[᭙ 9B]
᭙
ᬓ᭄ᬭᬦᬦᬶᬂᬳᬶᬤᬪᬝᬵᬭ᭞ᬫᬦᬸᬕ᭄ᬭᬳᬶᬦ᭄ᬮᬶᬂᬦᬶᬂᬳᬚᬶ᭞ᬗᬭᬧ᭄ᬬᬫᬧᬹᬃᬯ᭄ᬯᬢᬢ᭄ᬯ᭞ᬲᬢᬶᬗ᭄ᬓᬄᬫᬢᬶᬦᬾᬫᬸᬗ᭄ᬕᬸᬄ᭞ᬢ᭄ᬓᬾᬦ᭄ᬩᬾᬬᬧᬗᬩᬾᬦᬦ᭄᭞ᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬲᬦᬾᬧᬵᬢᬹᬢ᭄ᬧᬓᬾᬃᬢ᭄ᬢᬶᬬᬂ
᭟ᬳᬲᬶᬂᬫᬢᬶᬦᬾᬓᬳᬸᬘᬧ᭄᭞ᬭᬳᬬᬸᬳᬸᬦ᭄ᬤᬸᬓᬾᬫᬢᬶ᭞ᬲᬗ᭄ᬓᬦᬶᬂᬕ᭄ᬭᬶᬂᬓᬮᬭᬦ᭄᭞ᬢ᭠ᬦ᭄ᬯ᭄ᬯᬂᬧᭂᬦ᭄ᬤᭂᬫ᭄ᬧᬸᬦᬶᬓᬸ᭞ᬕ᭄ᬮᬶᬲ᭄ᬲᬸᬭᬸᬧᬂᬓᬢᬦᬄ᭞ᬫᬫᬦᭂᬲᬶᬦ᭄᭞ᬤᬾᬯᬦᬾᬭᬶᬂᬧᬸᬭᬳᬶᬘᬮ᭄᭟
ᬤᬾᬰᬦᬾᬤᬤᬶᬓᬢᭂᬫᬄ᭞ᬧᬦ᭄ᬮᬶᬗ᭄ᬕᬶᬳᬾᬓᬍᬢᬸᬳᬶᬦ᭄᭞ᬧᬵᬢᬹᬢ᭄ᬕ᭄ᬲᭃᬂᬰᬯᬳᬶᬓ᭞ᬰ᭄ᬯᬵᬲ᭄ᬣᬵᬕ᭄ᬦᬶᬳᬗ᭄ᬕᬾᬦ᭄ᬫᬫᬸᬧᬸᬢ᭄᭞ᬬᬤᬶᬦ᭄ᬢᬦ᭄ᬲᬶᬤ᭄ᬟᬫᬩᬾᬬ᭞ᬓᬾᬯᬮᬪᬱ᭄ᬫᬶ᭞ᬫᬸᬮᬶᬄᬫ᭠
ᬭᬶᬂᬩ᭄ᬭᬵᬳ᭄ᬫᬮᭀᬓ᭟ᬩᬳᬸᬓᬢᬾᬫ᭄ᬩᬓ᭄ᬗᬦ᭄ᬢᬶᬃᬢ᭄ᬣ᭞ᬧᬦᬾᬫ᭄ᬩᬓ᭄ᬧᬜᭂᬳᭂᬗ᭄ᬫᬮᬶᬄ᭞ᬤᬤᬶᬳᬋᬂᬬᬲᬵᬓ᭄ᬱᬦ᭞ᬲᬵᬫ᭄ᬧᬸᬦ᭄ᬫᬸᬮᬶᬄᬬᬓᬯᬶᬱ᭄ᬡᬸ᭞ᬳᬦ᭄ᬤᬸᬲᬾᬦᬸᬗ᭄ᬓᬧ᭄ᬅᬗ᭄ᬓ
[᭑᭐ 10A]
ᬲ᭞ᬜᬸᬘᬸᬓ᭄ᬮᬗᬶᬢ᭄᭞ᬫᬸᬮᬶᬳᬶᬂᬇᬰ᭄ᬯᬭᬮᭀᬓ᭟ᬲᬶᬤ᭄ᬟᬫᬦ᭄ᬢᬸᬓ᭄ᬓᬓᬫᬸᬮᬦ᭄᭞ᬫᬦᬤᬶᬳ᭄ᬬᬂᬢᬶᬕᬫᬹᬃᬢ᭄ᬢᬶ᭞ᬦᬸᬗ᭄ᬕᬮ᭄ᬭᬶᬂᬲᬗ᭄ᬕᬄᬓᬫᬸᬮᬦ᭄᭞ᬫᬜ᭄ᬦᭂᬂᬪᬝᬵᬭᬕᬸᬭᬸ᭞ᬓᬲᭂᬫ᭄ᬩ
ᬳᬦ᭄ᬢᬸᬓ᭄ᬱᭂᬦ᭄ᬢᬦ᭞ᬦᬧᬶᬫᬮᬶᬄ᭞ᬲᬦᬾᬓᭀᬩᭂᬢᬂᬭᬶᬂᬫᬦᬄ᭟ᬳᬦᬾᬫᬢᬶᬓᭀᬘᬧ᭄ᬳᬮ᭞ᬲᬮᬄᬧᬢᬶᬓᬯᬲ᭄ᬢᬦᬶᬦ᭄᭞ᬫᬢᬶᬓᬘᬭᬶᬓᬩᬩᬲ᭄᭞ᬓᬕᭂᬧᭀᬓ᭄
ᬫᬢᬶᬓᬲᬸᬤᬓ᭄᭞ᬲᬭᬧ᭄ᬫᬤᬦ᭄ᬲᬭᬧ᭄ᬩ᭄ᬯᬬ᭞ᬕᬸᬢᬶᬮᬮᬶᬧᬶ᭞ᬫᬢᬶᬮᬩᬸᬄᬲᬦ᭄ᬤᭂᬃᬓᬶᬮᬧ᭄᭟᭐᭟᭛ᬤᬸᬓ᭄ᬭᬳᬶᬦ᭞ᬰᬸ᭞ᬧ᭞ᬲᬶᬦ᭄ᬢ᭞ᬗᬦ᭄ᬢᭀᬲ᭄᭞ᬯᬺ᭞ᬧ᭞ᬮᬡ᭄ᬟᭂᬧ᭄᭞ᬰ
ᬓ᭞᭑᭘᭘᭓᭞ᬭᬶᬂᬘᬫ᭄ᬧᬸᬳᬦ᭄ᬳᬸᬩᬸᬤ᭄᭞ᬕ᭄ᬬᬜᬃ᭞ᬳᭀᬯᬭᬰᬸᬮᬶᬗ᭄ᬕᬶᬚ᭄ᬫᬶᬯᬄᬯᬮᬓᬧᬭᬸᬫ᭄ᬗᬫ᭄ᬩᬸᬮ᭄ᬓᬧᬸᬢᬸᬲᬦ᭄᭞ᬲᬂᬲᬮᬄᬧᬢᬶᬓᬾᬗᬶᬦ᭄ᬧᬍᬩᭀᬦᬂ᭞ᬦᬗᬶᬂᬲᬳᬉᬧᬘᬭᬧᬦᭂᬩᬸᬲᬦ᭄᭞
Kaca:Bali-lontar-gaguritan-sipta-agama-350ppi.pdf/10
Kaca puniki sampun kauji-wacén
