[᭔᭙ 49B]
᭔᭙
ᬢᬦ᭄ᬓᬘ᭄ᬭᬶᬢᬲᬵᬫ᭄ᬧᬸᬦ᭄ᬮᬫᬶ᭞ᬫᬮᬶᬄᬳᬶᬤᬵᬲᬂᬳ᭄ᬬᬂᬯᬶᬥᬶ᭞ᬗᬃᬥᬶᬮᬮᬫ᭄ᬧᬳᬦ᭄ᬧᬗᬸᬲ᭄᭞ᬳᬗ᭄ᬕᬾᬦ᭄ᬧᬦ᭄ᬭᬗᬦ᭄ᬫᬭᬶᬂᬚᬕᬢ᭄᭞ᬤᬕᬶᬂᬢᬸᬢᬸᬃᬲᬢ᭄ᬯᬕᬸᬭᬶᬢ᭄᭞ᬲᬮᬶᬲᬸᬤᬸᬓ᭄᭞ᬮᬮᬫ᭄ᬧᬳᬦ᭄ᬳ᭄ᬬᬂ
ᬲᬹᬓ᭄ᬱ᭄ᬫᬵ᭚ᬲᬂᬳ᭄ᬬᬂᬓᬯᬶᬫᬗᬃᬬ᭄ᬬᬦᬂ᭞ᬮᬮᬫ᭄ᬧᬳᬦᬶᬓᬂᬪᬹᬫᬶ᭞ᬲᬫᬶᬭᬢᬸᬫᬭᬶᬂᬤᬸᬦ᭄ᬬ᭞ᬩ᭄ᬭᬵᬳ᭄ᬫᬡᬲᬢ᭄ᬭᬶᬦᬾᬲᬫᬶ᭞ᬯᬾᬱ᭄ᬬᬲᬸᬤ᭄ᬭᬦᬾᬭᬶᬂᬪᬹᬫᬶ᭞ᬭᬯᬸᬄᬭᬢᬸᬦ᭄ᬚᬶᬫ᭄ᬓᬯᬸᬯᬸᬲ᭄᭞ᬤᬤᭀᬲᬫᬶᬮᬮᬫ᭄ᬧ
ᬳᬦ᭄᭞ᬳᬶᬘᬳᬶᬤᬵᬲᬂᬳ᭄ᬬᬂᬓᬯᬶ᭞ᬗᬯᬶᬢ᭄ᬯᬸᬯᬸᬲ᭄᭞ᬩᬕᬦ᭄ᬟᬮᬶᬓᬘᬭᬶᬢ᭄ᬢ᭚ᬚᬜ᭄ᬚᬶᬦ᭄ᬳᬶᬤᬫᬲᬸᬭᬹᬧᬦ᭄᭞ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬫᬓᬘᬶᬭᬶ᭞ᬯᬦᭂᬂᬦ᭄ᬬᬫᬮᬶᬄᬳᬩᬸᬮᬦ᭄᭞ᬲᬵᬫ᭄ᬧᬸᬦ᭄ᬫᬧᬶᬢᬸᬢᬹᬃᬫᬗ᭄ᬓᬶᬦ᭄᭞
ᬧᬗᬦ᭄ᬤᬶᬓᬦ᭄ᬳᬶᬤᬵᬫᬦᬶᬲ᭄᭞ᬤᬸᬄᬫᬵᬲ᭄ᬫᬶᬭᬄᬕᬃᬯ᭄ᬯᬦᬶᬗ᭄ᬲᬸᬦ᭄᭞ᬲᬸᬓᬲᬾᬦᬶᬳᬢ᭄ᬫᬚᬶᬯᬵ᭞ᬩ᭄ᬮᬶᬲᬫ᭄ᬧᬸᬦ᭄ᬢᬫ᭄ᬧᭂᬓ᭄ᬚᬜ᭄ᬚᬶ᭞ᬧᬘᬂᬫᬦ᭄ᬢᬸᬓ᭄᭞ᬦᬶᬗ᭄ᬕᬮᬶᬦ᭄ᬳᬶᬤᬾᬯᬲᬾᬤ᭄ᬟᬵ᭚ᬫᬓᬫᬃᬕ᭄ᬕᬦ᭄ᬩ᭄ᬮᬶᬫᭀᬓ᭄ᬱᬄ
[᭕᭐ 50A]
ᬫᬦᬸᬚᬸᬰᬸᬓ᭄ᬭᬫᬺᬓᬶᬄ᭞ᬰᬰᬶᬄᬓᬥᬰᬵᬦᬾᬓᭀᬘᬧ᭄᭞ᬢᬗ᭄ᬕᬮ᭄ᬧᬶᬂᬢ᭄ᬮᬸᬮᬲ᭄ᬯ᭄ᬬᬓ᭄ᬢᬶ᭞ᬲ᭄ᬟᬵᬬᬢᬦᬧ᭄ᬭᬢᬶᬢᬶᬫᬓᬵᬫᬃᬕ᭄ᬕᬦ᭄ᬩ᭄ᬮᬶᬮᬫ᭄ᬧᬸᬲ᭄᭞ᬫᬸᬮᬶᬄᬫᬭᬶᬂᬓᬤᬾᬯᬢ᭄ᬢᬦ᭄᭞ᬳᬤᬶᬓᬭᬶᬳᬧᬂ
ᬩ᭄ᬘᬶᬓ᭄᭞ᬫᬗ᭄ᬤᬲᬫ᭄ᬧᬸᬦ᭄᭞ᬳᬤᬶᬩ᭄ᬮᬵᬲ᭄ᬢ᭄ᬓᬾᬦ᭄ᬧᬸᬢᬺ᭚ᬢ᭄ᬯᬦ᭄ᬳᬶᬩᬶᬢ᭄ᬫᬢᬸᬃᬦᭂᬫ᭄ᬩᬄ᭞ᬲᬶᬗ᭄ᬕᬶᬄᬤᬾᬯᬦ᭄ᬢᬶᬢ᭄ᬬᬂᬕᬸᬲ᭄ᬢᬶ᭞ᬗᬸᬤᬵᬕ᭄ᬮᬶᬲ᭄ᬗᬸᬗ᭄ᬲᬶᬰ᭄ᬯᬃᬕ᭄ᬕᬵ᭞ᬤᬸᬭᬸᬂᬯᬦᭂᬄᬢᬶᬢ᭄ᬬᬂᬫᬗ᭄ᬕᬶᬄ᭞ᬫᬮᬶᬄᬧᬸᬢ᭄ᬭᬓᬭᬶᬳᬮᬶ
ᬢ᭄᭞ᬲᬫ᭄ᬧᬸᬦᬂᬚ᭄ᬯᬭᬢᬸᬳᬶᬚᬸᬓ᭄᭞ᬮᬲ᭄ᬧᬘᬂᬦᬶᬗ᭄ᬩᬮ᭄ᬧᬸᬢ᭄ᬭ᭞ᬲᬳᬵᬜᬸᬫ᭄ᬩᬄᬲᬵᬃᬯ᭄ᬯᬶᬦᬗᬶᬲ᭄᭞ᬗ᭄ᬮᬸᬢ᭄ᬲᬸᬓᬸ᭞ᬩᬕᬾᬦ᭄ᬟᬵᬭᬭᬶᬲ᭄ᬗᬦ᭄ᬤᬶᬓᬵ᭚ᬗᬩᬶᬦ᭄ᬧᬸᬢ᭄ᬭᬢᬸᬃᬓᬳᬭᬲ᭄᭞ᬳᬸᬤᬸᬄᬘ᭄ᬦᬶᬂᬕᬸᬭᬸᬳ
ᬲᬶᬄ᭞ᬫᭀᬕᬲᬶᬭᬫᬗ᭄ᬕᬶᬄᬩᬕ᭄ᬬ᭞ᬓᬲᬫ᭄ᬧᭀᬮᬶᬄᬭᬶᬂᬳ᭄ᬬᬂᬯᬶᬥᬶ᭞ᬫᬗ᭄ᬕᬶᬄᬫᬳᬃᬤ᭄ᬟᬶᬓᬮ᭄ᬯᬶᬄ᭞ᬓᬲᬶᬦᬗᬦ᭄ᬤᬾᬳ᭄ᬬᬂᬢᬸᬤᬸᬄ᭞ᬫᬗ᭄ᬕᬶᬄᬓᬯᬶᬃᬬ᭄ᬦ᭄ᬭᬶᬂᬚᬕᬢ᭄᭞ᬓᬶᬦᬲᬶᬳᬦ᭄ᬤᬾᬦᬶᬂᬪᬹᬫᬶ᭞ᬯᬲ᭄ᬢᬸ
Kaca:Bali-lontar-gaguritan-sebun-bangkung-300ppi.pdf/50
Kaca puniki sampun kauji-wacén
