[ ᭖᭙ 69B]
᭖᭙᭞
ᬫᬮᬶᬗ᭄ᬕᬶᬄ᭞ᬤᬶᬘᬓ᭄ᬭᬤᬶᬢᬸᬳ᭄ᬦᭂᬗᬂ᭞ᬯᬶᬭᬾᬄᬲᬫ᭄ᬧᬸᬦ᭄ᬦᬫ᭄ᬧᬶᬯ᭄ᬗᬶ᭞ᬦᬾᬫᬗ᭄ᬓᬶᬦ᭄ᬳᬸᬘᬧ᭄ᬫᬮᬶᬄ᭞ᬭᬚᬧᬸᬢ᭄ᬭᬶᬧᬸᬢᬸᬲᬫ᭄ᬧᬸᬦ᭄᭞ᬦᬾᬓᬦ᭄ᬢᬸᬦᬶᬸᬦ᭄ᬭᬶᬂᬲᭂᬓ᭄ᬱ᭄ᬓᬂ᭞ᬧᭀᬮᬶᬄᬧᬓᬩᬭᬦ᭄ᬚᬢᬶ᭞ᬳᬦᬓ᭄ᬳᬕᬸᬂᬗᬸᬭᬄ
ᬲᬫ᭄ᬧᬸᬦ᭄ᬓᬩᬾᬩᬲᬂ᭟ᬓᬢ᭄ᬤᬸᬦᬂᬓᬳᬫ᭄ᬧᭂᬦᬦ᭄᭞ᬲᬋᬂᬧᬸᬢ᭄ᬭᬶᬧᬸᬢᬸᬲᬫᬶ᭞ᬗᬾᬫᬗᬶᬭᬶᬂᬓᭀᬤᬮ᭄ᬗᬬᬢ᭄᭞ᬫᬫᬸᬧᬸᬢᬗ᭄ᬭᬯᭀᬲ᭄ᬩᭂᬘᬶᬓ᭄᭞ᬫᬮᬶᬄᬫᬢ᭄ᬫᬸᬳᬲᬶᬄ᭞ᬭᬶᬂᬳᬲᬶᬳᬦ᭄ᬓᬤᬶᬤᬗᬸ
᭞ᬫᬯᬲ᭄ᬢᬸᬓ᭄ᬦᬶᬚᬶᬸᬬ᭞ᬲᬫᬶᬗᬤᬸᬳᬸᬂᬢᬦ᭄ᬲᬶᬧᬶ᭞ᬫᬢᬶᬫ᭄ᬩᬮᬦ᭄ᬢᬗᬶᬲᬾᬢ᭄ᬯᬭᬤᬧ᭄ᬕᬢ᭄᭟ᬓᬤᬶᬘᬫᬭᬦᬾᬳᭀᬲᬄ᭞ᬲ᭄ᬬᬓ᭄ᬱᬶᬬᭀᬓ᭄ᬢᭂᬫ᭄ᬧᬸᬄᬳᬗᬶᬦ᭄᭞ᬭᬚᬧᬸᬢ᭄ᬭᬶᬧᬭᬭᬗ᭄ᬤ᭞ᬧᬶᬦᬘᬂᬧᬘᬗ
ᬦ᭄ᬫᬸᬮᬶᬄ᭞ᬧᬧᬶᬗᬶᬢᬦ᭄ᬫᬓᬤᬶ᭞ᬭᬩᬶᬲᬫᬶᬫ᭄ᬭᬲᬓᬦ᭄ᬢᬸ᭞ᬫᬕᬸᬬᬂᬕᬸᬬᬂᬗᬢᬧ᭄᭞ᬳᬤᬤᬶᬦᬢᬄᬗᬸᬮᬶᬦ᭄ᬢᬶᬓ᭄᭞ᬦᬾᬦᬾᬢ᭄ᬯᬗᬾᬗᬾᬲᬾᬢ᭄ᬯᬭᬮᬶᬗ᭄ᬯᬦ᭄᭟ᬦᬗ᭄ᬳᬶᬂᬳᬤᬓᬭᬶᬤᬤ᭄ᬯ᭞ᬳᬦ
[ ᭗᭐ 70A]
ᬓ᭄ᬳᬕᬸᬂᬗᬮᬦᬗᬶᬦ᭄᭞ᬦᬾᬳᬲᬶᬓᬶᬳᬶᬤᬳᭂᬦ᭄ᬢᭀ᭞ᬦᬦ᭄ᬤᬂᬲᬸᬗ᭄ᬓᬦ᭄ᬲᬓᬶᬂᬮᬫᬶ᭞ᬢ᭄ᬯᬭᬤᬤᭀᬲ᭄ᬫᬫᬃᬕ᭄ᬕᬶ᭞ᬲᬸᬗ᭄ᬓᬦ᭄ᬭᬸᬫ᭄ᬧᬸᬄᬯᬲ᭄ᬢᬦᬶᬧᬸᬦ᭄᭞ᬳᬶᬤᬫᬧᬭᬩ᭄᭞ᬦ᭄ᬩᬄᬓᬭᬂᬯᬶᬚᬶᬮ᭄ᬲᬓᬶᬂ᭟ᬧᬸᬭᬶᬧᬸᬃᬯ᭄ᬯ
ᬫᬢᬭᬫ᭄ᬚᬢᬶ᭞ᬓᬧᬸᬢ᭄ᬭ᭟ᬳᬦ᭄ᬢᬸᬓ᭄ᬤᬾᬯᬢᬫᬧᬭᬩ᭄᭞ᬓ᭄ᬢᬸᬢ᭄ᬓᬭᬗ᭄ᬳᬲᭂᬫ᭄ᬭᬶᬳᬶᬦ᭄᭞ᬧᬺᬦᬄᬭᬓᬳᬦ᭄ᬢᬸᬓ᭄ᬳᬶᬤ᭞ᬳᬦᬓ᭄ᬳᬕᬸᬂᬗᬸᬭᬄᬫᬗ᭄ᬓᬶᬦ᭄᭞ᬫᬮᬶᬄᬲᬦᬾᬳᬲᬶᬓᬶ᭞ᬧᬸᬢ᭄ᬭᬦ᭄ᬳᬶᬤᬳᬦᬓ᭄ᬳᬕᬸᬂ᭞ᬫᬥᬾᬓᬭᬂ
ᬲᬂᬮᬶᬦ᭞ᬲᬶᬲᬶᬧ᭄ᬕᬫ᭄ᬬᬫᬦᬶᬫ᭄ᬧᬮᬶᬦ᭄᭞ᬧᬺᬦᬄᬯ᭄ᬓᬦᬾᬯᬳᬸᬳᬸᬕᬶᬓᬭᬸᬲᬓ᭄᭟ᬳᭂᬦ᭄ᬢᭀᬳᬶᬤᬫᬓᬤᬤ᭄ᬯ᭞ᬫᬫᬸᬗᬸᬭᬓᬭᬶᬂᬭᬩᬶ᭞ᬓ᭄ᬦᬶᬲᬫ᭄ᬧᬸᬦ᭄ᬫᬜᬸᬗ᭄ᬲᬸᬢᬂ᭞ᬮᬶᬗ᭄ᬕᬶᬄᬳᬦᬓ᭄ᬳᬕᬸᬂᬮᬶᬗ᭄ᬲᬶᬃ᭞ᬭᬳᬶᬳᬦ
ᬓ᭄ᬫᬓᬤᬶ᭞ᬦᬾᬲᬫ᭄ᬧᬸᬦ᭄ᬤᬾᬯᬢᬯᬳᬸ᭞ᬲᬶᬓᬶᬫᬗ᭄ᬓᬶᬦ᭄ᬲᬤ᭄ᬬᬬᬂ᭞ᬓ᭄ᬦᬶᬭᬸᬲᬓ᭄ᬲᬋᬂᬲᬫᬶ᭞ᬧᬜᬫ᭄ᬧᬸᬃᬡ᭄ᬦᬦ᭄ᬓ᭄ᬮᬾᬲᬦᬾᬲᬦᬾᬭᬶᬂᬭᬕ᭟ᬭᬚᬧᬸᬢ᭄ᬭᬶᬧᬭᬭᬗ᭄ᬤ᭞ᬭᬶᬩᬶᬧᬧᬘᬗᬦ᭄ᬲᬫᬶ
Kaca:Bali-lontar-gaguritan-rusak-sasak-02-300ppi.pdf/70
Kaca puniki sampun kauji-wacén
