Kaca puniki sampun kauji-wacén
[᭑᭕᭐ 150B]
᭞᭑᭕᭙᭞
ᬢᬸᬕ᭄ᬳᬦ᭄ᬢᬸᬓ᭄ᬧᬶᬦᬓᬶᬢ᭄᭞ᬢ᭄ᬯᬵᬓᬮᬶᬄᬓᭂᬲ᭄ᬤᬶᬳᬦ᭄᭞ᬧᬯᬓᬦ᭄ᬧᭂᬓᬾᬯᭂᬄᬲᬫᬶ᭞ᬤ᭄ᬯᬦᬶᬂᬢᬦ᭄ᬱᬸᬓᬵᬚᬢᬶ᭞ᬲ
ᬦᬾᬓᭂᬲᬸᬓᬬᬂᬳᬶᬧᬸᬦ᭄᭞ᬢᬗᭂᬄᬳᬶᬤᬵᬲᬂᬧᬡ᭄ᬥᬶᬢ᭄ᬝᬵ᭞ᬭᬶᬂᬲᬦᬾᬓᬶᬦᬸᬘᬧ᭄ᬚᬢᬶ᭞ᬫᭀᬓ᭄ᬱᬵᬳᬶᬓᬸ᭞ᬲᬸᬚ᭠
ᬢᬶᬦ᭄ᬢᬫ᭄ᬩᬦ᭄ᬲᬗ᭄ᬱᬭᬵ᭟ᬲᬶᬦᬄᬫᬶᬲᬭᭂᬂᬗᬦ᭄ᬧᬶᬲᬦ᭄᭞ᬲᬭᬶᬭᬵᬦᬾᬫᬭᬶᬂᬉᬭᬶᬧ᭄᭞ᬤ᭄ᬯᬦᬶᬂᬲᬭᬶᬭᬵᬧᬸ᭠
ᬦᬶᬓᬵ᭞ᬫᬓᬵᬳᬸᬗ᭄ᬕ᭄ᬯᬦ᭄ᬲᬂᬗ᭄ᬬᬂᬉᬭᬶᬧ᭄᭞ᬲᬗ᭄ᬬᬂᬉᬭᬶ᭠ᬧ᭄ᬫᭂᬗᬯᬶᬦᬶᬦ᭄᭞ᬯᬾᬦ᭄ᬢᭂᬦ᭄ᬲᬭᬶᬭᬵᬧᬸᬦᬶᬓᬸ᭞ᬲᬗᭂᬗ᭄ᬬᬂ᭠
[᭑᭕᭑ 151A]
ᬉᬭᬶᬧ᭄ᬬᬦ᭄ᬫᬢᬶᬗ᭄ᬕᬮ᭄᭞ᬲᬭᬶᬭᬵᬦᬾᬳᬶᬘᬮ᭄ᬭᬭᬶᬲ᭄᭞ᬲᬭᭂᬂᬫ᭄ᬢᬸ᭞ᬢᬸᬗ᭄ᬕᬮ᭄ᬫ᭄ᬢᬸᬲᬶᬩᬭᭂᬂᬗᬦ᭄᭟ᬫᬮᬶᬄᬮᬓ᭄ᬱᬡ᭄ᬦᬵ
ᬧᬸᬦᬶᬓᬵ᭞ᬦᬾᬓᭂᬩᬯᬶᬲ᭄ᬓᬯᭀᬦ᭄ᬩ᭄ᬘᬶᬓ᭄᭞ᬲᬭᬶ᭠ᬭᬵᬓᬗ᭄ᬕᬾᬦ᭄ᬲᭂᬤᬡ᭄ᬦᬵ᭞ᬧᬸᬗ᭄ᬓᬸᬃᬲᬭᬶᬭᬵᬦᬾᬫᬸᬓ᭄ᬢᬶ᭞ᬲᬭᬶ
ᬭᬵᬦᬾᬫᬗ᭄ᬕᭂᬄᬢᬮᬶ᭞ᬢᬮᬶᬦ᭄ᬱᬂᬗ᭄ᬱᬭᬵᬓᭂᬯᬸᬯᬸᬲ᭄᭞ᬯᬶᬲᬬᬦᬶᬂᬤᬸᬄᬓᬵᬲᬸᬓᬵ᭞ᬤ᭄ᬯᬦᬶᬂᬲᬧᬸᬦᬶᬓᬵᬚᬢᬶ᭞ᬫᬸᬕᬶ
ᬧᬸᬗ᭄ᬓᬸᬃ᭞ᬢᬶᬢ᭄ᬬᬂᬢᬦ᭄ᬫᬮᬶᬄᬫᭂᬜᬤ᭄ᬫᬵ᭟ᬲᬧᬸᬦᬶᬓᬵᬚᬢᬶᬦ᭄ᬜᬵ᭞ᬤᬤᭀᬲ᭄ᬫᬦᬸᬱᬵᬫᬦᬺᬱ᭄ᬝᬶ᭞ᬓᬯᬶᬰᬾᬱᬵᬳ᭠
