᬜ᭄ᬘᬶᬢ᭄ᬓᬭᬶᬫᬗᬶᬭᬶᬂ᭟ᬲᬸᬭᬤᬤᬸᬦᬾᬲᬶᬓ᭄ᬮᭀᬤ᭄ᬧᬤᬦᬧᬓ᭄᭞ᬬᬲᬓᬫ᭄ᬩᬂᬓᬕᬶᬲᬶ᭞ᬚ᭄ᬭᭀ
ᬦᬶᬂᬧᬸᬭᬦ᭄ᬤᬾᬯ᭞ᬮᬾᬦ᭄ᬳᬤᬗ᭄ᬕᬶᬲᬶᬫᬃᬕ᭄ᬕ᭞ᬦᬾᬲᬶᬓᬳᬸᬄᬲᬫ᭄ᬧᬸᬦ᭄ᬗᬫ᭄ᬩᬶᬮ᭄᭞ᬧᬸᬭᬶᬓᬳᬸᬳᬦ᭄᭞ᬫᬗ᭄ᬓᬶᬦ᭄ᬘᬭᬶᬢᬫᬮᬶᬄ᭟ᬲᬸᬭᬤᬤᬸᬦᬾᬗᬫ᭄ᬩᬳᬶᬦ᭄ᬤᬶᬭᬶᬕ᭄ᬭᬶᬕᬦ᭄᭞ᬗᬸᬮᬄᬓ᭄ᬮᭀᬤ᭄ᬮᬾᬦ᭄ᬓᬗᬶᬦ᭄᭞ᬦᬾᬓ
ᬗᬶᬦ᭄ᬓᭀᬘᬧᬂ᭞ᬮᬸᬕᭂᬢ᭄ᬓᬭᬶᬫᬲ᭄ᬬᬢ᭄᭞ᬲᬶᬦ᭄ᬤᬦᬾᬧᬕᭂᬄᬦᬗ᭄ᬕᬮᬶᬦ᭄᭞ᬧᬲᬮᬾᬂᬮᬫᬢ᭄᭞ᬗᬸᬚᬦ᭄ᬓᬸᬚᬦᬦ᭄ᬫᬶᬫᬶᬲ᭄᭟ᬧᬶᬦᭂᬄᬲᬫ᭄ᬧᬸᬦ᭄ᬲᬂᬳ᭄ᬬᬂᬭᬯᬶᬩ᭄ᬦᭂᬄᬫᬸᬗ᭄ᬕᬄ᭞ᬳᬶᬲᬸᬭᬤᬤᬸᬫᬗ᭄ᬓᬶᬦ᭄᭞ᬲᬳᬢ᭄ᬫᬗᬸ
[ ᭖᭖ 66A]
ᬮᬳᬂ᭞ᬳᬸᬩ᭄ᬭᬸᬲ᭄ᬓᬸᬫᭂᬦ᭄ᬤᬦ᭄ᬧᬸᬜ᭄ᬘᬩ᭄᭞ᬫᬗᬗ᭄ᬕᬃᬓᬮᬾᬯᬂᬕᬶᬧᬶᬄ᭞ᬗᬸᬮᬳᬂᬭᭀᬯᬂ᭞ᬦᬋᬚᬓ᭄ᬧᬤᬫ᭄ᬩᭂᬤᬶᬮ᭄᭞ᬢ᭄ᬯᬶᬩᬾᬘᬾᬓ᭄ᬲᬶᬓᭂᬧ᭄ᬲᬶᬦ᭄ᬤᬸᬦᬾᬲᬶᬂᬗᬸᬮᬄ᭞ᬮᬾᬜ᭄ᬚ᭄ᬭᬦᬢ᭄ᬫᬜᬓᬶᬢᬶᬦ᭄᭞ᬩᬸᬩᬶᬸᬓᬲᬦ᭄ᬤᭂᬃᬮᬶᬸ
ᬓᬶᬮᬧ᭄᭞ᬲᬶᬂᬓ᭄ᬦᬫᬕᬭ᭄ᬯᬓ᭄᭞ᬮᬾᬬᭀᬲ᭄ᬚᬺᬦᬢ᭄ᬳᬧᬶᬢᬶᬢᬶᬃ᭞ᬫᬸᬳᬸᬦᬂᬳᬸᬫᬄ᭞ᬲᬶᬓᭂᬧᬾᬳᬓᬾᬄᬩ᭄ᬮᬶᬢ᭄᭞ᬦᬗ᭄ᬳᬶᬂᬳᬶᬦᬚ᭄ᬭ᭄ᬬᬾᬲ᭄ᬢᬳᬾᬦᬓ᭄ᬍᬯᬶᬄᬤᬶᬭ᭞ᬧᬸᬭᬸᬱᬫᬦᬗ᭄ᬕᬸᬮᬶᬦ᭄᭞ᬲᬋᬂᬲᬦᬓ᭄ᬫᬶ
ᬯᬄ᭞ᬫᬶᬗ᭄ᬲᬶᬓᬶᬲᬫᬶᬭᬸᬲᬓ᭄᭞ᬳᬓᬸᬤᬂᬮᬬᭀᬦ᭄ᬗᬸᬮᬦ᭄ᬢᬶᬓ᭄᭞ᬲᬋᬂᬭᬶᬂᬭᬾᬜ᭄ᬘᬂ᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭟ᬲᬸᬭᬤᬤᬸᬲᬫᬶᬩᬾᬩᬾᬲ᭄ᬗᬶᬢᭂᬃᬧᬸᬭ᭞ᬗᬸᬚᬦᬶᬦ᭄ᬩᬳᬦ᭄ᬫᬶᬫᬶᬲ᭄᭞ᬳᬤᬫᬗᬸᬮᬳᬂ᭞ᬗᬋ
ᬕᬄᬤᬶᬩᬜ᭄ᬘᬶᬗᬄ᭞ᬫ᭄ᬩᭂᬤᬶᬮ᭄ᬓᬩ᭄ᬤᬶᬮᬶᬦ᭄ᬢᬶᬢᬶᬃ᭞ᬲᬮᬾᬂᬩᬾᬘᬾᬓᬂ᭞ᬫᬸᬲᬸᬄᬭᭀᬯᬗᬾᬫᬢᬶ᭟ᬫᬮᬶᬄᬳᬸᬘᬧ᭄ᬤᬾᬰᬤ᭄ᬮᭀᬤ᭄ᬤᬗᬶᬦ᭄ᬘᬓ᭄ᬭ᭞ᬩᬜ᭄ᬚᬃᬩᬜ᭄ᬚᬭᬦ᭄ᬲᬲᬶ᭞ᬗᭂᬓᭂᬲ᭄ᬚ᭄ᬭᭀᬦᬶᬂᬓᬭᬂ᭞ᬫᬓ᭄ᬭᬡᬦ
Kaca:Bali-lontar-gaguritan-rusak-sasak-02-300ppi.pdf/66
Kaca puniki sampun kauji-wacén
