[᭖᭔ 64B]
᭖᭔
ᬦ᭄᭞ᬤᭀᬦᬶᬂᬮᬭᬂᬚᬦ᭄ᬫᬵᬓᬂᬯ᭄ᬭᬸᬄ᭞ᬓᬮᬶᬯᬢ᭄ᬮᬶᬯᬵᬢ᭄ᬮᬶᬯᬵᬢᬤᭀᬄᬦ᭄ᬬ᭚ᬤ᭄ᬬᬦᬓᬮᬯᬦ᭄ᬲᬫᬠᬶ᭞ᬬᭀᬕᬓᬮᬯᬦ᭄ᬳᬚ᭄ᬜᬦ᭞ᬧᬹᬚᬶᬓᬮᬯᬦ᭄ᬲᭂᬫ᭄ᬩᬳ᭄ᬬᬂ᭞ᬇᬓᬓᬩᬾᬄᬓᬢᬸᬗ᭄ᬓᬸᬮᬦ᭄᭞ᬍᬬᭂᬧ᭄ᬮᭂᬗᬶᬢ᭄
ᬲᬫ᭄ᬩ᭄ᬭᬡᬵ᭞ᬢᬦ᭄ᬧᬭᬯᬢ᭄ᬭᬯᬢ᭄ᬳᬶᬓᬸ᭞ᬅᬭᬵᬕᬭᬵᬕᬦᬶᬂᬤᬯᬓ᭄᭚ᬳᬯ᭄ᬢᬸᬓᭂᬫ᭄ᬩᬗᬶᬂᬮᬶᬭᬶᬂ᭞ᬯᬗᬶᬦᬶᬭᬦᭀᬭᬳᬦ᭞ᬢᬦ᭄ᬧᬳᬫ᭄ᬗᬦ᭄ᬢᬋᬓᭀ᭞ᬅᬢᬵᬣᬢᬢᬭᬶᬂᬢᬢ᭄ᬯ᭞ᬓᬮᬗᭂᬦᬶ
ᬓᬂᬧ᭄ᬚᬄ᭞ᬓᬤᬶᬧᬗᬶᬧ᭄ᬬᬦ᭄ᬧᬸᬦᬶᬓᬸ᭞ᬢᬦᬶᬂᬭᬵᬢ᭄ᬧᬶᬦᬗ᭄ᬕᬶᬄᬳᬶᬭ᭚ᬮᬸᬫᬓᬸᬧᬓ᭄ᬱᬳᬗᬯᬶ᭞ᬓᬤ᭄ᬬᬯᭀᬂᬢᬢᬲᬶᬂᬰᬵᬲ᭄ᬢ᭄ᬭ᭞ᬢᬸᬯ᭄ᬯᬦ᭄ᬲᬹᬫᬿᬭᬸᬢᬋᬓᭀ᭞ᬳᬗᬶᬓᭂᬢᬶᬓᭂᬢ᭄ᬧᬺᬮᬫ᭄ᬩᬵᬂ᭞
ᬓᬵᬤ᭄ᬬᬗ᭄ᬕᬵᬦᬶᬂᬓᬸᬓᬸᬦᬂ᭞ᬢᬦ᭄ᬤᬭᬸᬂᬓ᭄ᬜᬃᬰᬶᬢᬗ᭄ᬰᬸ᭞ᬤᬸᬭᬦ᭄ᬧᬥᬭᬶᬂᬲᬗ᭄ᬓᬯ᭄ᬬᬵ᭚ᬯᬸᬲ᭄ᬓᬾᬓᭂᬢ᭄ᬓᭂᬫ᭄ᬩᬗᬶᬂᬮᬗᬶᬢ᭄᭞ᬳᬭᬦᬶᬂᬧ᭄ᬭᬮᬫ᭄ᬩᬂᬇᬓᬵ᭞ᬓᬂᬓᬸᬓᬸᬲ᭄ᬓᭀᬘᬧᬶᬂᬗ᭄ᬕᬶᬢ᭞ᬳᬧᬶᬦᬾ᭠
[᭖᭕ 65A]
ᬳᬶᬗ᭄ᬲᬸᬦ᭄ᬢᬦ᭄ᬯᬶᬓᬦ᭄᭞ᬤᬤᬶᬳᬶᬗ᭄ᬯᬂᬢᬦ᭄ᬢᬢᬲ᭄᭞ᬮᬶᬭᬶᬗᬶᬗ᭄ᬲᬸᬦ᭄ᬫᬓ᭄ᬱ᭄ᬬᬩᬶᬗᬸᬂ᭞ᬳᬬ᭄ᬯᬇᬥᭂᬧᬶᬓᬂᬲᬹᬲᬸᬭᬵᬢ᭄᭟᭜᭟᭛᭜᭛ᬧᬸᬄᬤ᭄ᬫᬂ᭛᭜᭛ᬳᬯᬓ᭄ᬩ᭄ᬮᭀᬕ᭄ᬫᬵᬩᭂᬢ᭄ᬭᬶᬭᬶᬄ᭞ᬧᬢᬶᬕᬩ
ᬕ᭄᭞ᬢᬸᬗ᭄ᬓᬸᬮ᭄ᬗᬸᬮᬶᬓ᭄ᬢᬸᬢᬸᬃ᭞ᬕᬯᬾᬓᬸᬢᬂᬢ᭄ᬯᬭᬢᬯᬸ᭞ᬲᬮᬄᬳᬶᬥᭂᬧ᭄ᬮᬾᬦ᭄ᬲᬲᬢᬶ᭞ᬲᬓᬶᬢ᭄ᬮᬾᬦ᭄ᬢᬶᬩᬦᬶᬂᬳᬸᬩᬤ᭄᭞ᬤᬦᬾᬲᬯᬢ᭄ᬲᬯᬢ᭄ᬭᬸᬭᬸᬄ᭞ᬤᬦᬾᬧᬳᭂᬓ᭄ᬓᬤᬾᬦ᭄ᬚᭀᬄ᭞ᬢᭀ
ᬩᬓᬢ᭄ᬬᬓᬮᬳᬶᬦ᭄᭞ᬢ᭄ᬯᬭᬢᬯᬂ᭞ᬭᭀᬯᬂᬓᬤᬾᬦ᭄ᬫᬸᬲᬸᬄ᭚ᬫᬸᬲᬸᬄᬕᬮᬓ᭄ᬓᬤᬾᬦ᭄ᬓᬵᬲᬶᬄ᭞ᬢ᭄ᬯᬭᬢᬯᬂ᭞ᬤᬸᬱ᭄ᬝᬦᬾᬭᬸᬲᬸᬄᬕᬸᬕᬸ᭞ᬲᬳᬶᬜᬮᬄᬳᬸᬓᬸᬃ᭞ᬧᬗ᭄ᬭᬱᬦ᭄ᬳᬯᬓᬾᬧ
ᬮᬶᬂ᭞ᬤᬦᬾᬲ᭄ᬟᭂᬂᬳᬦ᭄ᬤᭂᬮᬂ᭞ᬤᬦᬾᬲ᭄ᬟᬶᬸᬂᬥᬃᬫ᭄ᬫᬵᬢᬦ᭄ᬓᬕᬸᬕᬸ᭞ᬤᬦᬾᬲᬢᬢᬳᭀᬮᬲ᭄᭞ᬲᬳᬶᬓᬤᬾᬦ᭄ᬧᬘᬂᬭᬸᬲᬶᬢ᭄᭞ᬓᬮᬶᬗᬦᬾᬢ᭄ᬯᬄᬢᭀᬂᬢᬯᬂ᭞ᬫᬗᬶᬗᭂᬢᬶᬦ᭄ᬦᬾᬲ᭄ᬟᭂᬂᬕᬸᬕᬸ᭚
Kaca:Bali-lontar-gaguritan-sebun-bangkung-300ppi.pdf/65
Kaca puniki sampun kauji-wacén
